Miqueas 6:8 - La'qaatqa ñi qota'olec Qota'olec & Qota'olec Novita Na Qomyipi

⁸ ¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Miqueas 6:8 Iomraidhean Croise

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Génesis 5:22

Qam so Enoc quejlgoto nauá'maq lelaataxanaxaco ñi qota'olec. Ca co'na' ime ne'qaañi so llaalec Matusalén, ca' so Enoc ñaqai queuguilo saua trescientos ñaxari liỹa' quiyim nca'leetauec. Ca 'vii saua liỹa' llaalqa chaqai saua llaale.

Salmos 73:28

Qam ỹim ñqo'neu'a ma'le ñi qota'olec, ma' caỹim da'maxare paguec la'maxa. Qami' ỹa'gaxala' qota'olec, quepaqataxañiseguelec aỹim, ca' ỹim sa'xat ná'ogue ná'maq ro'ueenachiqui'.

Eclesiastés 12:13

Ca' ime da ỹa'qaatqaipi. Ná'ogue shi'gue sa'xat. Maqachiñi' ñi qota'olec chaqai 'viichi' naua lelaataxanaxaco, ma' chaqaida dá'maq 'em quiyim qaỹo'uet na qom.

Isaías 56:1

Ñi qara'gaxala' 'naac queso lalamaxareteripi: Napaxaguiñiỹa quiyim na'maxachita, 'viichii cá'maq ỹa'maqachiguiñi, ma' sqaỹaloq so'uet quiyim ra'maxaiñi; sachaxan ma'le da iquesaxanaxa ca'laqataxanaxai.

Jeremías 22:16

Chaqai ro'ootaxanlec quen na 'xoraiquipi chaqai ná'maq chi qoỹoiquentac, ca' chaqaida 'neeta vichiguiño' ỹa'maqachiguiñi na'le ná'maq ỹo'uet. Ca chaqaida dá'maq lo'ueenataxanaxac cá'maq iuañiua'. Ỹim na'gaxala', se'taxajñi dajo ỹa'qaatec.

Ezequiel 16:63

Ca' qami' ma' 'yiiñira'a, ca' chalego ma'le ca rayiloxo'e' chaqai nemanachichi', ca' totqai huachirigui ma'le na qadapi' quiyim taxahi', ma' ỹim sapalaxat ná'ogue ná'maq se no'uen 'viichi'sac. Ỹim na'gaxala', se'taxajñi da ỹa'qaatec. (17.1-24 Qaraloqojnaxañigui aso 'uva lashi chaqai qaraloqojnaxañigui so o'ic.)

Oseas 6:6

Dá'maq sahotaque caqamiri quiyim rqo'chiiua', mesqai quiyim lauachii ca isecỹac, ca 'ỹaañiỹot aỹim; chaqai quiyim 'yiiñiỹa'a aỹim quiyim ỹim qota'olec, ca' sqai 'ỹaañiỹot aỹim cá'maq isecỹac vigaxachii. (6.7—10.15 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi quiyi Israel. Da naquitaxac quena ỹoqa'a qomyipi. Dá'maq 'neetari' quena nqolaquipi. Dá'maq naata nouaxanaxaset.)

Amós 5:24

Qam sahotaque quiyim 'ec huaxaỹaq ne'paxanec dá'maq no'uen caqamiri, chaqai da na'maqataxanaxac 'ec ca se imeuo ne'paxantashiguim huaxaỹaq. (25-27 So Amós rashiilaxantac quiyim netogot so qomyipi.)

Mateo 5:3

—Ỹaatqajam chalego la'maxa ma'le quecá'maq na'deenalta' quiyim ỹouen da lotaanaxanaxac ñi qota'olec, ma' ca'maxare hueetaugui da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 5:7

Ỹaatqajam chalego la'maxa ma'le quecá'maq i'xoren ca liỹa, ma' ñi qota'olec i'xoren ma'le ca'maxare.

Lucas 10:42

Qalaxam 'oonoqui' dá'maq ỹapacauec quiyim qaỹouen. Añi María ỹaatqajam paguec loyac dá'maq nca'atau'a, ca da'maxare qaica ca ishit rouootaxana'gue.

Lucas 11:42

¡Ỹaatqajam 'xoraiqolqa qamiri fariseo! Ma' qamiri 'ỹaañiỹot ñi qota'olec aca 'oono'lli' laue cana diez quena nalequetenaxanaxat ỹo'uet quiyim lo'daxaraic na lahita na neuolec chaqai ná'ogue ana liỹa nalequetenaxanqate. Qam se na'xaỹaxañii queca nalamqataxaguii chaqai da re'xorenataxanaxahi quiñi qota'olec. Ca' chaqaida 'viichii quet, qam se couahi'e quiyim 'viichii da liỹaripi.

Lucas 12:14

Qam so Jesús 'naaco': —Shinapega qami', ¿negue' ca ỹaanem aỹim ca ỹo'ueenataxanaxac quiyim ño'laaque ca nasauaxaset, loqo'm quiyim sasectaqchigui ca nesallaxa?

Lucas 6:36

Chaqai ỹaatqajam qamiri qouagaxanqachaqaiquipi ma'le, qaiyi 'ñiitam ñi qota'olec caqamiri ỹaatqajam qouagaxanqachaqaic.

Romanos 7:16

Qam no'm cá'maq se yqo'ta quiyim so'uet, ca' chaqaica cá'maq so'ueetetac, ca' yitan quiyim 'maxaraic na naqataxaquipi.

Romanos 9:20

¡Qam qami' qom! ¿Negue' queto' aqami' quiyim taxaisa'guit ñi qota'olec? ¿Loqo'm 'ue aca no'xona 'laua ishit 'naapega cá'maq no'xonqo': “Chi'neco' ma' 'ñiiteteco' aỹim dajo na' yo'viichi'?”

1 Corintios 7:16

Ma' qami' 'aalo, ¿sqa 'yiiñi'o' quiyim chicqochigui qami' quiyim sqoue nca'laxachirec ca roua'e'? Loqo'm qami' ỹale, ¿sqa 'yiiñi'o' quiyim chicqochigui qami' quiyim sqoue nca'laxachirec aca roua'e'?

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Deuteronomio 30:15

Ca' nagui, ca spa'xano'oto qamiri, qaiyi nca'aiguilo naua dos: da nca'laxa chaqai dá'maq no'uen, loqo'm da nelauaxa chaqai da se no'uen.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

Santiago 2:20

Qam qami' sqa 'maxariñi', ca' ỹaatqajam qaica ca 'yiiñi', ma' no'm ca npi'ỹaxac sqaica ca ỹa'maqachiguiñi lo'ueenataxanaxac, ca' cajo npi'ỹaxac 'ec leuaxaic.

Josué 24:14

—Ca' vichiguiño' quedá'ogue dajo, ỹaatqajam ro'chiỹa ma'le ñi qara'gaxala', chaqai ỹaatqajam quiijlec. Ca' ỹaatqajam 'xañiñi na nqouagaxaintacot nqolaquipi so 'auaxaic qataa'illipi queda lahi yi Eufrates chaqai quiyi Egipto, ca' ỹaatqajam quiilec ñi qara'gaxala' qota'olec.

1 Pedro 3:8

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.