Miqueas 6:7 - La'qaatqa ñi qota'olec Qota'olec & Qota'olec Novita Na Qomyipi

⁷ ¿Peeta'a netoon ñi qara'gaxala' no'm saanto'ot ca mil qagreta loua', loqo'm ca diez mil lachiugue quena aceite? ¿Loqo'm quiyim saanot cá'maq ỹi ỹaalec, laseue' na ỹasauaxaset chaqai quiyim se ña'xaỹaxan?

Miqueas 6:7 Iomraidhean Croise

2 Reyes 21:6

Chaqai qai'neeta ỹavigaxate' saua llaalqa quiyim ỹa'ue lachitaxanataxanqate', chaqai vire'ta napaxaguina quiyim ỹa'den na se re'xogui, ca ỹo'viijñi quiyim qaretaxaỹa'pegue' na nqui'illipi chaqai da ne'naxanaxac. Ca chalego la'aaxa dá'maq ỹo'uet quiñi qara'gaxala', ca' ỹovireta'a quiyim ro'o nqai'en quená'maq lo'ueenataxanaxaquipi.

2 Reyes 23:10

So Josías na'axat qai'neeta so navicqataxanaxala' na'ñi so ca'megue quiyi Ben-hinom, qaiyi qaica ca ỹavigaxat ca llaalec loqo'm aca llaale, ca' ỹaanot so nashiilec Moloc.

Salmos 50:9

Se soỹaxantaque ca huaqui llaalec quena qalo'e'ipi chaqai ca quetaq loua' hueetaugui ana qalo'e' lahi',

Salmos 51:16

Ma' qami' sqai 'maxariñi' aca chi nachitaxanataxanqate loqo'm aca qaỹavigaxat; ỹim seshit saanem quet qami', qam qami' sqai 'maxariñi' aca'maxare.

Salmos 51:18

Ca 'viichi' ca no'uen quena Sión quedá'maq vi'saque; quiyim liỹa no'xoñirishiguim ca lquepaxaset na Jerusalén.

Isaías 1:1

Najo lere, lerecse so Isaías, llaalec so Amoz, chicqochigui so leuanaxanaxac chicqo'ot ñi qota'olec, taỹaugui yi Judá chaqai yi Jerusalén quesaua ñaxari na' nashil saua Uzías, Jotam, Acaz chaqai so Ezequías quiyi Judá. 'Naaco':

Isaías 40:16

Quiyá'ogue yi 'laua quiyi Líbano se nalogoñi na iseripi hueetalec quiyim qaỹa'ue ca nachitaxanataxanaxat, vire'ta ca qo'paq navicqataxanaxat quiyim qoỹaanot ca name ñi'maxare.

Jeremías 19:5

Chaqai qai'neeta no'xonshiguim ana lcopatoxonaxalate, ca' copata'a na llaalec, ca' ỹaanot ñi lashiilec Baal, ca da'maxare sqai selarelec, chaqai sqai shinapega, chaqai qa'uequeto' hueetapigui iuel dajo.

Oseas 6:6

Dá'maq sahotaque caqamiri quiyim rqo'chiiua', mesqai quiyim lauachii ca isecỹac, ca 'ỹaañiỹot aỹim; chaqai quiyim 'yiiñiỹa'a aỹim quiyim ỹim qota'olec, ca' sqai 'ỹaañiỹot aỹim cá'maq isecỹac vigaxachii. (6.7—10.15 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi quiyi Israel. Da naquitaxac quena ỹoqa'a qomyipi. Dá'maq 'neetari' quena nqolaquipi. Dá'maq naata nouaxanaxaset.)

Amós 5:22

Se sa'maxaren ná'maq 'ỹaañiuo quiyim qaicopata'a quiyim yimaqachiñii, vire'ta ana 'ỹaañiuo nanecsec ala; se secoñiguit ná'maq huaqui llaalec 'uegaxasaq rachitaxanataxanaxachii quiyim pilliỹot aỹim.

Filemón 1:12

Ca' sopilaqta qami', ca' coñichiguit, 'ñiisa'gue quiyim chaqaỹim ná'maq coñichiguit.

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.