Miqueas 6:6 - La'qaatqa ñi qota'olec Qota'olec & Qota'olec Novita Na Qomyipi

⁶ ¿Nega'ỹo' cá'maq llo'qoota'a ma' shicpegue' quiyim ñqouagaxainot ñi qara'gaxala' ñí'maq qota'olec queda piguim? ¿Peeta'a ma' sovira'a, ca' sauequetau'a ca huaqui llaalec 'óna niñaaxa, sahotaque ỹachitaxanataxanaxat quiyim qaỹavigaxat?

Miqueas 6:6 Iomraidhean Croise

Salmos 22:29

Qaiñiita 'yiỹoto naua re'cootallii, ca nqouagaxainot ná'ogue ná'maq qaica ca ỹouen, ná'ogue ná'maq pilougui ma'le na 'laua, ma' qaica quet cá'maq chi nanoiquentac nca'leetauec.

Salmos 95:2

Senoxonaxau'a, sachoqotaho da qana'aachic, chaqai so'ueenaq ca no'ueenec, semaqachinqatac.

Salmos 95:6

Ỹalahi, sa'daqaiñi naua qare'cootal; sa'daqoto naua qare'cootal ñi qara'gaxala', ma' ñi'maxare qomi' lo'ueenatqa.

Éxodo 12:5

Qam cajo isecỹac ỹovi' yi 'óna niñaaxa, chaqai ỹale, chaqai qaica ca natoc, qagreta loqo'm quetaqoqui'.

Éxodo 23:15

Vii ca lemaqachic ca pan sqaca ana lalequete pe'taxachigui. Ipaquichigui nqai'ñii dá'maq ỹa'qaatec, ca' queca ma'le, ca' 'guii cajo pan quecaua siete na'xata'. Yí'maq laloqo' nqohin cajo nemaqachic viichigui nqohin ca shiraigo leenaxat Abib, ma' quecajo shiraigo na'le quiỹa'e yi Egipto. Ca' sqaica quet cá'maq novira'a aỹim no'm sqaica ca nachiitauo lame.

Isaías 40:16

Quiyá'ogue yi 'laua quiyi Líbano se nalogoñi na iseripi hueetalec quiyim qaỹa'ue ca nachitaxanataxanaxat, vire'ta ca qo'paq navicqataxanaxat quiyim qoỹaanot ca name ñi'maxare.

Daniel 3:26

Ca na' 'naac dajo, ca so Nabucodonosor nqo'neu'a ñi lasom ñi nqatelaxanaxaqui, ca ỹaualaq, 'naac: —¡Sadrac, Mesac chaqai Abed-nego, lelaatqa ñi ỹapacauec qota'olec, nenoxoñiuec, naiquenajo! Ca' saua tres nenoxondec, chicqoterougui so norec lauaq.

Daniel 5:18

Ñí'maq paguec lecaic qota'olec ỹaanem da lo'ueenataxanaxac, chaqai da lecaic, da lauaq chaqai da lemaqachic so Nabucodonosor só'maq qataa'i', qami' qarashi.

Daniel 5:21

Ca' qaỹoỹootec quena qom, ca' ñigui 'ec isecỹac nqohin; ca ỹalequetaugui na lolgaqaipi, ỹa'ic na 'uaqapi 'ec na ñii'lola, chaqai ana 'ỹa' pi'guiloxolaxat na loshicmaxa, chi ỹovireta'a na' ỹa'deena'a quiyim ñi qota'olec qaica nqai 'nejem 'ue da lquesaxanaxa napacalec ná'ogue ná'maq nashillipi ỹoiquentac na 'laua, chaqai ñi'maxare ỹana'ñi quiyim nashi cá'maq sham ỹana'ñi.

Amós 5:22

Se sa'maxaren ná'maq 'ỹaañiuo quiyim qaicopata'a quiyim yimaqachiñii, vire'ta ana 'ỹaañiuo nanecsec ala; se secoñiguit ná'maq huaqui llaalec 'uegaxasaq rachitaxanataxanaxachii quiyim pilliỹot aỹim.

Mateo 19:16

Ca 'uo' so ne'nec quepegue' so Jesús, ca renataxan, 'naaco': —Qami' huagaxaraic napaxaguinataxanaq, ¿nega'ỹo' cá'maq so'uet ỹa'maqachiguiñi, ca' 'ue ca ica'laxa sqaica lqodoc?

Marcos 12:33

Chaqai quiyim qarqo'ta ñi'maxare, somatqo'ot añi qare'taxanata, chaqai da qara'deenataxanaxac, chaqai da qanachaalataxac, chaqai dá'ogue da qarquesaxanaxa, chaqai quiyim qarauotegue ca qariỹa, 'nejme' qomi' chi ñauochaqalta', ma' da'maxare napacalec ná'ogue na nachitaxanataxanqateripi quena' qoỹaanot ñi qota'olec, chaqai ana nachitaxanataxanqate quena' qaỹavigaxat cada ncopatoxonaxalate.

Marcos 5:7

Ca' ỹaatqajam nelamaxaren, ca 'naaco': —Qami' Jesús, qami' llaalec ñi qota'olec ỹapacauec quená'ogue, ¿chi'neco' ma' 'iisapegueu'a aỹim? Nagui ñi'xoresene'tot qami' quiñí'maq qota'olec quiyim se qa'vi'rahic.

Lucas 10:25

Ca' so napaxaguinataxanaq quena nelaataxanaxaquipi nachajñi, quepegue' so Jesús, ỹahotaque quiyim retaxaỹa'pegue'. Ca' chi i'guen, inat, 'naaco': —Qami' napaxaguinataxanaq, ¿negue' ca shinta'co' quiyim sovira'a secoñiguit ca nca'laxa sqaica lqodoc?

Juan 6:26

Qam so Jesús 'naaco' queso qomyipi: —Ỹaatqajam llic da shinac caqamiri, quiyim qamiri daañitaque aỹim ma' na' qui'ii ỹovire'ta quemari, qam mesqaida quiyim 'yiiñichigui ca netanec se qaiuanapega.

Hechos 16:17

Ca' asojo nequetegaxai coỹaretalgoto qomi' queso Pablo, ỹaualqata'guit, 'neetapogoxoua': —Nauajo ỹale' nauá'maq ỹaatqajam lelaatqa ñi qota'olec ñí'maq ỹaatqajam lodegaxat, ỹa'xatetapeguema qamiri da llicyaxac da nca'laxa.

Hechos 16:30

Ime, ca' ỹaueguere'oguiyi, ca inate': —Qamiri ỹaqaỹa', ¿negue' ca shinta'co' quiyim sahotaque yca'leuec?

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

Efesios 3:14

Ca' vichiguiño', ca' ỹim sa'yiichiriñi naua i'cootal ñqouagaxaintacot ñi leta'a so qara'gaxala' Jesucristo,

Hebreos 10:11

Ca' ná'ogue na letaxaỹaxanqajnec na judioipi quena' retaxaỹa'pegue' ñi qota'a, na'maxare queetalec da lo'ueenataxanaxac quenaua'que naua na'xata' chaqai queetalec quiyim piltalec ỹaantapego ana nachitaxanataxanqate, 'eno'm najo nachitaxanataxanqateripi se ishit naqat na nasauaxaseteripi.

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.