Miqueas 6:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qamiri ỹalamaxarete', ñaq no'viñigue nagui dá'maq na'deenaxac na'le so nashi quiyi Moab leenaxat Balac quecá'maq sham 'neeta'guelo qamiri, chaqai dá'maq la'qaatec na'le só'maq llaalec so Beor leenaxat Balaam. No'viñigue na' chigoxoichi'ñi yi Sitim, ca 'iỹa'gue da Gilgal, chaqai 'yiiñira'a quiyim so'ootaxanteguelgoto qamiri na'le.

Miqueas 6:5 Iomraidhean Croise

Salmos 36:10

Se neme 'ỹaañisapeguec da re'xorenataxanaxa'e' chaqai da no'uen ro'ueenataxanaxaqui' quená'maq ỹa'den qami' ná'maq qomyipi 'deenataxanaxaiquipi.

Salmos 71:19

Na ỹa'maqachiguiñi ro'ueenataxanaxaqui', qami' qota'olec, ỹaatqajam ỹoviro'ot na piguim; chalego lecaic da ro'ueenataxanaxaqui', ¡ỹaatqajam qaica ca 'nejem qami'!

Números 22:41

Ca' queso liỹa nete'e na' nete'etam, ca' so Balac i'guena'a so Balaam, ca' ỹavicshiguim caso Bamot-Baal. Ca' yí, hua'ño' na' iuana cá'ogue ca neeta'ñi nco'matqa' so Israel llaalqaipi.

Números 23:27

Ca' so Balac 'naaco' queso Balaam: —Ỹala'e', ñaq saviquita yi liỹa 'laua, sha'apiguito' quiyim ñi qota'olec se ro'o, no'm se no'uen ca naqairelec ra'qaachiqui' yi Israel llaalqaipi quiyi'maxare.

Efesios 2:11

Ca' vichiguiño' no'viñita'gue dá'maq 'ñiitari' quen quesom, sqai qamiri judío lase'. Ca vichiguiño' na judioipi ma' ỹo'uet na netanec na loshicmaxa na llaalqaipi, ca' ỹa'ue dá'maq chaqai legaxanaxat, 'neetasa': 'ue netanaxaset. Ca' qamiri ỹamata'guelo qaica ca netanaxaset.

Deuteronomio 23:6

Ca' sqai viitaque quiyim nemañiguit chaqai quiyim 'maxachii'tegue na'maxare quenaua'que naua na'xata' quiyim ñaq rca'lliitauec.

Josué 2:1

Quiyi Sitim, ca' so Josué ỹa'vii saua ilate' nemootaxanterec dos ỹale', ca 'naapegalo': —'Ajnaxañiỹa yi 'laua yí'maq neetalec yi na'a' lodegaxat Jericó. Ca saua'maxare que', ca ỹovirera'o' yi la'a' aca 'aalo nanatqa lo'o' quiyi Jericó, leenaxat Rahab. Ca huera'ño' lelaxasqote' queca pe.

Josué 3:1

Ca' queso liỹa nete'e na' nete'etam, ca' so Josué chaqai sá'ogue so Israel llaalqaipi eec ca'e yi Sitim, ca' ỹovita aso lachiugue Jordán. Qam na' saqa' ỹapacta, ca' nco'matec.

2 Pedro 2:15

Na'maxare ỹo'meetajlec, ma' ỹaxanec dá'maq ỹaatqajam 'maxaraic ñicyaxac, ma' ỹadenaxat da llicyaxac so letaxaỹaxanqajnec ñi qota'a, leenaxat Balaam, llaalec so Beor. Ỹo'uet ca se no'uen, ma' ỹahotaque 'ue aca lauegue.

1 Juan 1:9

Qam no'm sa'xataxe' naua qarasauaxasete', ca' spi'ỹaaqa'a ñi qota'a quiyim ishit ỹo'uet ca ỹa'maqachiguiñi, ca ñi'maxare ishit ỹapalaxat na qarasauaxaseteripi chaqai qarco'taxat quená'ogue na se no'uen.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.

Apocalipsis 2:14

Qam 'vii nauá'maq se yqo'talo caqami'. Ma' quená'maq ñi'sa'ñi Pérgamo ñaqa 'vii nauá'maq saqa' ỹaxañiñi da lapaxaguinataxanaxac so Balaam, só'maq 'naapego' na'le so Balac quiyim so Israel llaalqaipi ỹa'ic ná'maq nachitaxanataxanaxat mashic qoỹaanot ca nashiilec nqolac, chaqai quiyim queetalec da se no'uen lamaanaxanqachic na loshicmaxa, ca chicqochiquio' na'le ca lasauaxaset.