Miqueas 6:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ỹim ñaqata'a na'le qami' quiyi Egipto, ñaqata'a na'le qami' quiyim qami' na'ac, ỹim sela' na'le so Moisés, Aarón chaqai aso María, sahotaque quiyim ra'gaxalachiri.

Miqueas 6:4 Iomraidhean Croise

2 Samuel 7:23

Chaqai quena Israel ná'maq ralamaxarichi', ¡na'maxare qaica nqai 'nejem, ma' najo qomyipi ỹaatqajam qainaata quena 'laua! Qami' qota'olec, na'maxare naqachira'a na'le, ma' vi'saque ralamaxarichi'. Ca' 'viichi' da lichoxoric quedá'maq chalego lecaic 'viichi' quena'maxare. Qami' o'yirauec nanchaqaina quedá'maq taata'gue na ralamaxarichi'ipi ná'maq nca'laxachirec na'le quiyi Egipto, chaqai quená'ogue na liỹa qomyipi chaqai quena lashiilqaipi lqolaquipi.

Éxodo 20:2

—Ỹim ná'maq ỹim ra'gaxalari qota'olec naqaterec qamiri na'le quiyi Egipto na' qamiri na'aqa.

Éxodo 3:10

Vichiguiño' nagui qui', selata qami' ñi Faraón, ca' naqachira'a quiyi Egipto yi ỹalamaxareteripi Israel llaalqaipi.

Éxodo 4:10

Qam so Moisés 'naaco' quiñi qara'gaxala': —Qam naua ỹa'qaatqa se ỹa'machiñi, ma' na'perapeguec. Qam dajo sqai naquita quiyim taxaisa'pegue' najo relaachiqui'. Qam shi'gue quesom. Ma' quena' sham setaqa, ca' sqalanac dá'maq shim sa'xat.

Éxodo 4:16

Qami' taqaira'pegue' ma'le ñi Aarón shiquiaxam ỹim setaqata'pegue'. Ca' ñi Aarón 'naapega ma'le na qomyipi cá'maq 'ñirac.

Amós 2:10

Qam qamiri ñaqata'alo na'le quiyi Egipto, ca sashaxanta'pe qamiri quesaua cuarenta ñaxari quiyi 'laua qaica qom, ma' sahotaque saanema qamiri yí'maq na'laua so qomyipi.

Hechos 7:36

Ca' chaqaiso so Moisés so naqatec so 'auaxaic qareta'allipi na' neeta'ñi yi Egipto, chaqai chaqaiso so ỹo'uet ná'maq se qaiuanapega chaqai na netanqaipi co'na' neeta'ñi yi Egipto, chaqai co'na' ỹovita aso huaaxai, leenaxat Huaaxai Toc, chaqai co'na' ỹovita yi 'laua qaica qom chaqai quesaua'que saua cuarenta ñaxari.

Deuteronomio 15:15

Se coua'ire'e quiyim qami' qai'neeta na'ac na'le quiyi Egipto, ca' ñi qara'gaxala' qota'olec caqami' naqata'a na'le qami'. Vichiguiño' nagui sa'ue da ỹaqataxac caqami'.

Deuteronomio 24:18

'Neeto' couahitaque quiyim qamiri na'aqa na'le quiyi Egipto, qam ñi ra'gaxalari ñí'maq qota'olec caqamiri naqata'alo na'le qamiri quiyi'maxare. Vichiguiño' nagui selarelgoto qamiri quiyim pacqajñichigui dá'ogue dajo.

Deuteronomio 7:8

Ñi qara'gaxala' naqata'alo qamiri quiyi Egipto yí'maq ñiita'ñi na' qamiri na'aquipi, ca' ỹahote'e dá'maq chalego lecaic lquesaxanaxa na' naqata'alo qamiri queso Faraón, ma' i'xorene' qamiri chaqai quiyim ỹahotaque ipacqajanchigui dá'maq la'qaatec na' 'ue da ỹaanec la'qaatec queso 'auaxaic qataa'illipi.