Miqueas 5:3 - La'qaatqa ñi qota'olec Qota'olec & Qota'olec Novita Na Qomyipi

³ Nagui, ca' ñi qara'gaxala' ỹaxantac na lalamaxareteripi, ỹovireta'a nqai'en ma' chi co'o añi 'aalo nauaantaque quiyim ne'qaañi ca llaalec. Ma'le, ca' qaigueme rapil na lauo' laseripi, quená'maq llaalqaipi so Israel hueetalec yi ỹoqa'a 'laua.

Miqueas 5:3 Iomraidhean Croise

Salmos 67:3

Qami' qota'olec, imaqachin qami' na ỹoreta'oguit qomyipi; ¡quiyim ná'ogue na ỹoreta'oguit qomyipi imaqachin qami'!

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Ezequiel 34:16

Sedaanaque ma'le aná'maq qagreta na'laañi, ño'deuo aná'maq ỹo'maauec, aná'maq qagaxai sa'ue ca laxa' na lichi, sotauan aná'maq ỹolaaueta, chaqai scochiỹa aná'maq no'ueenta chaqai 'uegaxasaxa. Ca' ỹim ná'maq ỹaatqajam scochiỹa ma'le.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Oseas 2:14

Ỹim so'uet ma'le quiyim nqo'chiiua': ca se'xategue da 'laua qaica qom, ca ỹaatqajam ñineequesene'tot, ca sa'llaxat añi le'taxanata.

Oseas 2:9

Ca' vichiguiño' liỹa secona ma'le na trigo chaqai na lataxa ma' ỹovirelec quiyim raqataxan, ca' llapoon na qagreta laue chaqai na lino ná'maq saanem na'le quiyim napogoñi.

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Miqueas 4:4

Ca ma'le, ca' tot qaica ca ỹouetetac, ná'ogue nco'matec, neeto'ot ca la'al aca lanecse 'uva, chaqai aca lanecse higo lashi. ¡Ca' dauajo dauá'maq lalamaxarete' la'qaatqa ñi qara'gaxala' sqaica lqalanec! (4.5-13 Ñi qara'gaxala' nca'laxatec ma'le so lalamaxareteripi.)

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Mateo 12:50

Ma' canchaqaica quiyim ỹo'uet dá'maq ỹahotaque ñi ita'a qota'olec neeta'gue da piguim, ca chaqaica cá'maq ỹaqaỹa ỹale, ỹaqaỹa 'aalo, chaqai ỹate'e.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Romanos 8:29

Ma' ná'maq shi'gue iuana ñi qota'a, ca' chaqaina ná'maq shi'gue nca'au'a ñi'maxare, ỹahotaque quiyim 'nejem so llaalec Jesús, qaiyi só'maq llaalec nopiichi quená'maq 'xoic nqaỹaripi.