Miqueas 5:1 - La'qaatqa ñi qota'olec Qota'olec & Qota'olec Novita Na Qomyipi

¹ Qam nagui, qami' na'a' Jerusalén, 'maxachiriñi cá'maq chi rquepaqataxanaxachi', ma' nagui qanahiquinchiguiñi qami' chaqai qaỹa'ue da nouaxanaxaset ñi nashi quena Israel.

Miqueas 5:1 Iomraidhean Croise

Génesis 35:19

Ca' chaqaido' da 'neeta co'na' ileu aso Raquel. Ca qaishinñi quena lahi so nayic quiyi Efrata. Ca' nagui yi'maxare leenaxat Belén.

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

1 Reyes 22:24

Ca co'na'le, ca' so Sedequías só'maq llaalec so Quenaana nqo'neu'a so Micaías, ca' ỹouaxañigui na lashic. Ca 'naaco': —¿Negue' cá'maq taigue ca ne'espíritu ñi qota'olec caỹim quiyim retaqaugui qami'?

2 Reyes 24:2

Qam ñi qara'gaxala' ilata so Joacim so cuataxai qomyipi quena caldeoipi, sirioipi, moabitaipi chaqai na amonitaipi, ilata yi Judá, ma' ỹahotaque nopoxoỹaxajñi. Ca' ipacqajanchigui dá'maq 'naaco' na'le ñi qara'gaxala' na' retaqaugui so letaxaỹaxaquiripi.

Isaías 9:5

Re'qoota nqai'en da lelamqa' naua lapelate' na nouaataxanaq, ca' naua lapelate' chaqai naua loho leuore'teguelo qaỹavigaxate', ỹasoote' nqohine' ma'le queca norec.

Jeremías 4:7

Na sauaxaic leta'a mashic nenoxonec quiyi nañoqotqa', ná'maq mashic nomategueñi na ỹoreta'oguit qomyipi mashic naqueta; nenoxonec quiyi na'laua, ma' ỹahotaque nomajñi na qomyipi neetalec najo 'laua, ỹahotaque co'telec na na'aateripi chaqai nopoxoỹaxajñi.

Amós 2:3

¡Secona'a ma'le ñi lashi quena lavinñi so qomyipi; ca' salauat ma'le, queeta'ñi' nqaishin so lotauaripi nalliripi! Dajo 'naac ñi qara'gaxala'.

Mateo 26:67

Co'na'le, ca' qanatoxogui na lashic so'maxare, chaqai qaỹouaxan. Chaqai saua liỹa', ca ỹouaxanyigui na lashic so'maxare.

Mateo 27:30

Chaqai qai'neeta qanatoqoto' quen, chaqai qaicona aso lashilete, ca qaỹouaxañigui na lqahic.

Mateo 5:39

Qam ỹim shinac caqamiri, se cotenachiỹa cá'maq ỹo'uet ca se no'uen caqamiri. Ta'ta'a no'm 'ue ca ỹouaxañigui na rashiigui lahi, ca' lotqai 'ỹaañim da liỹa lahi.

Juan 18:22

Ca co'na' so Jesús 'naaco' dajo, ca' so nouaataxanaq le'ec ỹalequetaho ma' neloxoỹaq cañi no'ueenaxanaxaqui, ỹouaxañigui na lashic so Jesús. Ca 'naaco': —¿Dajo 'ñirac quiyim pilaxachichiguit da la'qaatec ñi lashi na netaxaỹaxanqajanqaipi?

Juan 19:3

Ime, ca' qanqo'neu'a so'maxare, ca qohinac: —¡La', qami' na' qami' lashi na judioipi! Ca' qaỹouaxantapigui na lashic.

Hechos 23:2

Ca' so lashi na netaxaỹaxanqajanqaipi, leenaxat Ananías, 'naapegalo saua huaqase'e' so Pablo quiyim qaỹouaxanougui na lap.

2 Corintios 11:20

Ma' qamiri na'ñaxachiiguit ná'maq ỹo'uet quiyim qamiri lelaatqa, loqo'm que'eetapiguilo qamiri, chaqai 'ec qamiri lalamaxarete', chaqai qaica ca ỹauaapigui qamiri, chaqai ỹouaxantapiguilo naua rashigori.