Miqueas 4:3 - La'qaatqa ñi qota'olec Qota'olec & Qota'olec Novita Na Qomyipi

³ Ñi qota'olec imit ma'le ná'ogue na ỹoreta'oguit qomyipi, ca ñi'maxare ỹa'maxajñi na reloquitapigui na 'xoic qomyipi, vire'ta ná'maq paguec qoỹoqo'ta. Na'maxare ỹosogui na lecaachiripi, ca ỹo'uet na nasaugaxanaxat lap llaaxa, chaqai cana laqui, ca ỹo'uet na lichaxasoxonaxat. Tot qaica ma'le ca qomyipi quiyim icona ca lo'goxonaxat, ca' nco'ỹa'e' ca liỹa, chaqai tot qaỹapaxaguinegue cá'maq 'neeta'gue quiyim eec queca lauataq.

Miqueas 4:3 Iomraidhean Croise

Salmos 46:10

¡Nemanachichii! ¡'Yiiñii'a quiyim ỹim qota'olec! ¡Ỹim spa'aatashiguim quená'ogue na qomyipi! ¡Ỹim spa'aatashiguim quená'ogue na 'laua!

Salmos 46:9

ñi'maxare ime nqai'en na lauataxac quenaua'que naua lahil na 'laua; ỹaqaguit na no'xoshic, ỹaqaguitetajlec ana niquillipi, ¡copata'a ana nahoglena lauataxaqui!

Salmos 96:13

queda reloqota'gue ñí'maq naata qara'gaxala'! ¡Ajá'a, nanac ñi'maxare, ca' ỹoiquentac na qomyipi quena 'laua ma'le, ca' da lo'ueenataxanaxac ỹa'maqachiguiñi chaqai lliqueta!

Salmos 98:9

reloqoto'ot ñi qara'gaxala' novi' quiyim ỹoiquentac na 'laua. Ñi'maxare ỹoiquentac ma'le na qomyipi quena 'laua, ỹa'maqachiguiñi da lo'ueenataxanaxac, ná'ogue naloqojne'ejta'.

Isaías 60:12

Cá'maq qomyipi queca liỹa 'laua no'm se ro'ueenataxanot qami', ca nimiichiguiñi; 'xoic na ỹoqa'a nimiichiguiñi ma'le.

Isaías 65:25

So isecỹac toxonaxai chaqai so qagreta llaalec que'eeta'pe, nouanta'ta', na sauaxaic leta'a ỹa'ic na 'uaqapi 'ec na ñii'lola, chaqai na nanaic ỹa'ic na 'laua. Chaqai caná'ogue ana ñaqa' ladocai Sión qaica cá'maq que'maqachit ca liỹa. Ñi qara'gaxala' ỹaatqajam i'taxajñi da la'qaatec. (66.1-24 Se qanqo'ta qareualaxaitalec da qouagaxainaxac. Huaxanaxaset chaqai da nca'laqataxanaxac.)

Oseas 2:18

Ca' quecajo na'xa'a, ca so'uet ca iqouagaxa quena Israel, sa'ue ca ña'deenaxac quena iseripi neuec, ana qo'o chaqai na nqai'ec; sopoxoỹaxachigui chaqai ñaqata'a quenajo 'laua na no'xoshic, na lecat chaqai na lauataq, qaiyi na ỹalamaxareteripi llaalqaipi so Israel i'maqajlem, nco'matec.

Oseas 2:20

Ỹim so'uet quiyim qami' ỹoua chaqai ỹaatqajam saqamaxachite', ca qami' ma'le, ca' ya'yiiñi' quiyim ỹim na'gaxala'.

Zacarías 14:3

Qam ma' ime, ca' ñi qara'gaxala' eec nalauate'e' sá'ogue so qomyipi, 'ec dá'maq quena' ỹovire'oga ca na'xa'a nalauataxaqui.

Zacarías 9:10

Na'maxare nopoxoỹaxajñi ma'le na nahoglenaipi quiyi Efraín, chaqai na shipiguiripi quena Jerusalén, ná'ogue ana no'xoshic lauataxaqui. Ỹa'xateta'guit da neuagaxa quená'ogue na qomyipi quena 'laua, chaqai vire'ta na huaaxaipi ỹoiquentac chicqochi'ñi aso lachiugue Eufrates, ca ỹovireta'ogalo naua'que naua lahil na 'laua. (9.11—13.9 Liỹa qanadalaxashiguim yi Israel. Qaỹa'xateta'guit quiyim liỹa qanca'laxatec. Saua dos neloxoỹa' cana qagreta. Qanca'laxatec yi Jerusalén. Ñi qara'gaxala', chaqaiñi ñí'maq qota'olec caỹim.)

Hechos 17:31

Ma' ñi'maxare mashic ỹa'uo' ca laloqojnec na'xa'a quiyim imit ná'ogue na qom neetalec na 'laua quiyim ỹoỹoote'oga ca lo'yaxanec, qam ỹachigoxochichigui so ỹale chi lca'acsec, leenaxat Jesús. Ca' quedajo ichoxochichigui quená'ogue, na' ileu, qam liỹa nca'laxatec.

Apocalipsis 19:11

Ca na'le, ca seuana quiyim nauachigui na piguim, ca re'oq so shipgaq lalagaxaic. Chaqai só'maq neetalec leenaxat qamaxaraic chaqai lliqueta, quiyim nashi chaqai quiyim ỹa'maqachiguiñi da 'ne'tegue quena' imit na qomyipi.

1 Samuel 2:10

Ñi qara'gaxala' lahiletajlec nqai'en na npa'guenaxauaripi, chicqo'ot nqai'en na piguim aca soxonaxa, ca nouaxañi'ña nqai'en na'maxare. Ñi qara'gaxala' imit ma'le ná'ogue na hueetalec na 'laua; ca' ỹaanem ca lquesaxanaxa cá'maq lca'acsec quiyim nashi, ca nqo'naxatec da lquesaxanaxa.