Miqueas 3:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca na'xaỹaxañiỹa nagui dajo, nashillipi chaqai na la'gaxalateripi na Israel, qamiri ma' se rqo'chiỹa dá'maq no'uen chaqai namaq nqai'ñii ná'maq ỹalamqata,

Miqueas 3:9 Iomraidhean Croise

Éxodo 3:16

Mo'e', lapooñirata' yi qo'xoiquipi quiyi Israel llaalqaipi. Ca 'ñirapega: Ñi qara'gaxala' qota'olec quesó'maq 'auaxaic qareta'allipi, ñi qota'olec queso Abraham, Isaac chaqai so Jacob, nachaxana ỹim na'le. Ca 'naapiguiỹa' quiyim na'xaỹaxanalo qamiri chaqai iuana dá'maq nqa'viiguii quena Egipto laseripi.

Isaías 1:23

Na nashillipi caqami' napacqajnaxairipi chaqai na nauochaxaua'e'ipi choxonataxanaxairipi. Ná'ogue ỹo'uet quiyim qaishiuetenta, idaante'e quiyim qaỹo'uet ca qoỹaanem. Se iuejlec ca na'peloq, qaica ca ỹauaaque se nqouaguegue aca pa'ỹe.

Miqueas 1:1

Dajo dá'maq la'qaatec ñi qota'olec ỹilenegue quiyim ỹa'xat so Miqueas só'maq na'ñi yi Moreset, chaqai ỹa'deenaxanaxanegue da leuanaxanaxac quedá'maq 'neete' ma'le yaua Samaria chaqai yi Jerusalén, na' ñaqai neesaho quiyim nashil quiyi Judá saua Jotam, Acaz chaqai so Ezequías.

Miqueas 3:1

Ñaq na'xaỹaxañiñi nagui qamiri nashillipi chaqai na na'gaxalateripi quena Israel, ¿'ñiitapego' sqai chicqotouguilo qamiri quiyim qaỹa'den cá'maq no'uen no'ueenataxanaxac?

Deuteronomio 27:19

Ñi qota'olec ỹa'ue ca nouaxanaxaset cá'maq ỹo'uet ca se ỹa'maxañi queca ỹoqa'a ca chicqa'gue, loqo'm aca pa'ỹe, loqo'm ca na'peloq. Ca ná'ogue na qomyipi 'naac: Ajá'a, chaqaida 'neeta dajo.