Miqueas 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam quená'maq ỹim quiñi ne'Espíritu ñi qara'gaxala' no'xataxachigui aỹim queda lquesaxanaxa, queda ỹa'maqachiguiñi chaqai da la'ñaxac iuel, ca' soviraqta'a yi Israel quiyim se na'xaỹaxan chaqai queda lasauaxaset.

Miqueas 3:8 Iomraidhean Croise

Isaías 58:1

Ñi qara'gaxala' qota'olec 'naac caỹim: Se ro'chi'i', taxahi' nelamaxariñi', 'ec npe'te nqai'ñi' ca qavillaxaqui'; relaqaita na ỹalamaxareteripi llaalqaipi so Jacob quedá'maq se no'uen ỹo'ueetetac chaqai queda lasauaxaset.

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Isaías 61:2

sa'xate' naua na'xata' lqouagaxaqui' ñi qara'gaxala', ca na'xa'a quiyim ñi qota'olec coqomi' ỹa'ue qarovi' quena qanpa'guenaxauaripi. Yila' quiyim llo'daxachigui lauel ná'ogue ná'maq rachicota,

Jeremías 1:18

Ca' ỹim nagui sa'yiñi qami' 'ec ca na'a' lodegaxat pootau'a nodaachiguiñi fierro na qaỹa'yiñi, 'ec qaỹapou'a quena bronce, qaiyi loqoichiguit yá'ogue yi qomyipi na'ñi yi 'laua Judá: na nashillipi, na'gaxalateripi chaqai na netaxaỹaxanqajanqaipi chaqai yá'ogue yi qomyipi quiyi'maxare.

Jeremías 20:9

No'm shinac: “Tot sa'deenapega ñi qara'gaxala', chaqai tot sa'xat da leenaxat,” ca' naua ra'qaataxahi' quena iuel 'ec ca norec ravicqataxan queete'ueguelo naua ipi'naqa. Sahotaque se sa'xate', qam se seshit.

Ezequiel 16:2

Qami' ỹale, 'ajnaxanaxañitegue yi Jerusalén ná'maq se no'uen ỹo'ueetetac.

Ezequiel 3:14

Ca' da lquesaxanaxa ñi qota'olec naqata'a ỹim quiyi'maxare, ca' ỹim shic, qam se ỹa'maxagui na iuel chaqai sachicota, qam ñi qara'gaxala' lo'qoota'a da iqai'laxat ỹovicqochigui.

Mateo 7:29

Ma' queda lapaxaguinataxanaxac ỹaatqajam 'chichiguiñi, 'ue da lquesaxanaxa, mesqai 'nejem ná'maq rapaxaguinataxanta'pegue na naqataxaquipi chicqo'ot so Moisés.

Marcos 3:17

Jacobo chaqai so lqaỹa Juan, llaalqa so Zebedeo, sauá'maq ỹanegue na'aamataxate' Boanerges, ca' da reloqo'tegue dajo 'naac, soxonaxa llaalqa;

1 Corintios 2:4

Vichiguiño' na' setaqatac sa'xatetac da na'qaatec, qam se sahota'ahi caua 'deenaxanqachaqaic la'qaatqa, qaiyi ma' pi'iỹa'a da na'qaatec, qaisoota chicqo'ot so Espíritu Santo chaqai da lquesaxanaxa ñi qota'a.