Miqueas 3:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ná'maq huanaxanaxaiquipi chaqai na richaauec nqai'en na qom, na'maxare qaica ca 'negue ma'le. Ná'ogue i'maqata ma'le qaica ca retaqa, ma' tot qaica ca qohinac quiñi qota'olec.

Miqueas 3:7 Iomraidhean Croise

Salmos 74:9

Ca' tot seuanaxa na nqalanec qaremaqateteripi; chaqai qaica ca taqairougui quena qom, chaqai vire'ta se sa'deenaq chi' laquio' ime dajo.

Éxodo 9:11

Ca' so 'viiquiaxairipi se ishit reloqoto'ot so Moisés, ma' saua'maxare chaqai sá'ogue so Egipto laseripi quenaq na loshicmaxa.

Isaías 44:25

Ỹim se ipaguigui nqaishin ca la'qaatec ná'maq 'naac qota'olec letaxaỹaxaqui, ỹim so'uet quiyim ná'maq idaanau'a nanchaqaina chi ỹo'meetac. Ỹim so'uet quiyim na 'deenaxanqachaqaiquipi chi retaqata'ta' chaqai da la'deenaxanaxa, dá'ogue hualoxonqaishic.

Amós 8:11

Ca ñi qara'gaxala' i'taxajñi da la'qaatec, 'naac: Naate' naua na'xata', Ca quenaua'maxare, ca so'uet ca nqopaaxa quena 'laua; mesqai ca nqopaaxa queca pan chaqai neueetaxanaxa queca niquip quiyim qaica ca huaxaỹaq, ta'ta'a quiyim 'ec qopat ỹahotaque 'xaỹalo naua qota'olec la'qaatqa.

Miqueas 3:4

'Ue ca na'xa'a, ca' qamiri ỹaxañiỹaque ma'le ñi qara'gaxala', qam ñi'maxare sqai saachiguita qamiri. Quecajo na'xa'a nañoxotema qamiri ma'le sauaxat ná'maq se no'uen 'viichitac.

1 Samuel 28:15

Ca' so Samuel 'naaco' queso'maxare: —¿Chi'negue ma' yitaxañi'sac, vi'saque quiyim ñoviro? Ca' so Saúl 'naaco': —Sai'c, 'xoic da ỹachitachic, ma' se yayaxanac na filisteoipi, chaqai ñi qota'olec mashic yalat, tot ỹa'ue ca ỹa'xaỹaxac chicqochigui nqai'en na letaxaỹaxaquiripi, loqo'm ca ne'guemataxac. Vichiguiño' soỹaxane qami', qaiyi choxochi' cá'maq shinta'gue ca so'uet.

1 Samuel 28:6

Co'na'le, ca inato' ñi qara'gaxala', qam ñi qara'gaxala' sqai saachiguit so'maxare quiyim chicqochigui nqai'en ca le'guemataxac, loqo'm so nenatec qa'oqui' Urim, loqo'm quena letaxaỹaxaquiripi ñi'maxare.

1 Samuel 9:9

(Nallaaqo' co'quena' 'ue ñi quena Israel llaalqaipi ỹahotaque retaxaỹa'pegue' ñi qota'olec, ca 'naaco' quen: “Qolaxapegue' ñí'maq 'ue na ra'ỹaauec.” Ca' chaqaina ná'maq nagui qohinac letaxaỹaxaqui ñi qota'olec, qam quesom quena' qaroỹaxana, ca' qohinac: Ra'ỹaauec nanchaqaina.)