Miqueas 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ 'Ue ca na'xa'a, ca' qamiri ỹaxañiỹaque ma'le ñi qara'gaxala', qam ñi'maxare sqai saachiguita qamiri. Quecajo na'xa'a nañoxotema qamiri ma'le sauaxat ná'maq se no'uen 'viichitac.

Miqueas 3:4 Iomraidhean Croise

Proverbios 1:28

Ca' quecajo na'xa'a, ca ỹaxañitacot aỹim ma'le, qam se ña'xaỹaxan; daañitaque aỹim ma'le, qam sqa nachiua';

Isaías 1:15

Quena' nanochishiguim naua rqai'laqachiri, ca nqouagaxaiñii, ca' ỹim se ya'ỹiỹalo qamiri; 'eno'm shi'gom nqouagaxaiñitac, ỹim se ña'xaỹaxan. Ma' naua rqai'laqachiri 'ue na ralauachiguii leuoripi.

Jeremías 14:12

'Eno'm 'xoic nqopaaqachit, qam se ña'xaỹaxana queca ỹahotaque; no'm 'xoic ca lachitaxanataxanaxat ỹavigaxat chaqai quiyim nodouo ana lanecse ala, qaiyiita se squelolliguit. Ỹim ñalauajñi, sahote'e ca lauataq, nqopaaxa chaqai ca ne'ne'.

Ezequiel 8:18

Qam nagui so'uet da ỹonogoxonaxac. Ca' ỹim sqaica ma' yqouaca'gue quet yi'maxare. 'Eno'm roỹaxantaque aỹim ỹaualqatagui, qam se ña'xaỹaxana.

Miqueas 3:7

Ná'maq huanaxanaxaiquipi chaqai na richaauec nqai'en na qom, na'maxare qaica ca 'negue ma'le. Ná'ogue i'maqata ma'le qaica ca retaqa, ma' tot qaica ca qohinac quiñi qota'olec.

Mateo 7:22

Ca' ma' ỹovita cajo na'xa'a, ca 'xoic ca 'naac ma'le caỹim: “Qami' qara'gaxala', qomi' so'ueenataxanqatapega quen da qadeenaxachi' quena' sa'qaataxanqatac, chaqai quena' so'daqauec na ne'ec lecmaxaic, chaqai queda qadeenaxachi' 'xoic na so'ueetaq ỹo'uet da ne'laxa.”

Lucas 13:25

Ma' ime, ca' cajo lauo' ca 'imec ne'laxashiguim, ỹapogui ca lasom ca 'imec, ca' qamiri pa'aitauec, ca' ỹaxañitapegueu'a ca lasom, 'ñiỹac: “Qami' qara'gaxala', huachire'ogalo qomi'.” Qam ca'maxare saat, ca' 'naac: “Taque', se sa'den ca chigoxoita'gue qamiri.”

Juan 9:31

Qomi' sa'deenqata quiyim ñi qota'olec se na'xaỹaxana ca sauaqhuaic; chaqainaata ná'maq imaqachintac ñi'maxare chaqai ỹo'uet cá'maq ỹahotaque ñi'maxare. Ca' chaqaina ná'maq na'xaỹaxana.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

1 Samuel 8:18

Ca ma' ỹovi' ca na'xa'a quiyim 'ue ca sqa 'maxariñii quecajo nashi rca'acshiguii, ca' ñi qara'gaxala' se na'xaỹaxanalo qamiri.