Miqueas 3:2 - La'qaatqa ñi qota'olec Qota'olec & Qota'olec Novita Na Qomyipi

² Qam qamiri se rqo'chiỹa ná'maq no'uen chaqai ỹaatqajam rqo'chiỹa na se no'uen; colahi na ỹalamaxareteripi chaqai mashic selaxachi'teguelo naua lpi'naqa.

Miqueas 3:2 Iomraidhean Croise

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

Salmos 15:4

cá'maq se nqo'ta ra'ỹa'a cá'maq se qanqo'chiguit, qam imaqachin cá'maq imaqachin ñi qara'gaxala'; cá'maq ipacqajanchigui ca la'qaatec, 'eno'm se ỹa'maxañi ca 'neetari';

Isaías 5:20

¡'Xoraiqolqa qamiri, ma' 'ñiỹac lo'yaxanec ná'maq se no'uen, chaqai ná'maq se no'uen, ca 'ñiỹac lo'yaxanec; ñigui nqai'ñii lauaq ná'maq napalaxa, chaqai ná'maq napalaxa, lauaq nqai'ñii; ná'maq chim, lo'daxaraic nqai'ñii, chaqai ná'maq lo'daxaraic, chim nqai'ñii!

Ezequiel 34:3

Qamiri ni'chiitapiguilo naua lo'i', chaqai 'viichitac na qatooỹaguii quena laue, chaqai lauachii aná'maq paguec 'uegaxasaxa, qam se quelolliỹa aná'maq qagreta.

Amós 4:1

Na'xaỹaxañiỹa dajo, qamiri 'aallipi 'deenaxanqachaqaipi nesallaxanaipi, aná'maq paguec loyac quiyi Samaria, aná'maq pataxañi na 'xoraic chaqai se ỹaqamaxat ná'maq 'ue na louenaxanaxa, aná'maq ila' na louaaripi quiyim idaanaque ca ne'taxat lataxa.

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Miqueas 2:8

Ca' ñi qara'gaxala' 'naac: Qamiri napaguiiteguelec na ỹalamaxareteripi. Coñiỹalo naua loho lo'yaxanqa ná'maq rapil queca lauataq 'neetapega mashic nca'leuec.

Lucas 19:14

Qam so qomyipi chi la'a' sojo 'laua ỹaatqajam ro'ỹa so'maxare. Ca' qaỹa'vio' saua qailate' coỹaresalec so'maxare quiyim qohinac: “Qomi' se sa'maxarenaq quiyim qarashi najo ỹale.”

Juan 18:40

Ca lotqai sá'ogue ỹaualqagui, 'naaco': —¡'E', mesqai so'irec dajo ỹale! ¡Ta'ta'a ca Barrabás so'irec! Qam so Barrabás cuataxai.

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Romanos 1:32

Na'maxare ỹaatqajam ỹa'deenta ná'maq relaataxanlec ñi qota'a, chaqai ỹa'den quiyim ná'maq ỹo'ueetetac dajo tai'a yi nelauaxa. Qam qaiyiita ỹo'ueetetac, chaqai vire'ta nqo'ta quiyim 'ue ca iuane'ta ỹo'ueetetac da'maxare.

Romanos 12:9

Ỹaatqajam 'chichiguiñi nqai'ñii da re'xorenataxanaxahi quiñi 'óna queca liỹa. Se rqo'chiỹa dá'maq se no'uen, ca' quii'uegue dá'maq lo'yaxanec.

2 Timoteo 3:3

Ma'le, ca' se re'xorenataxan, chaqai se ỹauotegue ca liỹa, chaqai la'axaqa lo'o', se netelalta', chaqai qa'uaic, chaqai ỹaatqajam npa'guenaxaua dá'maq ỹa'maqachiguiñi.