Miqueas 3:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ná'maq nimiitaxanaq quena nasauaxaset quena na'a' lodegaxat ỹahote'e añi nishiuete, na netaxaỹaxanqajanqaipi rapaxaguinataxan, qam ỹahote'e añi nishiuete, chaqai na netaxaỹaxaquiripi imen dá'maq letaxaỹaxac quiyim 'naac: “Ñi qara'gaxala' qoshiilgoto qomi', ca' qaica cá'maq se no'uen quet noviroxoua'.”

Miqueas 3:11 Iomraidhean Croise

Isaías 1:23

Na nashillipi caqami' napacqajnaxairipi chaqai na nauochaxaua'e'ipi choxonataxanaxairipi. Ná'ogue ỹo'uet quiyim qaishiuetenta, idaante'e quiyim qaỹo'uet ca qoỹaanem. Se iuejlec ca na'peloq, qaica ca ỹauaaque se nqouaguegue aca pa'ỹe.

Isaías 5:23

Ma' qamiri quena' qarishivichiñii, ca 'ñiỹac qaica lasauaxaset cá'maq ỹo'ueetetac ca se no'uen, chaqai se quelolliỹa ca louenaxanaxa queca lalamaxaret ca qaica ca 'na'pegue.

Jeremías 26:7

Na netaxaỹaxanqajanqaipi chaqai na netaxaỹaxaquiripi chaqai sá'ogue so qomyipi 'xaỹa na'le da na'qaatec ỹa'xat so Jeremías quiñi no'ueenaxanaxaqui.

Jeremías 7:4

Totaxan viilec ná'maq rayiñitac quena' 'naac: ¡Najo ná'maq na'ñi na lo'ueenaxanaxaqui ñi qara'gaxala', najo na'ñi na lo'ueenaxanaxaqui ñi qara'gaxala'!

Ezequiel 34:2

Qami' ỹale, taxahi' quiichigui nqai'ñi' da ỹeenaxat quena neloxoỹaripi quena Israel, 'ñiraco' ma'le quena'maxare: 'Neetasa' da la'qaatec ñi qara'gaxala': ¡Chalego le'xoric ná'maq neloxoỹaripi quena Israel chi ncochiiteguelta'! Qam ná'maq cochiỹa quet ná'maq neloxoỹaripi, aná'maq ilo qagreta.

Amós 5:14

Daañiỹaque ca no'uen, mesqai ca se no'uen, qaiyi rca'lliiuec; qaiyi llic dá'maq 'ñiỹaiquen qamiri quiyim ỹalequetauguilo qamiri ñi qara'gaxala', ñí'maq qota'olec sqaica lqalanec.

Miqueas 3:5

Na ỹalamaxareteripi ỹo'maac queso nayic queeta'gue, sauaxat na 'naac itaxaỹaxaquiripi, qam rayinaxantac, na'maxare 'naac quiyim qaicanqaida quená'maq ỹo'uet ca loq, ca' qui'ỹaxan, qam 'naac 'ue ca lo'maxaset ná'maq se qui'ỹaxan. Ca' ñi qara'gaxala' 'neetasa' da la'qaatec quená'maq 'naac letaxaỹaxaquiripi:

Malaquías 1:10

¡Saxanchi' 'ue cá, caqamiri ishit ỹapoguilo naua lasomi' ñi no'ueenaxanaxaqui, qaiyi totqai liỹa qaicopata'a ca norec cañi ncopatoxonaxalate, qam qaica ca 'negue! Ma' tot ñitoonta'guelo qamiri, chaqai tot secoñiguit ná'maq rachitaxanataxanaxachii.

Números 22:7

Ca' so qo'xoiquipi neeta'ñi yi Moab chaqai yi Madián, ca sá'ogue eec, lo'qoota'a ana lam, ma' ỹahotaque ishiueten ma' se no'uen ca na'qaatec. Ca co'na' qoỹovita yi neeta'ñi so Balaam, ca' qaỹa'xatem dá'maq 'naaco' na'le so Balac.

Mateo 3:9

Qam 'neeto' lotqai hueetapigui qavillii quiyim 'ñiỹac: “Qomi' llaalqaipi so Abraham.” Ma' ỹim shinac ñi qota'a ishit ỹo'uet ca llaalqaipi so Abraham, ỹachigoxochichiguilo nauajo qari.

1 Timoteo 3:3

Chaqai mese ne'taaxai, chaqai mesqai 'aueteguelec ca lauelgaxanaxac. Chaqai mesqai queetalec quiyim imitete'e aca lauegue. Ta'ta'a quiyim huagaxaraic, chaqai hualaxauaic, chaqai se imitete'e aca lauegue plata.

Tito 1:11

Ca na'maxare ỹouentaque quiyim qaỹapoguilo naua laapi', ma' ỹaatqajam se neuojonta' nqai'en na neuo' laseripi, ma' rapaxaguinataxanta'pegue dá'maq se leloxoỹaxac, ma' chi imitete'e aca lauegue.

1 Pedro 5:2

Ỹaatqajam quelolliỹa 'maxachii'tegue ná'maq mashic icoñiguit da na'qaatec ná'maq mashic qaỹauaaque reloxoiqachicshii quiñi qota'a, 'ñiitari' ca neloxoỹaq cana qagreta. Ỹaatqajam rasapchii'ta, 'viichitac dá'maq ỹahotaque ñi qota'a. Mese repaguitaque quiyim qanetenteguelgoto qamiri qarelaritac chaqai se naquichite'e aca plata. Ta'ta'a quiyim rasapchii'ta ca ro'ueenataxanaxaguii.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.

1 Samuel 8:3

Qam saua llaalqa sqai 'neete'm so leta'a'. Ta'ta'a quiyim saua'maxare qo'iitaxanqachaqaqa, ca ỹa'maxarente' quiyim chi qaishiuetene', ca' se ỹo'ueete' cá'maq ỹaatqajam ỹa'maqachiguiñi.