Miqueas 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' quecajo na'xa'a, ca qaro'ueenaxantalgoto qamiri, qam cajo no'ueenaxanaxac 'ec ỹenaxac. Qohinac caqamiri: Ỹaatqajam qanomachichiriñom qomi': na qouo' ná'maq lalamaxaret ñi qara'gaxala' ỹoỹoota'a ca la'gaxala' qaica ca ishit quepaxata'guit; naua qana'lauari shi'gue qaneuagaxachiguilo quená'maq mashic qomi' loxonqa.

Miqueas 2:4 Iomraidhean Croise

2 Samuel 1:17

Ca' so David ỹo'ueenta'uegue da noỹenaxac queda lelauaxa so Saúl chaqai so llaalec Jonatán,

Isaías 14:4

ca 'viiñi' ma'le dajo no'ueenec, ca 'ñi'sac ñi nashi quiyi Babilonia, ca 'ñirac: ¡'Ajñii dá'maq 'neetari' ñí'maq qa'uaic! ¡'Ajñii dá'maq 'neetari' ñí'maq nishitaxai!

Isaías 6:11

Ca' ỹim senat na'le: ¿Laquio' ime dajo, qami' qara'gaxala'? Ca' ñi qara'gaxala' 'naac: Dajo ỹovireto'o' ma' qanopoxoỹaxajñi na na'aateripi chaqai qaica ca no'ueenashiguim quena qom; chi ỹovireto'o' ma' qaica ca qom nauguilo naua 'imqa, chaqai naua no'ueenaxari qaica ca naalgoto,

Jeremías 4:13

'Ajñii, na pa'guenaxauaripi mashic 'ec naueguelec, na lahoglenaipi nalauataxaqui 'ec ca nonot quesaxanaxaic, na lalo shipiguiripi paguec liyic queca o'ic. ¡'Xoraiqolqa qomi', ỹaatqajam qara'lliichiguiñom!

Ezequiel 16:44

'Ue ná'maq ỹa'den ỹo'uet ca lliguec la'qaatec, ca 'naac caqami' Jerusalén: Dá'maq no'ueenataxac aso late'e ỹaatqajam 'nejem dá'maq 'neetari' aso llaale.

Ezequiel 2:10

Ca' so nqai'laxat huachigui nqai'en sa'ajantac. Ca' naua'que naua lahil 'ue na lerqaipi: hueetalec na ỹenaxac, chaqai na naualaxac quena nqui'ic, chaqai na na'xalenataxanaxac.

Joel 1:13

Qamiri netaxaỹaxanqajanqaipi daañiteguelec ada ncopatoxonaxalate, ñiiñi caua noho nachicoxoqui', chaqai noỹiñii queda nqui'ic, ma' ñi no'ueenaxanaxaqui quiñi qota'olec tot qaica ca nanecsec ala chaqai ca lataxa quiyim nachitaxanataxanaxat.

Joel 1:8

Ca' 'nejem aca 'ue ca napiitaxaua quiyim noỹen, ca' ỹañiñi caua noho nachicoxoqui' quena' ileu ca napiitaxaua,

Miqueas 1:8

Vichiguiño' ñoỹen ma'le paguec da ỹachicoxo, ca' queda'maxare, ca sqai sañiñi ma'le caua ipelate' chaqai sentauec, ca' soso'ota'pegue', shintari' ca cotaapla', chaqai ñoỹen, shintari' ca mañic llaalec ro'uaataxantac.

Miqueas 2:10

Ne'laxachishiguim, ca' quii, ma' najo mesqaina ná'maq co'matqa'; ma' mashic chalego ná'maq se no'uen hueetalec na'maxare, ỹaatqajam ná'ogue na'lliichiguiñi.

Números 23:18

Ca' so Balaam ỹa'xato' dá'maq la'qaatec ñi qota'olec, 'neetasa': Qami' Balac, qami' llaalec so Zipor, ỹaatqajam na'xaỹaxañiteta aỹim.

Números 23:7

Ca' so Balaam ỹa'xate' daua la'qaatqa ñi qota'olec: Ỹim sachicqochi'ñi yi 'xoic ana qa' ladocai queda lqodoigue quiyi Aram, ñanaiquena nqai'en ñi Balac, nashi quena Moab. Dá'maq 'naac na'le 'neetasa': Na'itquena, qaiyi naqairelec ca se no'uen ra'qaachiqui' na Israel llaalqaipi, naqairelec ca se ỹa'maxañi ra'qaachiqui' na lauo' so Jacob.

Números 24:15

Ca' so Balaam co'na' retaqa 'naaco': Da la'qaatec najo Balaam llaalec ñi Beor, najo ỹale ỹaatqajam qoỹoqo'tegue da leuanaxanaxac,

Números 24:3

Ca co'na'le, ca' so Balaam 'ue ca la'qaatec, 'neetasa': Da la'qaatec na Balaam ná'maq llaalec ñi Beor, ná'maq ỹale ỹaatqajam qoỹoqo'tegue da leuanaxanaxac;

Marcos 12:12

Co'na'le, ca' so qomyipi ỹahotaque coñi' so Jesús, ma' ỹa'den quiyim so'maxare ỹo'uet so laloqojnaxanaxaqui, qam taỹauguilo nqai'ne' saua'maxare. Qam no'chi' saua'maxare quena qomyipi, ca no'ueenaqtesañi so Jesús, ca' que'.