Miqueas 2:3 - La'qaatqa ñi qota'olec Qota'olec & Qota'olec Novita Na Qomyipi

³ Vichiguiño' 'naac ñi qara'gaxala': Ỹim liỹa 'ue dá'maq sham shine'teguelo qamiri. Selatalo qamiri ma'le ca ne'xoric lodegaxat cá'maq sqai ỹite' ma'le naua rqosoochiri, ca' tot qaica ma'le da nemaqajnaxaguii quiyi huoitegueri', ma' chalego la'aaqa' ma'le naua na'xata'.

Miqueas 2:3 Iomraidhean Croise

Isaías 5:19

Qamiri ná'maq 'ñiỹaiquen: Quiyim ñi qota'olec iỹalata'gue cá'maq ỹo'uet, qaiyi seuanqachigui; quiñí'maq co'teeta qota'olec quena Israel quiyim iỹalata'gue ỹo'uet cá'maq ỹahotaque, qaiyi sa'deenqata.

Jeremías 18:11

Ca' 'ñirapega na qomyipi quena 'laua Judá chaqai na neeta'ñi na Jerusalén quiyim ỹim na'gaxala' shinac dajo: Sahotaque ca la'maqa' quiyim ñpa'guento qamiri; sahotaque so'uet ca nouaxanaxashichii. Chaqa'ma' 'xañiñi da se no'uen ra'deenataxanaxaguii; ca no'ueenaxachii da 'ñiitari' chaqai da ro'ueenataxanaxaguii.

Jeremías 27:12

Ỹim Jeremías liỹa sa'xat dá'ogue da la'qaatec ñi qota'olec quiñi Sedequías, ñí'maq nashi quena Judá, chaqai qai'neeta shinac quiñi'maxare: —'Guiñiỹot da lquesaxanaxa ñi nashi quiyi Babilonia chaqai quena lauo', qaiyi rca'lliiuec.

Jeremías 36:23

Ca quena' so Jehudí ỹomate' saua tres loqo'm cuatro llico retaqalgoto, ca' so nashi ichaxauec queso lecatoqui', ca' inaxañigui so lole' lahi', ca ỹavigaxat. Ca' chaqaida 'neeta'gue, chi ỹovireta'a quiyim imeuo aso lere.

Jeremías 43:2

ca' so Azarías, só'maq llaalec so Osaías, so Johanán só'maq llaalec so Carea chaqai saua liỹa' ỹale' nemaqajnaxaqa 'nerac queso Jeremías: —¡Qami' quedá'maq 'ñirac na'majñisac! Ñi qara'gaxala' ñí'maq qota'olec coqomi' mesqai 'naapega qami' quiyim sqai saxague da Egipto.

Amós 2:14

Ca 'eno'm shi'gom ni'guiñita 'iichitac, qam qaica ca qohit; cá'maq paguec quesaxanaxaic caqamiri, ca' qaica ma'le ca lquesaxanaxa, ca 'eno'm 'ue ca paguec 'ñaaxaic, qam se nca'leuec.

Amós 3:1

Qamiri llaalqaipi so Israel, ñaq na'xaỹaxañiỹa da la'qaatec ñi qara'gaxala' quenajo qomyipi naqata'a na'le quiyi Egipto, ñi'maxare 'naac:

Amós 3:2

Qaqamita qamiri ñca'au'alo quená'ogue na qomyipi quena 'laua. Vichiguiño' sa'ue da nouaxanaxashichii quená'ogue ná'maq 'viichitac se no'uen.

Miqueas 2:1

¡'Xoraicolec ná'maq 'ue da la'deenataxanaxac quiyi pe quiyim ỹo'uet ca se ỹa'maxañi, ca quena' ỹovita yi na'xa'a, ca ỹo'uet, ma' hueeto'ot dá'maq nquesaxanaxa!

Romanos 16:4

Ma' caua'maxare npa'xanchiguit da lichic na' nca'laxaterec aỹim. Ca' ỹim saanec da ña'aachic quecaua'maxare. Chaqai mesqaỹimeta, ma' qai'neeta ná'ogue ná'maq mashic icoñiguit da na'qaatec quená'maq sqai judioipi.

Efesios 5:16

Ca' nquipichiỹa'pegueto naua na'xata' quiyim 'viichii cá'maq no'uen, ma' quenauajo na'xata' 'xoic na qaỹo'ueetetac so no'uen.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.