Miqueas 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Vichiguiño' 'naac ñi qara'gaxala': Yi na'a' lodegaxat Samaria 'ec nqaishin ma'le ca qa' lahillipi lapoỹañi, 'ec nqaishin ca no'ueenaxa quena' qodanaxanlec cana 'úva. Seuagaxajlec so ca'megue na lahillipi na 'imec quiyi na'a' lodegaxat, ca' qaỹauajlec nqaishin ná'maq no'xonaxanaxalateripi.

Miqueas 1:6 Iomraidhean Croise

2 Samuel 17:13

Chaqai no'm 'ue ca nañoxotougui quenaua na'aate', ca ná'ogue na Israel llaalqaipi sahoqote'e qarañic, ca ñosaqtaxauec na lapoxonaxat cajo na'a', ca senaxasoxo'ñigui so ñaachi, ca' qaica ca ño'ueenaxatqañi qa'.

2 Reyes 18:10

Ca na' ỹovirerec saua tres ñaxari, ca' loxonec. Qa' mashic seis ñaxari quiyim nashi so Ezequías, ca' so Oseas, ca' ỹovi' nueve ñaxari nashi quiyi Israel na' noxonec so Samaria.

2 Reyes 18:9

Ca co'na' mashic ỹovi' cuatro ñaxari quiyim nashi quiyi Judá so Ezequías. Qam queso Oseas, só'maq llaalec so Ela, ca' ỹovi' siete ñaxari quiyim nashi quiyi Israel. Ca' so Salmanasar, nashi quiyi Asiria, nahiquinchiguiñi yi na'a' lodegaxat Samaria, ca' nalauate'e'.

2 Reyes 19:25

Qam ¿sqa 'yiiñi' quiyim aỹim ná'maq na'gaxala', ma' ỹim ỹo'ueenatec ná'ogue najo? Ca shi'gue nallaaqo' saqatqajantari' dajo, ca' nagui, ca' so'uet. Vichiguiño' qami' nopoxoỹaxachiriñi na na'aateripi napootau'a, ca lapoỹañi nqai'ñi' na lahillipi.

Jeremías 31:5

Liỹa danaxan cana 'uva quenaua quemaralgoto quiyi Samaria, chaqai ná'maq danaxan, ca ỹa'ic ná'maq chaqai lanecsec.

Miqueas 3:12

Vichiguiño' nagui, ca' sauaxate' qamiri, yi Jerusalén yí'maq na'a' lodegaxat nejlec ada qa' ladocai leenaxat Sión, ma'le, ca 'neetari' ca 'laua se qanasauec, 'ec qalapoonñi na lahillipi, chaqai adá'maq qa' nejlec ñi no'ueenaxanaxaqui no'xalec ma'le cana peue.

Mateo 24:2

Qam so Jesús 'naaco' quesaua'maxare: —¿'Ajñitac ná'ogue najo? Ỹaatqajam llic da shinac caqamiri quiyim quenajo qaica ca qa' no'ueenalec ca liỹa quenajo 'imec ma'le, ma' ná'ogue qaỹopoxoỹaxachigui ma'le.