Miqueas 1:2 - La'qaatqa ñi qota'olec Qota'olec & Qota'olec Novita Na Qomyipi

² Qamiá'ogue qamiri qomyipi, ñaq na'xaỹaxañiỹa dajo; qamiá'ogue qamiri ná'maq ñiitalec najo 'laua, ñaq na'xaỹaxañiichiguiñi: Ñi qara'gaxala' quiyí'maq neeta'ñi quiñi lalamaxaret lauo', ñi'maxare ỹa'xat ma'le cá'maq 'neeta quiyim npa'guento qamiri.

Miqueas 1:2 Iomraidhean Croise

1 Reyes 22:28

Qam so Micaías lotqai 'naaco': No'm rapilli' sqaicanqaida ro'viiñite', ca' ñi qara'gaxala' se retaqaugui aỹim. Chaqai liỹa 'naac: —¡Qamiá'ogue, 'xahichigui dajo nagui!

Salmos 24:1

Ñi qara'gaxala' lalamaxaret ná'ogue na 'laua, lalamaxaret ná'ogue ná'maq 'ue, chaqai ná'ogue ná'maq nca'leetauec hueetalec.

Salmos 50:1

Ñi qara'gaxala' qota'olec ñí'maq ỹapacauec quená'ogue nanchaqaina retaqa nagui; ñi'maxare roỹaxana ná'ogue na hueetalec na 'laua queda lqodoigue chaqai queda lauashiguim.

Salmos 50:12

Quetqai yqopat, qam se sa'qaataxana qami', ma' ỹooỹac ná'ogue na 'laua, chaqai ná'ogue ná'maq hueetalec na'maxare.

Salmos 50:7

Ñaq na'xaỹaxañiua', qamiri llaalqaipi so Israel, ma' qamiri ỹalamaxarete'; nagui, ca' ỹaatqajam ñichoxotalo qamiri. ¡Ỹim ná'maq ỹim qota'olec! ¡Ỹim qota'olec caqamiri!

Isaías 1:2

Piguim chaqai na 'laua, na'xaỹaxañiỹa da la'qaatec ñi qota'olec, 'naac: Siỹaxat na ỹaalqaipi ỹovireta'a quiyim leta'allipi, qam na'maxare npa'guene'e' aỹim.

Isaías 50:7

Ñi qara'gaxala' ñí'maq yotauan: vichiguiño' se ñauate ná'maq ñi'naxaquipi; vichiguiño' ñaq sa'ñiichiguiñi 'ec aỹim aca qa' ladocai, ma' sa'den quiyim se qayayilqochit ma'le.

Jeremías 22:29

¡Qami' 'laua, ñaq na'xaỹaxañita da la'qaatec ñi qara'gaxala'!

Jeremías 29:23

Dajo 'ue na'le quesaua'maxare sauaxat se no'uen da ỹo'ueetesac quena Israel: hueesa'piguit ana loua na lauo' le'ec chaqai 'ue da ỹa'xatesac sqai llic quiyim se selarelec. Ỹim sa'den chaqai ỹaatqajam seuanchigui. Ỹim na'gaxala', se'taxajñi da ỹa'qaatec.

Jeremías 42:5

Ca co'na'le, ca saua'maxare 'neraco' queso Jeremías: —Ñi ra'gaxalachi' ñí'maq qota'olec caqami', chaqaiñi ñí'maq ỹaatqajam ỹauanchiguilo qomi' nagui, no'm se so'ueetaq cá'maq 'naac ñi'maxare nagui caqami'.

Jonás 2:7

Na' ñauata'uegue mashic eec dá'ogue da iquesaxanaxa, ca' so'leente'e qami', qami' ỹa'gaxala'; ca' da ñqouagaxainaxac ỹoviro'ot qami' quiyí'maq ñi'sa'ñi ra'aachi' co'teeta.

Jonás 2:8

Ná'maq huelec na nashiilec nqolaquipi, na'maxare ỹaxanñi quiyim huelec qami'.

Malaquías 2:14

¿Qam qaiyiita nataxañitac qamiri negue' cá'maq 'neeta quiyim se icoñiguit? Ma' ñi qara'gaxala' iuanchigui quiyim se ipaguigui nqai'ñi' dá'maq 'auaxaic ra'qaachiqui' cañi roua'e', na' ñaqai chita'gue o'ñichiguit, na' ñaqai qami' ne'nec. ¡Ỹaatqajam qamiri huegaxaua' leta'al, na' qami' 'ỹaañirec da ra'qaachiqui', nallichiralta', 'ñirac quiyim raqamqaite'!

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 2:29

Cá'maq ỹa'den ca na'xaỹaxanaxac, ca' no'uen quiyim na'xaỹaxana da la'qaatec so Espíritu Santo quedá'maq 'naapega ná'maq mashic icoñiguit da na'qaatec.”

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 3:13

Cá'maq ỹa'den ca na'xaỹaxanaxac, ca' no'uen quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec.”

Apocalipsis 3:22

Cá'maq ỹa'den ca na'xaỹaxanaxac, ca' no'uen quiyim na'xaỹaxana so Espíritu Santo quedá'maq 'naapega ná'maq mashic icoñiguit da na'qaatec.”

Apocalipsis 3:6

Ca cá'maq ỹa'den ca na'xaỹaxanaxac, ca no'uen quiyim na'xaỹaxana da la'qaatec so Espíritu Santo quená'maq mashic icoñiguit da na'qaatec.”