Mateo 9:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' vichiguiño' nachaxanalo qamiri najo ỹale llaalec quiyim 'ue da lquesaxanaxa quenajo 'laua quiyim ỹapalaxat ca nasauaxaset. Ca 'naaco' quesó'maq ỹale se ra'ñiigue: —Ne'laxachirishiguim, nañireta' yi qacanqui'. Ca' quirepegue' ca ra'aachi'.

Mateo 9:6 Iomraidhean Croise

Isaías 43:25

Qam ỹim, ma' ỹim qota'olec caqami', ca' sapalaxat na se no'uen 'viichi'sac, chaqai tot so'leente ná'ogue na rasauaxashichi'.

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Mateo 8:20

Ca' so Jesús 'naaco' na'le queso'maxare: —Ana nouaxaỹaxallipi 'ue na lauac, chaqai na qo'oollipi 'ue na lpa'gue'. Qam najo ỹale llaalec qaica ca lo'xaỹoqsoqo'.

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Mateo 9:5

Ca ¿negue' cá'maq paguec se qalaq quiyim qohinac: “Ná'ogue na rasauaxashichi' qaỹapalaxat”, loqo'm qohinac: “Ne'laxachirishiguim, ca' qui' huo'iriguiri'”?

Mateo 9:7

Co'na'le, ca só'maq se ra'ñiigue ne'laxashiguim, ca' queho queca la'a'.

Marcos 2:10

Ca' nagui sachaxanalo qamiri quiyim najo ỹale llaalec 'ue lquesaxanaxa quena 'laua quiyim ỹapalaxat ca nasauaxaset. Ca 'naapego' so se ra'ñiigue:

Marcos 2:7

“¿Chi'neco' dá'maq la'qaatec da ỹale? Ma' napaqueteguelec ñi qota'olec, ma' qaica ca ishit ỹapalaxat ca nasauaxaset, qaiñiita ñi'maxare.”

Lucas 5:21

Ca ná'maq rapaxaguinataxanta'pegue na naqataxaquipi chaqai ná'maq ỹalequetaugui na fariseoipi chaqa'ma' ra'deenataxantac, 'naac: —¿Nega'ỹo' dá'maq dajo ỹale? ma' napaqueteguelec ñi qota'olec queda la'qaatec. Ma' sqaica ca ishit ỹapalaxat na nasauaxaseteripi. Chaqaiñiita ñi qota'olec.

Juan 10:28

Ca' ỹim saanem da lca'laxa sqaica lqodoc. Ca tot ileu, chaqai qaica quet cá'maq ishit rouootaxana'gue cana ñapoquena.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 5:27

chaqai ỹaanem da lquesaxanaxa quiyim ỹa'ue ca nouaxanaxaset ca qom, ma' chaqaina najo ná'maq ỹale llaalec.

Juan 5:8

Ca' so Jesús 'naaco' queso'maxare: —Ne'laxachirishiguim, coñitot na qacanqui', ca' qui'.

Hechos 5:31

Qam ñi qota'olec ỹaueguegue da piguim, ca ỹana'gue da loic, chaqai ỹanagui quiyim nashi chaqai nca'laxaqui. Ma' ñi'maxare ỹahotaque ledaaqa' quiyim netacocha, ca ỹalate' naua lanatqa na Israel laseripi, qaiyi qaỹapalaxate' naua lasauaxasete'.

Hechos 9:34

Ca' so Pedro 'naapego': —Eneas, Jesucristo romachirec nagui. Ne'laxachirishiguim, nañireta' na qacanqui'. Ca' so Eneas chaqa'ma' ne'laxashiguim.

2 Corintios 2:10

Ca' nagui cá'maq palaxachii ca lasauaxaset, ỹim qai'neeta sapalaxat ca lasauaxaset. Ma' cá'maq se'xoren quiyim 'ue ca ỹasauaxat, qam se'xoren, ma' sa'deentapegalo qamiri, ca da'maxare ỹauanchigui nqaishin so Cristo,

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Colosenses 3:13

Chaqai ỹaatqajam 'ue da reualaxaviguii queca riỹahi, chaqai sqai caapeguem no'm 'ue ca se no'uen qohine'tegue queca liỹa. Ca dá'maq 'ne'tegue so Cristo quiyim i'xorene' qamiri, ca' chaqaida 'ñii'tegue qamiri qai'neeta.