Mateo 9:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Ca' vichiguiño' shiilahi ñi qota'olec ñí'maq lanaxanqa' na'maxare quiyim nela' ca naqataxanaripi, qaiyi naqat ná'maq lanecsec ala.

Mateo 9:38 Iomraidhean Croise

Mateo 9:37

Ca 'naapegalo na'le saua lapaxaguinatqa: —Ỹaatqajam 'xoic ana la na nanecsec, qam sqo vito'olqai' nauá'maq raqataxane' quet.

Juan 20:21

Ime, ca' so Jesús lotqai liỹa 'naac: —'Ue ma'le ca reuagaxahi. Ca' chaqaida dá'maq 'ne'tegue quiyim yila' ñi qota'a, ca' chaqaida shine'tegue quiyim selate' qamiri.

Juan 4:35

Qamiri 'ñiỹac: “Quiyim saqa'lecaua cuatro shiriguiri, ca ỹovita yi laloqo' quiyim qanaqat ana la na nanqaipi.” Qam ỹim shinac caqamiri: Ñaqai 'ajñii na nanqaipi, mashic nalootañi quiyim qanaqat, ma' mashic ỹi ana la.

Hechos 13:2

Ca 'uo' so na'xa'a co'na' saua'maxare lapoota'ta', qaỹo'ueentac ñi qara'gaxala' chaqai sá'ogue qaica que'e. Ca' so Espíritu Santo 'naaco': —Qaỹoỹoote'ogalo ñaua Bernabé chaqai ñi Saulo, soỹaxanalo, ma' 'ue da sahote'e lo'ueenategue'.

Hechos 8:4

Qam ná'maq mashic qaỹo'daauec quiyi Jerusalén, ỹa'xatesaco' quen da na'qaatec chicqaugui da nca'laxa quecanchaqa tátegue.

1 Corintios 12:28

Ca 'eda da 'ne'tegue ñi qota'a quena' 'ue ñi ỹaconeu'a quená'maq mashic huelec ñi'maxare quena' ỹo'uet da lo'ueenataxanaxac. Ỹa'maxachichiguiñi da 'ne'tegue quiyim ỹa'auaxan na lelaatec so Jesús, ime lotqai na ỹa'xat da la'qaatec ñi qota'a, ime lotqai na napaxaguinataxanaq, ime lotqai na re'oq nqai'en na nquesaxanaxa se qaiuanapega, ime lotqai na nataren na ralolaxaic chaqai na ỹotauan ca liỹa, chaqai na na'gaxala', chaqai 'ue na ỹa'xate' naua na'qaatqa se qaiuanapegalo.

Efesios 4:11

Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

2 Tesalonicenses 3:1

Ca dá'maq pa'aatec qara'qaatec caqamiri qarqaỹa' quiyim qouagaxaiñitalgoto qomi', qaiyi da la'qaatec so qara'gaxala' sqaỹaloq ỹovire'oga ná'ogue na qomyipi quiyim imaqachin icoñiguit, qaican ỹapaguec na'le caqamiri.