Mateo 9:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca co'na' so Jesús inoxono queso lauo', ca' saua qai'la' nqo'nera'a so'maxare. Ca' so Jesús inate' saua'maxare, 'naaco': —¿Qamiri viilec quiyim seshit so'uet quiyim liỹa neuañiñi? Ca saua'maxare 'neraco': —Ajá'a, seuaqlec, qami' qara'gaxala'.

Mateo 9:28 Iomraidhean Croise

1 Reyes 17:16

Ỹaatqajam se imeuo ca ne'ariñoqui' caso lahi' chaqai so 'aceitoqui' caso lahi', ca ipaquichigui dá'maq 'naaco' na'le ñi qara'gaxala' queso Elías.

Mateo 13:1

Ca' sojo na'xa'a, ca' so Jesús ca'e yi na'a', ca quepegue' aso latogot late'ogue', ca nqa'xanñi quena lahi.

Mateo 13:36

Co'na'le, ca' so Jesús pil nqai'en so qomyipi. Ca' inoxonougui ca 'imec. Ca' so lapaxaguinatqaipi nqo'neu'a so'maxare, ca qohinaco': —Choxochitema qomi' ca leloxoỹaxac aso peue se no'uen queso nanaxanqa'.

Mateo 13:58

Ca' mesqai 'xoic ca ỹo'uet quená'maq se qaiuanapega huaugui nqai'en yi'maxare, ma' so'maxare se qoyiuelec quiyi'maxare.

Mateo 8:14

Ca' so Jesús quepegue' yi la'a' so Pedro. Ca iuane'ta aso ni'ỹoqoro so Pedro nenantañi queso lomala', ma' 'xoic lpa'ỹaaxa na loshicmaxa.

Mateo 8:2

Ca nqo'neuo' so ỹale rishiita na loshicmaxa, ca' ỹa'dooto naua le'cootal so Jesús. Ca 'naaco' queso'maxare: —Qami' ỹa'gaxala', no'm 'maxariñite', ca' shichi' quiyim yomachirec quena yalolaxa.

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Mateo 9:27

Ca co'na' eec, ca'e yi'maxare so Jesús, ca' coỹaretero saua dos qai'la', ỹaualqata'guita, 'nerac: —¡Qami' llaalec so David, qare'xoriñi'!

Mateo 9:29

Ca' so Jesús ipootau'alo saua nqote' saua'maxare. Ca 'naaco': —Ỹaatqajam ipaquichigui dá'maq 'neeta da rpi'ỹaxaguii.

Juan 11:26

Chaqai ná'ogue ná'maq ñaq nca'leetauec nagui quiyim huelec aỹim, ca tot ileu. ¿Vi'relec qami' dajo?

Juan 11:40

Qam so Jesús 'naaco' caso'maxare: —¿Mesqai shi'gue shinac caqami' quiyim vi'relec, ca' huañita ca se qaiuanapega lo'ueenataxanaxac ñi qota'olec?

Hechos 14:9

So ỹale na'xaỹaxantapego' da ỹa'xatetac so Pablo. Ca' so Pablo idaana'a so'maxare, ca iuana so ỹale quiyim 'ue da lpi'ỹaxac, ca ishiteta imeuec.