Mateo 9:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca co'na' eec, ca'e yi'maxare so Jesús, ca' coỹaretero saua dos qai'la', ỹaualqata'guita, 'nerac: —¡Qami' llaalec so David, qare'xoriñi'!

Mateo 9:27 Iomraidhean Croise

Mateo 1:1

Anajo chaqana aná'maq naneraxalate só'maq 'auaxaic leta'allipi so Jesucristo, só'maq chigoxougui so nashi David chaqai so Abraham.

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 15:22

Ca' aso 'aalo lase yi Canaán neetalec yijo 'laua, so'maxare ỹaualqata'guit nacpegue' so Jesús, 'naaco': —¡Qami' ỹa'gaxala', qami' llaalec so nashi David, yi'xoriñi'! Ma' ayi ỹaale 'ue ñi le'ec lecmaxaic, ca' chalego da le'xoric nqai'en.

Mateo 17:15

—Qami' ỹa'gaxala', 'xoriñi' da ỹaalec. Ma' da'maxare chalego da le'xoric chita'gue quen lotqai ileueta. Chaqai 'xoic taañigui quen na norec chaqai na huaxaỹaq.

Mateo 20:29

Ca co'na' saua'maxare sham inoxondec quiyi na'a' Jericó, ca 'xoico' so qomyipi quegue so Jesús.

Mateo 21:15

Qam co'na' saua la'gaxalate' na netaxaỹaxanqajanqaipi quena' qaretaxaỹa'pegue' ñi qota'a chaqai ná'maq rapaxaguinataxanta'pegue na naqataxaquipi ro'ỹe' co'na' iuanchigui quiyim qaỹo'uet ná'maq se qaiuanapega, chaqai co'na' 'xaỹa na ñaaqaipioqui' ỹaualqatalec quiñi no'ueenaxanaxaqui: “Ỹaatqajam 'ue da lquesaxanaxa da llaalec so qarashi David.”

Mateo 21:9

Ca quesó'maq 'aueta qomyipi chaqai ná'maq co'uaataxanta qai'neeta ỹaualqatagui, 'naaco': —¡Ỹaatqajam qaimaqachin na llaalec so qarashi David! ¡Ỹaatqajam chalego loyac da llicyaxac ná'maq naquetaugui da leenaxat ñi qara'gaxala'! ¡Qaimaqachin ñi qota'olec!

Mateo 9:28

Ca co'na' so Jesús inoxono queso lauo', ca' saua qai'la' nqo'nera'a so'maxare. Ca' so Jesús inate' saua'maxare, 'naaco': —¿Qamiri viilec quiyim seshit so'uet quiyim liỹa neuañiñi? Ca saua'maxare 'neraco': —Ajá'a, seuaqlec, qami' qara'gaxala'.

Marcos 11:10

¡Ỹaatqajam no'uen da naata no'ueenataxanaxac, ma' 'nejem da lo'ueenataxanaxac na' nashi so qareta'a David! ¡Quiyim ỹaatqajam qaimaqachin ñi qota'olec!

Marcos 9:22

Chaqai mashic 'xoic quiyim ñi ne'ec lecmaxaic taañigui nqai'en na norec chaqai na huaxaỹaq, ma' ỹahotaque ỹalauat. Ca no'm chaqaida quiyim shichi' 'ue ca 'viichi', quiyim qare'xoriñi', ca qarotauañi'.

Lucas 17:13

Ca' ỹaualqagui, 'naaco': —Jesús, qami' napaxaguinataxanaq, qare'xoriñi'.

Lucas 20:41

Ca' so Jesús 'naaco': —¿Chi negue' ca 'neeta quiyim qohinaiquen llaalec so qarashi David cá'maq nashi nca'laxaqui?

Lucas 7:21

Ca co'na' chi ỹovirero saua'maxare, ca so Jesús 'xoico' so qomyipi ỹomatec ỹoreta'oguit na ralolaxa, chaqai ỹo'daauec ná'maq le'ec lecmaxaic, chaqai 'xoic na nauanñi nqai'en quena qai'laqaipi.

Juan 7:42

Naua nerecse' la'qaatqa ñi qota'a ỹa'xate', quiyim cajo nashi nca'laxaqui, ca'maxare qohinac llaalec so nashi David, chaqai chicqochi'ñi yi Belén yí'maq la'a' na'le so David.

Romanos 1:3

Dá'maq dajo na'qaatec ỹaatqajam ỹa'xat só'maq qara'gaxala' Jesucristo, só'maq llaalec ñi qota'a. Ca' quedá'maq re'qoochigui ne'xaỹoqsoxoc so'maxare chigoxouguit so nashi leenaxat David.

Romanos 9:5

Na'maxare chaqai llaalqaipi so 'auaxaic qareta'allipi, chaqai da re'qoochigui no'ueenataxac na'maxare chicqotougui so Cristo. Ca' qoỹanagui so'maxare quiyim qota'olec quená'ogue, ca qaiyi se neme quiyim qaimaqachintac. Ajá'a, ca chaqaida 'neeta dajo.