Mateo 9:22 - La'qaatqa ñi qota'olec Qota'olec & Qota'olec Novita Na Qomyipi

²² Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Mateo 9:22 Iomraidhean Croise

Mateo 15:28

Co'na'le, ca 'naaco' so Jesús: —¡Qami' 'aalo, ỹaatqajam chalego lecaic da rpi'ỹaxaqui'! Ca' nagui, ca ỹaatqajam ipaquichigui cá'maq vi'saque. Ca co'na' qohinac dajo, ca chaqa'ma' imeuec aso llaale.

Mateo 17:18

Co'na'le, ca' so Jesús nelaxa, ỹo'daauec so ne'ec lecmaxaic, ca' eec ca'e nqai'en so ne'nec. Ca chaqa'ma' imeuec so'maxare.

Mateo 8:13

Ca' so Jesús 'naaco' na'le queso nouaataxanaq lashi: —Quiro queca ra'aachi', ca' ipaquichigui ma'le dá'maq 'neeta da rpi'ỹaxaqui'. Ca so ne'necoqui' chaqa'ma' imeueco' na'le.

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Mateo 9:29

Ca' so Jesús ipootau'alo saua nqote' saua'maxare. Ca 'naaco': —Ỹaatqajam ipaquichigui dá'maq 'neeta da rpi'ỹaxaguii.

Marcos 10:52

Ca' so Jesús 'naaco': —Mo'e', qui', nagui mashic remi'rec, ma' qami' vi'relec. Ca chaqa'ma' neuanñi so qai'laq, ca' quegue so Jesús.

Marcos 5:34

Ca so Jesús 'naaco' caso'maxare: —Qami' ỹaalole, qami' qaromachirec, ma' vi'relec. Ca' nagui, ca' qui', qaica ca huapigui qavilli', mashic remi'rec queso ralolaxa'e'.

Lucas 17:19

Ca' 'naapega so ỹale, 'naaco': —Ñirishiguim ma'le. Ime, ca' qui'. Mashic qami' remi'rec, ma' qami' vi'relec.

Lucas 18:42

Ca' so Jesús 'naaco': —¡Nagui coñichiguit quiyim liỹa neuañiriñi! Qami' nagui remi'rec, ma' qami' vi'relec.

Lucas 7:50

Qam so Jesús 'naapega aso 'aalo: —Qami' nagui rca'llirec, ma' vi'relec. Ca' mo'e', qui', qaica huapigui qavilli'.

Lucas 8:48

Ca' so Jesús 'naapego' aso'maxare: —Ỹaqaỹole, mashic remi'rec nagui, ma' qami' vi'relec. Mo'e', qui', sqaicanqaida nagui caqami'.

Juan 4:53

Ca' so leta'a retan quiyim chaqaiyi ñichi'ñi aca ra'aasa co'na' qohinapega queso Jesús: “Mashic nca'leuec ca qachaalqui'”. Ca' so'maxare chaqai so lauo' huelec so Jesús.

Hechos 14:9

So ỹale na'xaỹaxantapego' da ỹa'xatetac so Pablo. Ca' so Pablo idaana'a so'maxare, ca iuana so ỹale quiyim 'ue da lpi'ỹaxac, ca ishiteta imeuec.

Hechos 16:18

Mashic 'vio' saua na'xata' queda 'neetari', vire'to' na' so Pablo se ỹa'maxaren da 'neetari', ca nqovilque'te, ca nelaxa so le'ec, 'naaco': —Qami' soda'a nagui da leenaxat so Jesucristo, noxoñi'uec cana'maxare. Ca so ne'ec chaqa'ma' eec, ca'e aso'maxare.

Hebreos 4:2

Ma' qai'neeta mashic qaỹa'xatema qomi' da na'qaatec chicqaugui da nca'laxa, 'nejem qomi' na'le so'maxare na' qara'qaataxanem. Qam queso'maxare 'ec qaica ca 'negue da na'qaatec, ma' 'qaatapega, qam sqai huelec.