Mateo 9:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' so Jesús ne'laxashiguim, ca' liỹa so'maxare, nauequetecto saua lapaxaguinatqa.

Mateo 9:19 Iomraidhean Croise

Mateo 8:7

Ca' so Jesús 'naaco': —Ỹim shicpegue', ca' somatec ma'le.

Mateo 9:18

Ca' so Jesús co'na' ñaq ỹa'xatetac dajo, ca noviro' so lashi na judioipi. Ca' ỹa'yi'iñi naua le'cootal. Ca 'naaco': —Ayi ỹaale mashic ileu. Qam no'm qami' quirepegue', ca quiyim shillirelec, ca' liỹa nca'leuec.

Mateo 9:20

Co'na'le, ca 'uo' aso 'aalo doce ñaxari ralolaxai, ỹaatqajam 'xoic da le'xoric, naquetac na leuoripi. Ca nqo'neu'a so Jesús, queetou'gue na lelaq, ca' ipootau'a na lahi so napoxoqui,

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.