Mateo 9:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qaica ca ishit napalaten ca nooỹac leteraxaic quiyim rapalatenaxana ca dalaxaic hualoq lahi. Ma' cá'maq lapalatenque' dalaxaic cata', ca ỹasectaxat cá'maq ñaaue hualoq lahi. Ca' noquiiguec cá'maq lasectaxa.

Mateo 9:16 Iomraidhean Croise

Génesis 33:14

Paguec la'maxa quiyim 'avite' quenajo relaachiqui'. Ca' ỹim chi ñqo'neeta'co'da ma'le, ñimootaxanta na iseripi scoỹaretalec chaqai na ñaaqaipioqui', vire'to' ma' ñiuanaqta' quiyi Seir.

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Mateo 9:15

Ca' so Jesús 'naaco' quesaua'maxare: —¿Peeta'a ishiteto' quiyim rachicota, 'ec 'ue ca lasauaxanec, cá'maq nalecsec queca shilaq quiyim ñaq ỹalequetaho cá'maq shiltapego? Qam 'ue ca na'xa'a ma'le ma' ỹovita qanaqata'a só'maq nashilaxaua. Ca' quiyi, ca ishit nqopaaqachit na'maxare.

Mateo 9:17

Chaqai ca dalaxaic lataxa se qaỹocorigui aca lahi' isecỹac loshicmaxa ñauapec. Ma' no'm qohine'tegue dajo, ca ná'maq loshicmaxa rachipia'gue. Ca cá'maq lataxa chaqai cá'maq loshicmaxa na'lerañi. Ca vichiguiño' ca dalaxaic lataxa qaỹocorigui aca dalaxai isecỹac loshicmaxa, qaiyi caua'que qaica ca 'netegue.

Marcos 2:21

Ma' qaica cá'maq ishit napalaten ca nooỹac leteraxaic quiyim rapalatenaxana ca dalaxaic hualoq lahi. Ma' cá'maq dalaxaic ma' cata', ca paguec nqo'naxatec cá'maq lasectaxa.

Lucas 5:36

Chaqai ỹa'uo' ca laloqojnaxanaxat, 'naaco': —Qaca aca ishit naquilguec ca lahi aca neloxoqui dalaxai, ime, ca' rapalatenaxana caca itereta neloxoqui. Ma' no'm 'ne'tegue, ca na'axat aca loxoqui dalaxai, chaqai ca lahi dalaxaicolec sqa taiguit aca mashic itereta loxoqui.

Juan 16:12

'Xoic quet ná'maq liỹa sa'xatema qamiri, qam qamiri sqai shichii 'yiiñii nagui.

1 Corintios 13:13

Ca' chaqaida, quiyim da npi'ỹaxac, chaqai da quitaxac, chaqai da ne'xorenataxanaxa qaica ca lqodogue'; qam dá'maq ỹapacauec quedaua tres, dá'maq ne'xorenataxanaxa.

2 Corintios 9:12

Ma' quiyim saanaq anajo rotaanaxanqachii quena qarqaỹaripi, sqai saanqaem quiyim qaidaata 'ue ca louenaxanaxa. Qam qai'neeta so'ueetaq dajo, qaiyi yi qarqaỹaripi ỹaanshiguim da na'aachic quiñi qota'a.