Mateo 9:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' so Jesús 'naaco' quesaua'maxare: —¿Peeta'a ishiteto' quiyim rachicota, 'ec 'ue ca lasauaxanec, cá'maq nalecsec queca shilaq quiyim ñaq ỹalequetaho cá'maq shiltapego? Qam 'ue ca na'xa'a ma'le ma' ỹovita qanaqata'a só'maq nashilaxaua. Ca' quiyi, ca ishit nqopaaqachit na'maxare.

Mateo 9:15 Iomraidhean Croise

Mateo 9:14

Ca' saua nale' so nachilaxanataxanaq leenaxat Juan noquiicra'a so Jesús, ca renataxane': —¿Chi'neco' qomi' chaqai na fariseoipi ỹaatqajam 'xoic quen ñqopaaqachitaq, qam naua rapaxaguinataxahi' se nqopaaqachite'?

Mateo 9:16

Qaica ca ishit napalaten ca nooỹac leteraxaic quiyim rapalatenaxana ca dalaxaic hualoq lahi. Ma' cá'maq lapalatenque' dalaxaic cata', ca ỹasectaxat cá'maq ñaaue hualoq lahi. Ca' noquiiguec cá'maq lasectaxa.

Marcos 2:19

Ca' so Jesús 'naaco' quesaua'maxare: —¿Peeta'a ishit quiyim nqopaaqachit cá'maq ỹalequetau'a ca nashilaxac quiyim cá'maq huonaxaua ñaq ỹalequeta'guit ca qomyipi? Ca no'm ñaq ỹalequetaho cá'maq huonaxaua, ca' se ishit nqopaaqachit.

Marcos 2:20

Qam 'uo' ca na'xa'a quiyim qarouootaxana'gue ca'maxare, ca' quiyi, ca' nqopaaqachit.

Lucas 17:22

Ca' 'naapega so lapaxaguinatqaipi, 'naaco': —'Vio' ma'le caua na'xata' quiyim qamiri viitaque huañiỹa 'eno'chaqai 'oonoqui' quecaua na'xata' najo ỹale llaalec ma' liỹa novi', qam sqai huañiỹa.

Lucas 5:34

Ca' so Jesús 'naaco': —¿Tegue' chi ishit qopat nqai'ñii ca nalecsec queca shilaq, quiyim ñaq ỹalequetaho cá'maq ỹahotaque quiyim shilo?

Lucas 5:35

Qam ma' ỹovita ca laloqo' quiyim qanaqata'a ca o'naq, ca' qaigueme ishit nqopaaqachit.

Juan 16:6

Ta'ta'a quiyim chigoitam, ma' shinac dajo.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

Hechos 14:23

Chaqai qai'neeta qaỹa'ue na na'gaxalateripi cana no'ueenaxanaxaquiripi. Ca co'na' ime so qouagaxainaxac chaqai so nqopaaqachitaxac, ca' qoỹaanoto dá'maq qoyiuetaugui letelaxa ñi qara'gaxala', ñí'maq huerelec saua'maxare.

1 Corintios 7:5

Se ỹa'maxañi quiyim 'ue ca se nasen caqamiri, ta'to'o' no'm na'yiiñiỹata' quiyim vii ca raloqojñigui quiyim sqa qamiri napa' quiyim viitaque ralamaxaijlec ca nqouagaxainaxaguii. Qam ma' ime, ca lotqai qamiri napa'. Ma' no'm 'ue ca se nasen, ca sqoue ca se nalo'guit ca 'neeta, ca' so na'ỹaapec 'ue ca lligo quiyim ỹa'ue ca nasauaxaset.

2 Corintios 11:27

Chaqai 'xoic na ỹo'ueenataxanaxac, chaqai da ñanaqataxac. Chaqai 'xoic se seshit quiyim selaq, chaqai 'xoic ỹoqopaaxa chaqai na ỹaquip. Chaqai 'xoic quiyim ñqopaaqachit, chaqai yalauat quen na no'oomaxa, chaqai sentauec qaica ca sanñi.

Apocalipsis 19:9

Ca na'le, ca' so nelaatec piguim le'ec 'naac caỹim: —'Chiriñi: “Chalego loyac quená'maq nalecseripi queca lemaqachic so 'ec qagreta llaalec ma' shilo.” Ca 'naac caỹim: —Dauajo dauá'maq ỹaatqajam lliquete' la'qaatqa ñi qota'a.

Apocalipsis 21:2

Ca' ỹim Juan seuañi'chiguit so na'a' lodegaxat dalaxai Jerusalén, ỹaatqajam co'teeta, chicqashiguim queda piguim, ỹaatqajam chicqo'tot ñi qota'olec, ỹaatqajam qaỹa'maxachichiguiñi, 'ec nqohin da na'maqataxac aca nequetegaxai quiyim ỹovita o'ñiguit ca nauonaxaua.