Mateo 9:13 - La'qaatqa ñi qota'olec Qota'olec & Qota'olec Novita Na Qomyipi

¹³ Mohi, quii, ca' napaxaguiñiỹa dá'maq leloxoỹaxac yi naneretañi la'qaatec ñi qota'a 'naacsa': “Ỹim sahotaque 'xoriñii ca riỹahi. Mesqaida quiyim 'ỹaañiuo quiyim qaỹavigaxat ca rachitaxanataxanaxachii isecỹac.” Ma' ỹim se ñanac quiyim soỹaxana cá'maq 'deenataxanaxai, ta'ta'a ná'maq sauaqhuaiquipi, qaiyi netacocha, ca ỹaxañiñi naua lanatqa.

Mateo 9:13 Iomraidhean Croise

Oseas 6:6

Dá'maq sahotaque caqamiri quiyim rqo'chiiua', mesqai quiyim lauachii ca isecỹac, ca 'ỹaañiỹot aỹim; chaqai quiyim 'yiiñiỹa'a aỹim quiyim ỹim qota'olec, ca' sqai 'ỹaañiỹot aỹim cá'maq isecỹac vigaxachii. (6.7—10.15 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi quiyi Israel. Da naquitaxac quena ỹoqa'a qomyipi. Dá'maq 'neetari' quena nqolaquipi. Dá'maq naata nouaxanaxaset.)

Mateo 12:3

Qam so Jesús 'naaco' quesaua'maxare: —¿Saqa' taxahilco' quen dá'maq 'neeto' na'le so nashi David co'na' 'ue so na'xa'a so'maxare chaqai saua nauegaxaua' qopate'?

Mateo 12:5

Loqo'm ¿sqai taxahilco' quen na naqataxaquipi chicqo'ot so Moisés quiyim na netaxaỹaxanqajanqaipi ná'maq ro'ueenataxantac caso no'ueenaxanaxaqui, ca na'maxare se nco'matec queso na'xa'a co'mataxaqui? Qam dajo se nasauaxaset.

Mateo 12:7

Qamiri sqa 'yiiñiỹo' dá'maq reloqo'tegue yi naneretañi la'qaatec ñi qota'olec, 'naac: “Ỹim sahotaque quiyim 'xorenataxañii, ca' mesqaida 'ỹaañiuo qaỹavigaxat ca isecỹac rachitaxanataxanaxachii.” Ca' quetaxan 'yiiñiỹo' dajo, ca' se ishit quiyim viitaque quet ca lasauaxaset cá'maq qaica ca ỹasauaxat.

Mateo 19:4

Ca' so Jesús 'naaco' quesaua'maxare: —¿Sqai taxahilco' quen naua naneresañi la'qaatqa ñi qota'olec quiñí'maq ỹo'ueete'o' na' ñaqai 'avichiguiñi co'na' “ỹo'uet so ỹale chaqai na' ỹo'uet aso 'aalo”?

Mateo 21:42

Ca' so Jesús 'naaco': —¿Se ỹauanapego' quen quiyim taxailgoto naua naneresañi la'qaatqa ñi qota'olec? 'Neracsa': So qa' qaỹañijin queso 'imec lo'ollipi, chaqaiso' só'maq nollaañi ca 'imec. Dajo ỹo'ueeto' na'le ñi qara'gaxala'. Ca' dajo 'ec chalego nqaishinaq na lemaqachic.

Mateo 3:2

Ca' da la'qaatec 'neetasa': —Netogochiguilo nqai'ñii' naua qavilyii, ma' mashic tot qoỹoqaque da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 3:8

Na'maxachita, re'qoota nqai'ñii da no'ueenataxaguii quiyim mashic 'xañiñi naua ranataxahi se no'viiñi.

Mateo 4:17

Co'na'le, ca' taañi da la'qaataxanaxac so Jesús, 'naaco' quen: —Netogochiguilo nqai'ñii' naua qavilyii, ma' nepalata da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Marcos 12:26

Qam quedá'maq 'neeta quiyim liỹa qanca'laxatec na leuaxaiquipi, ¿saqa' taxahilco' quen aso lerecse so Moisés, cá'maq 'neeto' na' ñi qota'olec retaqata'pegue' so'maxare 'maqatapougui aso qo'paqo'lli' ỹaviquetaugui? Ma' ñi'maxare 'naaco': “Chaqaỹim ná'maq ỹim qota'a queso Abraham, chaqai so Isaac, chaqai so Jacob.”

Marcos 12:33

Chaqai quiyim qarqo'ta ñi'maxare, somatqo'ot añi qare'taxanata, chaqai da qara'deenataxanaxac, chaqai da qanachaalataxac, chaqai dá'ogue da qarquesaxanaxa, chaqai quiyim qarauotegue ca qariỹa, 'nejme' qomi' chi ñauochaqalta', ma' da'maxare napacalec ná'ogue na nachitaxanataxanqateripi quena' qoỹaanot ñi qota'olec, chaqai ana nachitaxanataxanqate quena' qaỹavigaxat cada ncopatoxonaxalate.

Marcos 2:17

Ca co'na' so Jesús 'xaỹa dajo, ca 'naaco': —Quecá'maq sqaicanqaida chaqai queca no'ueenta, ca se ỹouen ca natarenataxanaq, ta'ta'a ná'maq ralolaxaiquipi. Ma' se ñanac quiyim soỹaxana cá'maq 'maxaraic, ta'ta'a ná'maq sauaqhuaiquipi.

Lucas 10:26

Ca' so Jesús 'naaco': —¿Negue' ná'maq naneretañi quena naqataxaquipi chicqo'ot so Moisés? ¿Negue' ca 'ñiisa'co' quena' taqairelec?

Lucas 19:10

Ma' najo ỹale llaalec, na'maxare anac quiyim idaantaque chaqai quiyim nca'laxatec ná'maq ỹo'meetac qomyipi.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Lucas 5:31

Ca' so Jesús 'naaco': —Se ỹouen ca natarenataxanaq ca qom quiyim no'uenta, chaqaicaata ca ralolaxaic maq ỹouen.

Lucas 5:32

Aỹim se ñanaque quiyim soỹaxana ca qom lo'yaxanec, ta'ta'a ca sauaqhuaic, qaiyi ỹalate' naua lanatqa.

Juan 10:34

Ca' so Jesús 'naaco' queso qomyipi: —Queda naqataxac caqamiri naneretañi quiyim ñi qota'olec 'naac: “Qamiri, qamiri qota'olqa.”

Hechos 11:18

Ca co'na' so nqaỹaripi quiyi Jerusalén 'xaỹa dajo, ca' sá'ogue i'maxañi, ca imaqachintac ñi qota'olec. Ca 'neraco': —¡Ca chaqaido' quiyim ñi qota'olec ỹa'ue ca ledaaqa' quiyim na mesqai judío netacocha, ca'ahi naua no'ueenataxaco, qaiyi 'ue ca lca'laxa sqaica lqodoc!

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 20:21

Quená'maq judío chaqai quena sqai judío shinapega quiyim ca'ahi naua no'ueenataxaco se no'viiñi, ca' quegue ñi qota'olec, chaqai huelec so qara'gaxala' Jesucristo.

Hechos 3:19

Vichiguiño' nagui no'uen quiyim 'xañiñi naua no'ueenataxagohi, ca' nañaañiỹot ñi qota'olec, qaiyi ñi'maxare ỹapalaxate' naua rasauaxashichiri. Ca' ñi qara'gaxala' ishit quiyim nelatalo qamiri caua na'xata' quiyim ra'maxaichiguiñi,

Hechos 5:31

Qam ñi qota'olec ỹaueguegue da piguim, ca ỹana'gue da loic, chaqai ỹanagui quiyim nashi chaqai nca'laxaqui. Ma' ñi'maxare ỹahotaque ledaaqa' quiyim netacocha, ca ỹalate' naua lanatqa na Israel laseripi, qaiyi qaỹapalaxate' naua lasauaxasete'.

2 Pedro 3:9

Mesqaida quiyim ñi qara'gaxala' sqaua' ipacqajñigui cá'maq ỹachaxantac, ma' 'ue ná'maq 'naac dajo. Ta'ta'a quiyim 'ue da leualaxavic nauaantapegalo qomi', ma' se nqo'ta quiyim 'ue ca na'laañi. Ta'ta'a quiyim ná'ogue netogochigui na lauel.