Mateo 8:6 - La'qaatqa ñi qota'olec Qota'olec & Qota'olec Novita Na Qomyipi

⁶ 'naac: —Qami' ỹa'gaxala', yi ilaatec hueeta'ñi yi ỹa'a', hueetalec yi lomala', se ra'ñiigue, ỹaatqajam 'xoic da le'xoric, paguelec na nqui'ic.

Mateo 8:6 Iomraidhean Croise

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Mateo 8:7

Ca' so Jesús 'naaco': —Ỹim shicpegue', ca' somatec ma'le.

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Hechos 10:7

Ca co'na' eec so qota'a lelaatec retaqata'pegue', ca' so Cornelio roỹaxanalo saua dos lelaatqa chaqai so nouaataxanaq le'ec. Sojo ỹale mashic shi'gom icoñiguit da na'qaatec chaqai npe'eet ma' qamaxaraic.

Hechos 8:7

Ma' 'xoico' so qomyipi 'uo' na le'ec lecmaxaic, qam imeuec. Chaqai co'quena' inoxonec na ne'ec lecmaxaic, ca ỹaualqatagui. Chaqai 'xoic na se ra'ñiigue chaqai na 'iraiquipi qai'neeta imeuec.

Hechos 9:33

Ca' quiyi, ca iuanejlco' ca ỹale leenaxat Eneas hueetalco' ca lacanec ocho ñaxari, ma' se ra'ñiigue.

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.

Colosenses 4:1

Chaqai qamiri 'cororipi, ỹaatqajam 'viichii cá'maq ỹa'maqachiguiñi, chaqai ỹaatqajam pacqajñiichigui ca nishiuetenaxac ca relaachiguii. 'Yiiñitapega quiyim qamiri qai'neeta 'ue ñi ra'gaxalari neeta'gue da piguim.

1 Timoteo 6:2

Chaqai no'm ca nelaatec 'ue ca na'co' quená'maq mashic icoñiguit da na'qaatec, ca' paguec na'xaỹaxane'ta, ma' mashic lqaỹa lpi'ỹaxaua. Lama'xa no'ueenaxat cá'maq 'neetari', ma' cá'maq ro'ueenataxantacot qai'neeta icoñiguit da na'qaatec chaqai mashic nauochaxaua lqaỹa. Ỹaatqajam paxaguinataxañitegue chaqai 'xachi' dajo.

Filemón 1:16

Qam totqai 'neetari' ca ra'aqui', ta'ta'a quiyim paguec loyac queca na'ac, ta'ta'a quiyim nauochaxaua'e' rqaỹa'e'. Ỹim ỹaatqajam ỹoqo'itaxat, qam qami' paguec quet rqo'chita. Mesqaidaata quiyim 'neetari' ca ỹale, ta'ta'a quiyim 'neetari' ca rqaỹa'e' rpi'ỹaxaua'e' queso qara'gaxala'.