Mateo 8:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' so Jesús 'naaco' queso'maxare: —'Neeto' lotqai 'ue ca 'qaataxañita quedajo. Ta'ta'a quiyim quirepegue', nachaxañireu'a ñi letaxaỹaxanqajnec na qomyipi quena' qaretaxaỹa'pegue' ñi qota'a, chaqai 'ỹaañiro ma'le aca rachitaxanataxanqachi'i' cá'maq relaataxanlec na'le so Moisés, qaiyi ná'ogue ỹa'den quiyim rimi'rec queso ralolaxa'e'.

Mateo 8:4 Iomraidhean Croise

Mateo 10:18

Ca vire'to' ma' viriỹau'a ná'maq reloqota'alo naua 'lauari chaqai ná'maq lashillipi na'maxare, ma' qamiri ỹalamaxarete', qaiyi shichii ya'xachitac quena'maxare chaqai quena sqai judioipi.

Mateo 16:20

Co'na'le, ca' so Jesús qatalo saua lapaxaguinatqa quiyim se ra'qaataxane' quiyim so'maxare chaqaiso só'maq nashi nca'laxaqui.

Mateo 17:9

Ca co'na' naasañi quiyim renoterec caso qa' ladocai, ca' so Jesús qate'talo, 'naaco': —Qaico' ca 'qaataxañim quedajo rauanaxanaxaguii, toco' ma' ime liỹa nca'leuec najo ỹale llaalec.

Mateo 3:15

Qam so Jesús 'naaco' queso'maxare: —Qam nagui le'en nqai'ñi' dajo. Ma' paguec la'maxa quiyim sepacqajanqachigui ná'ogue ná'maq ỹahotaque ñi qota'a. Co'na'le, ca' so Juan nachilaxan.

Mateo 5:17

'Neeto' lotqai 'neetapigui qavillii quiyim ñovi', ca sa'ue ca lqodoc na naqataxaquipi chicqo'ot na'le so Moisés chaqai ná'maq lapaxaguinataxanaxac so letaxaỹaxanqajanqaipi ñi qota'a. Se ñanac quiyim sa'ue ca lqodoc. Ta'ta'a quiyim ñanac, qam ỹaatqajam ipaquichigui nqaishin dá'maq ỹaatqajam leloxoỹaxac.

Mateo 6:1

Mesqai nachaxañita quena qom quiyim 'viichii cá'maq viilec, ca' ỹa'yiinchigui nqai'ñii na qom. No'm 'ñii'tegue dajo, ca' ñi qota'a ñí'maq viilec neeta'gue da piguim qaica ma' ỹo'uet quet ca nishivichii.

Mateo 9:30

Ca' naviguerec saua nqote' saua'maxare. Co'na'le, ca so Jesús ỹaatqajam qate'talo, 'naaco' quesaua'maxare: —Qaico' ca ỹa'den nqai'ñii dajo.

Marcos 13:9

Qam chi ncochiỹalta' qamiri, ma' qoỹaaneu'alo qamiri ma'le na nashillipi, chaqai huaugui ma'le ana lapoxoqui na judioipi, ca qaỹouaxanta'pe qamiri. Vire'ta qaraviguiu'a ma'le na nashillipi neloxoỹaripi quena qom chaqai ná'maq lashi na nashillipi sovitapigui aỹim. Ca' quiyi, ca' shichii 'xachii aỹim quena'maxare.

Marcos 3:12

Qam so Jesús ỹaatqajam se ỹala'gue quena' 'naapega quiyim se ỹa'xat negue' so'maxare.

Marcos 5:43

Qam so Jesús ỹaatqajam 'xoic da laqataxac quiyim qaica ca qara'qaataxanem. Ca relaataxan quiyim qaỹa'ue ca loq aso nocto'lli'.

Marcos 6:11

Chaqai no'm 'ue ca hua'ñi quiyim se qaicoñiguita chaqai se qana'xaỹaxanalo qamiri, ca' oquiỹa'e ca'maxare, qam ma'le, ca ochigoxoiuec na namoxoỹaxa inocaho quenaua qapelachiri, ca dajo netanec quiyim ca'maxare chi nasauaxatalta'. Qam ỹaatqajam llic da shinac quiyim ma' ỹovita ca pa'aatec na'xa'a ma' imit na nasauaxaseteripi ñi qota'olec, ca' paguec lecaic ma'le ca nouaxanaxaset queso na'ñi yi Sodoma chaqai yi Gomorra ná'maq na'aateripi se icoñiguita qamiri.

Marcos 7:36

Ca' so Jesús ỹaatqajam 'ue da laqataxac quiyim sqaica ca qara'qaataxana. Qam na' paguec dá'maq laqataxac quedajo, ca 'eco' lama'xa qanoquigaxatec quiyim qaỹa'xat da'maxare.

Marcos 8:30

Qam so Jesús 'ue da laqataxac quiyim qaica ca qara'qaataxanem quedajo.

Marcos 9:9

Ca co'na' mashic renoterec caso quemaralec ladocai, ca' so Jesús qatetapegalo saua lapaxaguinatqa quiyim qaica cá'maq ỹa'xajtem dá'maq lauanaxanaxague', toco' ma' najo ỹale llaalec lotqai liỹa nca'leuec.

Lucas 17:14

Ca' so Jesús co'na' iuana so qomyipi, ca' 'naapego': —Quiipegue', nachaxañiu'a cá'maq letaxaỹaxanqajanqaipi na qomyipi quena' qaretaxaỹa'pegue' ñi qota'a. Ca' co'na' queeta'gue so nayic so qomyipi, ca chaqa'ma' imeuec.

Lucas 21:13

Qam da'maxare ỹa'ue quiyim qamiri ya'xachitac yimaqajñitac.

Lucas 4:41

Chaqai 'xoic na ralolaxaiquipi eec na le'ec lecmaxaiquipi. Chi ỹaualqatagui, 'neeta'gue: —Chaqaqami' na' qami' llaalec ñi qota'olec. Qam so Jesús nelaxa na ne'ec lecmaxaiquipi, chaqai se ỹa'maxaren quiyim retaqa, ma' na'maxare ỹa'den quiyim chaqaiso só'maq nashi nca'laxaqui.

Lucas 5:14

Ca' so Jesús 'naapega so'maxare: —Qaidaata quiyim qami' oqui', nachaxañireu'a ñi letaxaỹaxanqajnec na qomyipi quena' qaitaxaỹa'pegue' ñi qota'a. Ime, ca' 'ỹaañiro aca rachitaxanataxanqachi'i' aca relaataxanlec nallaaqo' so Moisés, acá'maq ñigui quiyim qami' remi'rec, qaiyi ỹa'den ná'ogue quiyim mashic qami' remi'rec queso ralolaxa'e'.

Lucas 8:56

Ca' saua leta'al ỹaatqajam 'xoic da le'laqa'. Qam so Jesús 'naapegalo quiyim sqaica ca qara'qaataxanem queda 'neeto' na'le.

Lucas 9:21

Qam so Jesús qatalo saua'maxare quiyim qaica ca qara'qaataxana quedajo.

Juan 5:41

Aỹim se sacoñiguit ca nemaqajnataxanaxa chicqotougui na qomyipi caỹim.

Juan 7:18

Cá'maq chi lo'ueenatec ca ỹa'xat, ỹo'uet, ma' ỹahotaque quiyim qaimaqachin quena qom. Qam cá'maq ỹahotaque quiyim qaimaqachin cá'maq nelaatqo', ca' chaqaica cá'maq ỹaatqajam llic ca ỹa'xatetac, chaqai qaica ca na'maachic hueetagui.

Juan 8:50

Chaqai aỹim se sahotaque quiyim qayimaqachin, 'eno'm 'ue ñí'maq ỹahotaque quiyim qayimaqachin. Ca' chaqaiñi ñí'maq ỹo'viijñi cá'maq qohinta'gue.