Mateo 8:2 - La'qaatqa ñi qota'olec Qota'olec & Qota'olec Novita Na Qomyipi

² Ca nqo'neuo' so ỹale rishiita na loshicmaxa, ca' ỹa'dooto naua le'cootal so Jesús. Ca 'naaco' queso'maxare: —Qami' ỹa'gaxala', no'm 'maxariñite', ca' shichi' quiyim yomachirec quena yalolaxa.

Mateo 8:2 Iomraidhean Croise

2 Reyes 5:1

Ca 'uo' so ỹale leenaxat Naamán, so'maxare lashi so nalliripi so nashi na'ñi yi Siria. So'maxare ỹaatqajam nqo'itaxat queso nashi ma' ñi qara'gaxala' ỹa'ue quiyim 'xoic da la'ñaxac na' nalauat ro'ootaxanlec yi Siria. Qam sojo ỹale rishiita na loshicmaxa.

2 Reyes 5:27

Ca' vichiguiño' da le'ne' so Naamán nategue qami' chaqai quena qachaalaxai'ipi, ca se neme, qaica lqodoc. Ca co'na' so Giezi ca'e so Eliseo, ca' rishiita na loshicmaxa chaqai ỹalagaq, 'ec ana loñi.

Mateo 10:8

Machiuec na ralolaxaiquipi, liỹa nca'leuec nqai'ñii ná'maq mashic ileu, imeuec nqai'ñii ná'maq mashic rishiita na loshicmaxa, o'yiỹauec na ne'ec lecmaxaic. Qaca aca laseuete quiyim coñiguit dajo nquesaxanaxa, ca' sqaca laseuete nqai'ñii quiyim 'ueenataxañiỹa.

Mateo 13:58

Ca' mesqai 'xoic ca ỹo'uet quená'maq se qaiuanapega huaugui nqai'en yi'maxare, ma' so'maxare se qoyiuelec quiyi'maxare.

Mateo 14:33

Co'na'le, ca sauá'maq neesañigui aso'maxare, ca ỹa'dooto naua le'cootal so Jesús. Ca 'neraco': —Ỹaatqajam lliqueta quiyim qami' llaalec ñi qota'olec.

Mateo 15:25

Qam aso 'aalo noquiigo, ca ỹa'yi'iñi naua le'cootal quiyí'maq hueete'e so Jesús. Ca 'naaco': —¡Qami' ỹa'gaxala', yotauañi'!

Mateo 18:26

Ca' so nelaatec ỹa'chi'iñi naua le'cootal queso na'co', ca ne'xoresene'tot, 'naaco': “Qami' ña'co', neualaxaviñire'e' aỹim, ca vire'to' ma' seshiueten cá'ogue aca ỹa'uale.”

Mateo 2:11

Ca co'na' inoxondo queca 'imec, ca iuanteta so noctoqui' chaqai aso María só'maq late'e. Ca' ỹa'chi'iñi naua le'cootal, ca' imaqachine' so noctoqui'. Na' ime, ca ỹauajñiguilo saua lloxoqui', ca ỹachite' quena 'oro, chaqai nichiinaxanaxat, chaqai na louaq ana qo'paq lo'daxaraic lahita, leenaxat mirra.

Mateo 20:20

Co'na'le, ca nqo'neho' queso Jesús aso late'e so Jacobo chaqai so Juan, llaalqa so Zebedeo. Aso'maxare liỹaresaho saua llaalqa, ca' ỹa'dooto naua le'cootal so Jesús, ma' ỹahotaque quiyim ne'xoresene'tot ỹashiila.

Mateo 26:6

So Jesús hueeta'ño' yi Betania, hueete'e yi la'a' so Simón só'maq qohinaco' quen rishiita na loshicmaxa.

Mateo 28:17

Ca co'na' iuanta so Jesús, ca' ỹa'dooto naua le'cootal, 'eno'm 'ue na ñaqai saqa' ỹaatqajam huelec quiyim ỹaatqajam chaqaiso' so'maxare.

Mateo 28:9

Ca queco'na'le, ca' qanachaxanalo queso Jesús, ca' qaiquine'. Ca' saua'maxare nqo'netot so Jesús, ca' ỹa'dooto naua le'cootal, chaqai qa'aalouguilo naua lichil.

Mateo 4:9

Ca 'naaco': —Saanem qami' ma'le ná'ogue najo, no'm shichi' 'yiriñi' naua re'cootalli', ca yimaqachiñi'.

Mateo 8:1

Ca co'na' renotec so Jesús chicqotashi'megue ada quemaralec ladocai, ca qaicoỹare'tegue queso 'xoic qomyipi.

Mateo 8:25

Ca co'na'le, ca saua lapaxaguinatqa querepegue', ca nqo'xone', ca 'nerapego': —Qami' qara'gaxala', qarca'laxachirec, ma' sham iyiñiñi qomi'.

Mateo 9:18

Ca' so Jesús co'na' ñaq ỹa'xatetac dajo, ca noviro' so lashi na judioipi. Ca' ỹa'yi'iñi naua le'cootal. Ca 'naaco': —Ayi ỹaale mashic ileu. Qam no'm qami' quirepegue', ca quiyim shillirelec, ca' liỹa nca'leuec.

Lucas 4:27

Chaqai yi la'a' na Israel llaalqaipi ỹaatqajam 'xoic na ralolaxaic, rishiita na loshicmaxa, quesauajo na'xata' co'na' 'ue so la'qaataxanqajnec ñi qota'a, leenaxat Eliseo. Qam sqaica ca 'oonoqui' quet qaỹomatec queso'maxare, chaqaisoota so Naamán. So'maxare la'a' yi 'laua Siria.

Juan 9:38

Ca co'na'le, ca so ỹale ỹa'chi'iñi naua le'cootal quiyi reloqota'ñi so Jesús, ca 'naaco': —Seuelec qami', qami' ỹa'gaxala'.

Hechos 10:14

Ca' so Pedro 'naaco': —'E', qami' ỹa'gaxala', se ỹauanapega sa'ic ca qohinac napio'o, loqo'm ca se qaỹa'ic.

Hechos 10:25

Ca co'na' ỹoviro so Pedro queca na'a', ca' so Cornelio ca'guit, ca ỹa'chi'iñi naua le'cootal, ỹahotaque nqouagaxainot.

1 Corintios 14:25

Ca ná'maq hueetagui añi le'taxanata re'oq. Ime, ca' ishit ỹa'yi'iñi naua le'cootal quiyim imaqachintac ñi qota'a, chaqai ỹa'xatetac quiyim ỹaatqajam llic ỹalequetauguilo qamiri ñi'maxare.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.