Mateo 8:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca co'na' mashic pe, ca qanodou'a so Jesús na 'xoic qomyipi ralolaxaiquipi 'ue na le'ec lecmaxaic. Ca' chaqai 'oonoqui' retaqa, ca ỹo'daauec na ne'ec lecmaxaic, chaqai qai'neeta ỹomatec sá'ogue so ralolaxaiquipi.

Mateo 8:16 Iomraidhean Croise

Mateo 12:22

Co'na'le, ca' qaỹauega'a so Jesús so ỹale 'ue so le'ec lecmaxaic, se neuanñi chaqai se retaqa. Qam so Jesús ỹomatec. Ca' so ỹale lotqai neuanñi chaqai 'vii naua la'qaatqa nqai'en.

Mateo 14:14

Ca co'na' renotec so Jesús caso lahi', ca iuane'ta so 'xoic qomyipi. Ca 'ue da le'xorenataxanaxa queso'maxare, ca ỹomatec na ralolaxaiquipi qanodou'a so'maxare.

Mateo 8:15

Ca so'maxare ipootau'a da lqai'laxat, ca eec so lpa'ỹaaxa. Ca ne'laxashiguim aso'maxare, ca' quelolta'pegueto saua'maxare.

Mateo 8:33

Ca só'maq neloxoỹaripi caso cos 'eet, no'chi. Ca co'na' ỹoviro quiyi na'a', ca ra'qaataxane' quedá'maq 'neeto' na'le dajo chaqai quesauá'maq ỹale' 'uo' so le'gue' lecmaxaiquipi.

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Marcos 2:3

Ca qanodou'a yi hueeta'ñi so Jesús so ỹale se ra'ñiigue, qane'xateta so'maxare quesaua cuatro ỹale'.

Marcos 5:8

'Naaco' dajo, ma' so Jesús shi'co' 'neetapega so'maxare: —¡Qami' ne'ec lecmaxaic, oquire'e najo ỹale!

Marcos 9:25

Ca co'na' so Jesús ỹa'den quiyim mashic 'xoic so qomyipi lapoỹaho, ca' retaxaỹa so ne'ec lecmaxaic, 'naaco': —Qami' ne'ec lecmaxaic se retaqa chaqai sqa 'qaa nqai'ñi' ca qom, shinapega qami' noxoñirec quena ne'nec, qam tot liỹa noxoñirougui na'maxare.

Lucas 13:12

Ca co'na' so Jesús idaana'a, ca roỹaxana, ca' 'naapego': —Qami' 'aalo, nagui mashic souec qami' quena ralolaxa'e'.

Lucas 4:40

Ca co'na' mashic inoxonñi aso ra'aasa, ca ná'ogue na qomyipi ná'maq 'ue na ralolaxaic hueeta'ñi na la'a', ỹoreta'oguit na ralolaxa, qanodou'a so Jesús. Ca' so Jesús ỹahote'e ana laua chi ỹashil-lec quiñi 'óna queso qomyipi, chaqa'ma' imeuec nqai'en.

Lucas 4:41

Chaqai 'xoic na ralolaxaiquipi eec na le'ec lecmaxaiquipi. Chi ỹaualqatagui, 'neeta'gue: —Chaqaqami' na' qami' llaalec ñi qota'olec. Qam so Jesús nelaxa na ne'ec lecmaxaiquipi, chaqai se ỹa'maxaren quiyim retaqa, ma' na'maxare ỹa'den quiyim chaqaiso só'maq nashi nca'laxaqui.

Hechos 5:15

Ca vire'ta quiyim qanaueguec na ralolaxaic quenaua nayico, ca' qaillaalgoto naua lomalate' chaqai naua lacanqa. Ca' quiyim que'tegueyi so Pedro, ca ỹovira'ogalo ca la'al saua'maxare.