Mateo 8:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca so'maxare ipootau'a da lqai'laxat, ca eec so lpa'ỹaaxa. Ca ne'laxashiguim aso'maxare, ca' quelolta'pegueto saua'maxare.

Mateo 8:15 Iomraidhean Croise

Isaías 6:7

Ca' ỹouoocau'a nqai'en aso poqo na ỹap, ca 'naac: 'Anta, najo poqo ỹouoocau'alo naua qadapchi'. Ca' naqata'a da se no'uen caqami', chaqai da rasauaxashichi' mashic qaỹapalaxat.

Mateo 14:36

Ca' qane'xoresene'tot quiyim chaqai ipootau'a na lahi so napoxoqui. Ca ná'ogue ná'maq ipootau'a, ca chaqa'ma' imeuec.

Mateo 20:34

Ca' so Jesús ỹaatqajam 'uo' da le'xorenataxanaxa quesaua'maxare, ca ipootau'alo naua nqote'. Ca' saua qai'la' chaqa'ma' neuañiñi, ca' coỹaretero queso Jesús.

Mateo 8:14

Ca' so Jesús quepegue' yi la'a' so Pedro. Ca iuane'ta aso ni'ỹoqoro so Pedro nenantañi queso lomala', ma' 'xoic lpa'ỹaaxa na loshicmaxa.

Mateo 8:16

Ca co'na' mashic pe, ca qanodou'a so Jesús na 'xoic qomyipi ralolaxaiquipi 'ue na le'ec lecmaxaic. Ca' chaqai 'oonoqui' retaqa, ca ỹo'daauec na ne'ec lecmaxaic, chaqai qai'neeta ỹomatec sá'ogue so ralolaxaiquipi.

Mateo 8:3

Ca' so Jesús ipootau'a so'maxare, ca 'naaco': —Ajá'a, sa'maxarenta, nagui somachirec. Ca co'na' 'naac dajo, ca só'maq rishiita na loshicmaxa chaqa'ma' imeuec queso ralolaxa.

Mateo 9:20

Co'na'le, ca 'uo' aso 'aalo doce ñaxari ralolaxai, ỹaatqajam 'xoic da le'xoric, naquetac na leuoripi. Ca nqo'neu'a so Jesús, queetou'gue na lelaq, ca' ipootau'a na lahi so napoxoqui,

Mateo 9:29

Ca' so Jesús ipootau'alo saua nqote' saua'maxare. Ca 'naaco': —Ỹaatqajam ipaquichigui dá'maq 'neeta da rpi'ỹaxaguii.

Marcos 1:29

Ca co'na' inoxondec caso lapoxoqui na judioipi, ca' so Jesús nauequetecto saua Jacobo chaqai so Juan, querepegue' yi la'a' so Simón chaqai so Andrés.

Marcos 1:41

Ca' so Jesús ỹaatqajam 'uo' da le'xorenataxanaxa queso'maxare. Ca' ipootau'a, ca 'naaco' queso'maxare: —Ajá'a, sa'maxarenta. Ca' nagui, ca remi'rec.

Lucas 8:54

Ca' so Jesús ỹacona da lqai'laxat, ca 'naapega aso'maxare, qam netenegue da la'qaatec: —Qami' nequetegaxai, shiñirapegaxaua' ne'laxachirishiguim.