Mateo 8:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' so Jesús 'naaco' na'le queso nouaataxanaq lashi: —Quiro queca ra'aachi', ca' ipaquichigui ma'le dá'maq 'neeta da rpi'ỹaxaqui'. Ca so ne'necoqui' chaqa'ma' imeueco' na'le.

Mateo 8:13 Iomraidhean Croise

Eclesiastés 9:7

Cha'regue, quirelec da rqui'ỹaxaqui' quena pan, chaqai ni'chi' quena lataxa, ma' ñi qota'olec nqo'ta da ro'ueenataxanaxaqui'.

Mateo 15:28

Co'na'le, ca 'naaco' so Jesús: —¡Qami' 'aalo, ỹaatqajam chalego lecaic da rpi'ỹaxaqui'! Ca' nagui, ca ỹaatqajam ipaquichigui cá'maq vi'saque. Ca co'na' qohinac dajo, ca chaqa'ma' imeuec aso llaale.

Mateo 17:20

Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Mateo 8:4

Ca' so Jesús 'naaco' queso'maxare: —'Neeto' lotqai 'ue ca 'qaataxañita quedajo. Ta'ta'a quiyim quirepegue', nachaxañireu'a ñi letaxaỹaxanqajnec na qomyipi quena' qaretaxaỹa'pegue' ñi qota'a, chaqai 'ỹaañiro ma'le aca rachitaxanataxanqachi'i' cá'maq relaataxanlec na'le so Moisés, qaiyi ná'ogue ỹa'den quiyim rimi'rec queso ralolaxa'e'.

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Marcos 7:29

Ca' so Jesús 'naaco' na'le caso'maxare: —Ỹaatqajam ỹa'maqachiguiñi dá'maq 'ñirac. Ca' nagui, ca pilli', ma' mashic inoxonec só'maq ne'ec lecmaxaic cayi qachaalli'i'.

Marcos 9:23

Ca' so Jesús 'naaco': —No'm shichi' vi'relec, qaica ca qaỹaqalanac quecá'maq huelec.

Juan 4:50

Ca' so Jesús 'naaco': —Mo'e', pilli' queca ra'aachi'; ca qachaalqui' ñaq nca'leetauec. Ca' so ỹale huelco' dá'maq 'naac so Jesús, ca pil.