Mateo 8:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' ỹim shinac caqamiri quiyim 'xoic ma'le ca novi' chicqa'gue da lqodoigue chaqai da lauashiguim, ca' nqa'xanñi que'e nouanta'to lqui'ỹaxaua' yaua Abraham, Isaac chaqai ñi Jacob, ma' qainoxona'a ca lo'ueenataxanaxac ñi qota'a queda piguim.

Mateo 8:11 Iomraidhean Croise

Génesis 12:3

Ca' ỹim se'xoren cá'maq re'xoriñi', chaqai se se'xoren cá'maq se re'xoriñi'; chaqai chicqochigui qami' ma'le quiyim yqouaguegue ná'ogue na qomyipi quena 'laua.

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 28:14

Ca ca'maxare ỹovireta'a ma'le quiyim ỹaatqajam 'xoic, 'nejem na lamoxoỹaxa na 'laua, ca' neuagaxajlec ma'le da rapiguim chaqai da 'guiñi chaqai da lqodoigue chaqai da lauashiguim, chaqai ná'ogue na qomyipi quena 'laua chicqochigui da nqouagaxa qami' ma'le chaqai na qachaalaxai'pi.

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Salmos 22:27

Qamiri ni'ic, chaqai ná'ogue na ỹoreta'oguit qomyipi quenaua'que naua lahil na 'laua: o'lliinchii'a ñi qara'gaxala', ca' naguipegue'; ¡'yiỹoto naua re'cootallii ñi'maxare!

Salmos 98:3

ỹaatqajam se coua'e da le'xorenataxanaxa chaqai da laqamaxa quena llaalqaipi so Israel. ¡Qaiuana quenaua'que naua lahil na 'laua quiyim rauegaxan ñi qota'olec coqomi'!

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Isaías 49:12

¡'Ajñii! Chalego leseguegue ná'maq chicqa'gue: 'ue na chicqa'gue da rapiguim, chaqai na liỹa queda lauashiguim, chaqai na liỹa chicqa'a yi 'laua Asuán pa'a'gue da 'guiñi.

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 52:10

Ñi qara'gaxala' ỹachaxan da co'teeta lquesaxanaxa, ca' qaiuanchigui quená'ogue na ỹoreta'oguit qomyipi. Ca' quená'ogue na 'laua qaỹa'den ma'le quiyim ñi qota'olec nca'laxaterec qomi'.

Isaías 59:19

Ná'ogue na qomyipi neetalec najo 'laua, queda lqodoigue chaqai da lauashiguim, lediỹalec ma'le ñi qara'gaxala' ma' iuana da lecaic quiyim nashi, ma' ñi'maxare ma' nac, ca 'ec aca lachiugue nqo'ñishiguim na huaxaỹaq, qaidaxan queca nonot lodegaxat.

Malaquías 1:11

Quená'ogue na qomyipi quena 'laua imaqachintac aỹim; chaqai quenaua'que naua lahil na 'laua qaicopata'a na nichiinaxanaxat quiyim qayimaqachin chaqai qaỹa'ue na nachitaxanataxanaxat, qam chalego la'maxa.

Mateo 21:41

Ca' qohinaco': —Ỹaatqajam se i'xoren quiyim nalauajñi so hualoxonyipi. Ca ỹa'ualaxanaxan so liỹa 'ueenataxanaxairipi queso na'laua só'maq ỹaanem ma'le só'maq taalec so'maxare ma' ỹovita ca laloqo' qanaqat ana la so nanec.

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Mateo 3:2

Ca' da la'qaatec 'neetasa': —Netogochiguilo nqai'ñii' naua qavilyii, ma' mashic tot qoỹoqaque da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 8:10

Ca co'na' so Jesús 'xaỹa dajo, ca 'uo' da le'laxa. Ca 'naaco' quecá'maq liỹaripi: —Ỹaatqajam llic da shinac caqamiri, quená'ogue na Israel qaica ca seuana qom 'xoic ca lpi'ỹaxac 'nejem dajo ỹale.

Lucas 12:37

Chalego la'maxa quecauajo nelaatqa quiyim ma' novi' ca na'coote' iuanejlgoto quiyim ñaq neloosauec ma' novi'. Ỹaatqajam llic da shinac quecajo a'co' na'maxajñi, ca nqa'xanaxañiñi caua'maxare, iloxoỹaxandelec ca nqui'ỹaxala', ime, ca' niỹoqshiguim ca na'ic.

Lucas 16:22

Ca 'uo' so na'xa'a, ca' sojo 'xoraic ileu. Ca' anac na lelaatqaipi piguim laseripi ñi qota'a, ca' ỹaueguegue da piguim cá'maq neeta'ñi so Abraham. Ca' so nesallaxanec qai'neeta ileu. Ca' qaishinñi.

Hechos 10:45

Ca só'maq mashic ỹacoñiguit da na'qaatec judioipi nauegaxauaripi so Pedro ỹaatqajam chalego le'laxa quiyim so Espíritu Santo qai'neeta qoỹaanem na mesqai judío.

Hechos 11:18

Ca co'na' so nqaỹaripi quiyi Jerusalén 'xaỹa dajo, ca' sá'ogue i'maxañi, ca imaqachintac ñi qota'olec. Ca 'neraco': —¡Ca chaqaido' quiyim ñi qota'olec ỹa'ue ca ledaaqa' quiyim na mesqai judío netacocha, ca'ahi naua no'ueenataxaco, qaiyi 'ue ca lca'laxa sqaica lqodoc!

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Hechos 14:27

Ca co'na' ỹovijta yi Antioquía, ca' lapoondeta' ná'maq mashic ỹacoñiguit da na'qaatec. Ca' ỹa'xate' ná'ogue ná'maq ỹo'ueeto' ñi qota'olec quesaua'maxare, chaqai ỹa'xatesac da 'neeto' ñi'maxare co'na' 'ec ỹauate'oga da lpi'ỹaxac na mesqai judío, qaiyi qoyiuelec ñi qara'gaxala'.

1 Corintios 15:20

Qam dá'maq ỹaatqajam llic quiyim so Cristo na' ileu, qam liỹa nca'leuec nqohin quiñi qota'a. Ca' chaqaiso só'maq la'auaxanec quiyim qanca'laxatec quena leuaxaiquipi quená'maq tai'a quiyim qanca'laxatec qai'neeta.

1 Corintios 6:9

¿Sqa 'yiiñio' qamiri dajo, ma' queca ỹo'ueetetac ca se ỹa'maxañi queca liỹa, ca se ishit inoxonou'a ca ñaq naataho lo'ueenataxanaxac ñi qota'a? 'Neeto' lotqai quiita'uegue ca nayinaxaguii, ma' se ishit inoxonou'a ma'le da lo'ueenataxanaxac ñi qota'a ná'maq ñaqai queetalec da nedequenaxac, chaqai na ñaq nqouagaxaintacot ca nashiilec, chaqai na lapaatapi'ñi' aca se loua, chaqai ca hueeta'piguit ca nallishiua, chaqai na cuataxaiquipi, chaqai namataxalaic, ne'taaxai, la'axaqa lo'o', chaqai ỹayin ca liỹa quiyim naqat aca lam.

Efesios 3:6

Dajo se re'xogui leloxoỹaxac 'neetasa': quiyim chicqochigui nqohin da na'qaatec chicqaugui da nca'laxa quiyim ná'maq sqai judioipi qai'neeta icoñiguit dá'maq ỹachaxantac ñi qota'a, 'nejem nqohin ná'maq judioipi, chaqai qai'neeta ỹalecau'a so loshicmaxa so Cristo, chaqai qai'neeta ỹalecau'a ná'maq ỹachaxantac ñi qota'a queso Cristo Jesús.

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.

2 Tesalonicenses 1:5

Ca' quedajo, ca ichoxot ñi qota'a quiyim se ỹo'maac quiyim imit na qomyipi, ma' ỹahotaque quiyim noxoñiu'a qamiri cá'maq ñaqa naataho lo'ueenataxanaxac, dá'maq 'em 'uo' nagui da ne'guenaxaguii.

Apocalipsis 7:6

doce mil queso llaalqaipi so Aser, doce mil queso llaalqaipi so Neftalí, doce mil queso llaalqaipi so Manasés,