Mateo 7:6 - La'qaatqa ñi qota'olec Qota'olec & Qota'olec Novita Na Qomyipi

⁶ Sqai 'ỹaañim na pioqripi cá'maq nouenec se ishit qaiualaxain. Ma' no'm na'maxare ỹopilaxajalgoto, ishit ỹasectaqta'pe qamiri. Chaqai sqai naxaiu'a aca no'ueetqachii leenaxat perla aca cos, 'neeto' co'vigui.

Mateo 7:6 Iomraidhean Croise

Proverbios 23:9

Mesqai 'xaiqachichi' ca se nouoogoñi, ma' chi i'neeta'pe ma'le caua lo'yaxanqa ra'qaataxahi'.

Mateo 15:26

Ca' so Jesús 'naaco': —Se ỹa'maxañi quiyim qarouootaxana'gue ca pan loq na ñaalqaipi, ca' qoỹaanougui na pioqripi.

Mateo 24:10

Ca' quecauajo na'xata' 'xoic ca na'laxatañi ma'le da lpi'ỹaxac, chaqai quiñi 'óna noquii'a ca liỹa, chaqai ỹaañiguit ca liỹa ca se no'uen.

Mateo 7:5

Ca ma' 'ñiitapega quiyim qamiri 'maxaraqa, ca' 'au naqachii añí'maq loỹo neeta'ñigui ana nqochii, qaiyi ỹaatqajam neuañichiguiñi quiyim naqachii ca lichooqui' hueeta'ñigui aca nqote ca rqaỹahi.

2 Corintios 11:26

Chaqai 'xoic na ỹouoxoc, ca' seuana na lichic ana lachiugue, chaqai lichic na cuataxairipi, chaqai na lichic na chi iuo' laseripi, chaqai na se iuo' laseripi. Chaqai seuana da lichic na na'aateripi, chaqai quena no'ueenaxa, chaqai ana huaaxai. Chaqai seuana na lichic ná'maq 'naac qarqaỹaripi, qam 'maatqaiquipi.

Filipenses 3:2

Rovichii'o' ná'maq 'neetari' ca pioq, ná'maq ỹo'ueetetac na se no'uen, chaqai ỹo'uet na nichaxauec quena noshicmaxa.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

Hebreos 6:6

ca najo qomyipi, no'm liỹa pilac inoxonec, ca' tot ishit liỹa netogochigui lauel nqohin, ma' chaqaina ná'maq liỹa patentapego so llaalec ñi qota'a chaqai nachaxanta quiyim i'neetac.

2 Pedro 2:22

Qam ỹovita quiyim ipaquichigui só'maq na'qaatec quesaua'maxare: “Ca pioq pilac ỹa'ic ca lesalaxat, chaqai aca cos chita'gue qaiquiỹootac, lotqai pilac liỹa novinñigui ca nishaaxa.”

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.