Mateo 7:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ma' queda lapaxaguinataxanaxac ỹaatqajam 'chichiguiñi, 'ue da lquesaxanaxa, mesqai 'nejem ná'maq rapaxaguinataxanta'pegue na naqataxaquipi chicqo'ot so Moisés.

Mateo 7:29 Iomraidhean Croise

Isaías 50:4

Ñi qara'gaxala' yapaxaguinegue quiyim llo'daxachigui lauel na soochaxaiquipi queda ỹa'ñaaqataxanaxac quenaua ỹa'qaatqa. Ỹo'uet quiyim ỹaatqajam ña'xaỹaxanchiguiñi quenaua'que naua nete'etari, qaiyi ỹaatqajam ña'ijne'teguelo naua la'qaatqa.

Miqueas 3:8

Qam quená'maq ỹim quiñi ne'Espíritu ñi qara'gaxala' no'xataxachigui aỹim queda lquesaxanaxa, queda ỹa'maqachiguiñi chaqai da la'ñaxac iuel, ca' soviraqta'a yi Israel quiyim se na'xaỹaxan chaqai queda lasauaxaset.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Mateo 5:20

Ma' ỹim shinac caqamiri no'm se napaguiỹalec ná'maq rapaxaguinataxanta'pegue na naqataxaquipi chaqai ná'maq neetau'a na fariseoipi quiyim 'viichii cá'maq ỹahotaque ñi qota'olec, ca' sqaica ma' shichii quet quiyim noxoñiu'a da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 5:28

Qam ỹim shinac caqamiri, quiyim cá'maq nishi'ta aca 'aalo quiyim ra'ỹa'a, ca chaqa'ma' 'ec shi'gue lapa'ñi' aca'maxare cañi le'taxanata.

Mateo 5:32

Qam ỹim shinac caqamiri, no'm 'ue ca ỹale nalachiguit aca loua, no'm sqai sauaxat quiyim nedequentac, ca' ca'maxare ỹasauaxat quiyim nedequen. Ca cá'maq o'ñiguit aca 'aalo nalate, ca' ca'maxare qai'neeta qaỹamata'gue nedequenaxaic.

Mateo 5:44

Qam ỹim shinac caqamiri, 'xoriñii ca npa'guenaxauahi, chaqai no'uen cá'maq naxailec cá'maq ishiuenta'pe qamiri, 'maxachii'tegue cá'maq qamiri loquiiqate', nqouagaxaiñitalec cá'maq ishiuenta'pe chaqai se ỹa'maxata'que qamiri.

Mateo 7:28

Ca co'na' so Jesús ỹomat da letaxaỹaxac, ca' so qomyipi chalego da le'laxa queda lapaxaguinataxanaxac.

Mateo 8:1

Ca co'na' renotec so Jesús chicqotashi'megue ada quemaralec ladocai, ca qaicoỹare'tegue queso 'xoic qomyipi.

Lucas 20:8

Ca' so Jesús 'naaco': —Aỹim qai'neeta se sichoxot cá'maq yilarelec quiyim so'uet dajo.

Lucas 21:15

ma' ỹim saanema ma'le qamiri caua ra'qaataxahi chaqai ca ra'deenaxanaxahi, qaiyi qaica ca ishit retaxaỹa'guita qamiri.

Hechos 6:10

Qam qaica ca lligo, ma' so'maxare quena' retaqa, da la'deenaxanaxa ỹachigoqto'ot so Espíritu Santo.