Mateo 7:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca co'na' so Jesús ỹomat da letaxaỹaxac, ca' so qomyipi chalego da le'laxa queda lapaxaguinataxanaxac.

Mateo 7:28 Iomraidhean Croise

Salmos 45:2

¡Qami' ná'maq paguec lo'yaxanec quena ỹalliripi! ¡Da qouagaxa hueetauguilo naua ra'qaataxahi'! Vichiguiño' ñi qota'olec qaica lqodoc quiyim no'ueenaxat qami'.

Mateo 11:1

Ca co'na' ỹomat da ỹa'xatetac laqataxac so Jesús quesaua doce lapaxaguinatqa, ca' eec ca'e yi'maxare, ma' ỹahotaque rapaxaguinataxan chaqai ỹa'xate' yaua na'qaatqa quiyi na'aateripi hueetaugui yijo 'laua.

Mateo 19:1

Ca co'na' ime ỹa'xatetac dajo so Jesús, ca' ca'e yi Galilea, ca ỹovita yi 'laua huaugui yi Judea, yí'maq pa'ỹa'gue da lqodoigue caso lachiugue Jordán.

Mateo 22:33

Ca co'na' qara'xaỹa dajo, ca' so qomyipi 'xoic da le'laxa quedaua lapaxaguinataxanaxaco so'maxare.

Mateo 26:1

Ca co'na' so Jesús mashic ỹa'xat dá'ogue dajo, ca 'naaco' queso lapaxaguinatqaipi:

Mateo 7:27

Ca novi'o' na ỹaxat, chaqai ne'paxanshiguim ana lachiugue, chaqai novi' na nonot lodegaxat, ca so 'imec 'guiñi, ca sá'ogue na'laañi.

Mateo 7:29

Ma' queda lapaxaguinataxanaxac ỹaatqajam 'chichiguiñi, 'ue da lquesaxanaxa, mesqai 'nejem ná'maq rapaxaguinataxanta'pegue na naqataxaquipi chicqo'ot so Moisés.

Marcos 1:22

Ca' so qomyipi ỹaatqajam 'ue da le'laxa quenaua la'qaatqa so'maxare, ma' 'ec 'ue da lquesaxanaxa, sqai 'nejem ná'maq rapaxaguinataxanta'pegue na naqataxaquipi.

Marcos 11:18

Ca' ỹaatqajam 'qaachirigui dajo so lashillipi na netaxaỹaxanqajanqaipi quena' qaretaxaỹa'pegue' ñi qota'a chaqai na rapaxaguinataxanta'pegue na naqataxaquipi. Ca' idaandaque ca la'maqa' quiyim qaỹalauat so Jesús ma' qano'cha'a, ma' mashic ná'ogue na qomyipi 'ue da le'laxa queda lapaxaguinataxanaxac.

Marcos 6:2

Ca co'na' ỹovire'oga so co'mataxaqui na'xa'a, ca rapaxaguinataxan caso lapoxoqui na judioipi. Ca' ỹaatqajam 'xoic so qomyipi quesó'maq na'xaỹaxantac 'xoic da le'laxa. Ca 'naaco' quen: —¿Negue' cá'maq ỹachigoxota'gue dá'ogue dá'maq la'deenaxanaxa da ỹale? ¿Nega'ỹo' dá'maq na'deenaxanaxa qoỹaanem, chaqai ná'maq ỹo'ueetetac se qaiuanapega?

Lucas 19:48

Qam se qaỹanata cá'maq qohine'tegue, ma' sá'ogue só'maq qomyipi ỹaatqajam i'maqatam, na'xaỹaxantapega.

Lucas 2:47

Ca ná'ogue ná'maq na'xaỹaxantapega so'maxare ỹaatqajam 'uo' da le'laxa queda la'deenataxanaxac, chaqai quiyim ỹaatqajam ỹa'den quiyim ichoxot ná'maq qarenataxanta'pegue.

Lucas 4:22

Ca sá'ogue imaqachintac so Jesús chaqai qai'laqatapegalo naua la'qaatqa ỹaatqajam lo'yaxanqa. Ca nenatetecta' so qomyipi, 'naac: —Dajo, ¿mesqaido' da llaalec ca José?

Lucas 4:32

Ca' ỹaatqajam 'uo' da ne'laxa queda 'neeta da lapaxaguinataxanaxac so'maxare, chaqai quena' retaqa, lotqai ỹaatqajam 'ue da lquesaxanqa' naua la'qaatqa.

Lucas 7:1

Ca' so Jesús co'na' ỹomat ỹa'xatem dajo so qomyipi, ca' eec, quepegue' yi Capernaum.

Juan 7:15

Ca' na judioipi ỹaatqajam 'uo' na le'laxa, ca 'naaco' quen: —¿Negue' cá'maq 'neeto' dá'maq dajo, ma' ỹaatqajam 'ue ná'maq ỹa'den, qam se ỹauanapega napaxaguin?

Juan 7:46

Ca' saua nouaataxanaq lase' 'neraco': —¡Quena' retaqa so ỹale, qaica qom 'nejme' naua la'qaatqa!