Mateo 7:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' ma' ỹovita cajo na'xa'a, ca 'xoic ca 'naac ma'le caỹim: “Qami' qara'gaxala', qomi' so'ueenataxanqatapega quen da qadeenaxachi' quena' sa'qaataxanqatac, chaqai quena' so'daqauec na ne'ec lecmaxaic, chaqai queda qadeenaxachi' 'xoic na so'ueetaq ỹo'uet da ne'laxa.”

Mateo 7:22 Iomraidhean Croise

Isaías 2:11

Na nemaqajnaxairipi se nedaanshiguim ma'le; na napacqajnaxairipi nemanachit ma'le. Qaisoota so qara'gaxala' qota'olec ỹachaxan ma'le da lecaic quecajo na'xa'a,

Isaías 2:17

Na nemaqajnaxairipi chaqai na napacqajnaxairipi ỹaatqajam nemanachit nqohin ma'le. Qaiñiita ñi qara'gaxala' ỹachaxan da lecaic quecajo na'xa'a

Números 24:4

ca quena' 'ue ca iuana, ca' ỹaatqajam re'qootec da leuanaxanaxac, ca' 'vii naua qaỹauanaxanaxanque, chaqai 'vii naua qaỹa'deenaxanaxanque chicqo'ot ñi qota'olec ñí'maq qaica ca lqalanec.

Mateo 10:15

Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Mateo 24:36

Qam quecajo na'xa'a chaqai ca laloqo' qaica ỹa'den, vire'ta na nelaatqaipi piguim laseripi, chaqai najo qota'olec llaalec. Qaiñiita ñi qota'olec ita'a ỹa'den.

Mateo 25:11

Co'na' ime, ca novirero saua liỹa' nequetegaxahi. Ca 'neraco': “¡Qami' qara'gaxala', huachire'ogalo qomi'!”

Mateo 7:21

Mesqai ná'ogue na qomyipi quená'maq 'naac: “Qami' qara'gaxala'”, sqai ná'ogue inoxono ma'le queca ñaqai naata lo'ueenataxanaxac ñi qota'a queda piguim. Chaqaicaata cá'maq ỹo'uet dá'maq ỹahotaque ñi ita'a neeta'gue da piguim.

Lucas 10:12

Ca' shinapegalo qamiri quiyim quecajo na'xa'a ma' qaimit ná'ogue najo, ma' qaỹa'ue ca nouaxanaxaset cajo na'a', ca ỹaatqajam paguec lecaic queca nouaxanaxaset so qomyipi na'ñi na'le yi na'a' Sodoma.

Juan 11:51

Qam so Caifás se nodaachiguiñi quiyim ỹa'xat dajo, ma' so'maxare chaqaiso' so la'gaxala' na netaxaỹaxanqajanqaipi queso ñaaxa. Ca' ñi qota'a ỹa'xat nqai'en so'maxare quiyim so Jesús ileualec ná'ogue na judioipi.

1 Tesalonicenses 5:4

Qam qamiri ỹaqaỹa', totqai viitaugui na 'ec napalaxa quiyim i'laxate' qamiri cajo na'xa'a loviraxaqui so qara'gaxala', 'nejem ca cuataxai.

2 Tesalonicenses 1:10

quecajo na'xa'a ma' novi' so qara'gaxala' quiyim qaimaqachin quená'maq lalamqateripi chaqai qaimaqachin quená'ogue ná'maq mashic icoñiguit da na'qaatec. Ma' mashic qamiri viilec dá'maq qomi' sa'xataq caqamiri.

2 Timoteo 1:12

Ca' chaqaida dá'maq 'em 'ue da i'xoric. Qam se ypocoqotac, ma' sa'deenta só'maq hueeto'ot da ñaquitaxac. Chaqai ỹaatqajam sa'deenta quiyim so'maxare 'ue da lquesaxanaxa quiyim netela'a aỹim quedá'maq pataxailec, ỹovireta'guit nqai'en cá'maq pa'aatec na'xa'a.

2 Timoteo 1:18

Ca' ñi qara'gaxala' ỹotauan ma'le quiyim ỹacoñiguit da le'xorenataxanaxa quecá'maq pa'aatec na'xa'a. Chaqai qami' mashic 'yiiñite' 'xoic lotaanaxanaxac coqomi' na' seuqata'gue na Efeso.

2 Timoteo 4:8

Ca' nagui nauaantaiguit ca ñishiue' quedá'maq lalamaxa da ñachaalataxac, qam dajo nañaañim so qara'gaxala' Jesús quecajo na'xa'a, só'maq se ỹo'maac quiyim imit ca qom. Qam mesqaỹimeta nañaañim, ma' qai'neeta ỹaanem ná'ogue ná'maq 'xoic lqo'iichi queca loviraxac.