Mateo 7:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Rovichii'a na 'maatqaiquipi ná'maq 'naac quiyim letaxaỹaxanqajnec ñi qota'a. Najo naata'alo qamiri ỹantañi na qagreta loshicmaxa, qam da pa'aataho no'ueenataxac 'ec na isecỹac toxonaxai.

Mateo 7:15 Iomraidhean Croise

Jeremías 29:21

Ñi qara'gaxala' sqaica lqalanec, ñí'maq qota'olec queso Israel, 'naac quiñi Acab ñí'maq llaalec ñi Colaías, chaqai quiñi Sedequías ñí'maq llaalec ñi Maasías, yaua'maxare ỹa'xatesac na sqai llic ỹiqueseguelec ñi qara'gaxala', 'neetasa' da la'qaatec: Ỹim so'uet ma'le quiyim loxonqa ñi nashi Nabucodonosor quiyi Babilonia, ca' qamiri huañichigui ma' ñi'maxare ỹalauate'.

Jeremías 29:32

vichiguiño' ỹim na'gaxala' shinac: Souaxan ma'le ñi Semaías chaqai na llaalqaipi. Ca' qaica ma'le ca llaalec ỹalequetaugui na ỹalamaxareteripi, chaqai se ỹalega'a da na'maxa saanem ma'le na ỹalamaxareteripi, ma' quenaua la'qaatqa ỹo'uet quiyim npa'guiñi'e' aỹim. Ỹim na'gaxala' se'taxajñi da ỹa'qaatec. (30.1—31.1 Ñi qara'gaxala' ỹa'xateta'guit da lca'laqataxanaxa ma'le chaqai dá'maq noyac ma'le quiyi qomyipi.)

Miqueas 3:11

Ná'maq nimiitaxanaq quena nasauaxaset quena na'a' lodegaxat ỹahote'e añi nishiuete, na netaxaỹaxanqajanqaipi rapaxaguinataxan, qam ỹahote'e añi nishiuete, chaqai na netaxaỹaxaquiripi imen dá'maq letaxaỹaxac quiyim 'naac: “Ñi qara'gaxala' qoshiilgoto qomi', ca' qaica cá'maq se no'uen quet noviroxoua'.”

Mateo 10:17

Ỹaatqajam richilliỹaño', ma' na qomyipi ỹaanero qamiri ma'le quena nashillipi, ca' qaỹouaxanta'pe qamiri ma'le cana lapoxoqui na judioipi.

Mateo 16:11

¿Negue' cá'maq 'neeto' ma' se retañii quiyim se sa'xatetac ca pan na' setaqa, na' shinac quiyim rovichii'a ana pe'taxachigui na pan hueetaugui na fariseoipi chaqai na saduceoipi?

Mateo 16:6

Ca' so Jesús 'naaco' quesaua'maxare: —Ñaqai 'ajñii, rovichii'o' aná'maq pe'taxachigui na pan hueetaugui na fariseoipi chaqai na saduceoipi.

Mateo 24:11

Ca 'xoic ca re'oq ma'le 'maatqaic 'naac quiyim letaxaỹaxanqajnec ñi qota'a. Ca 'xoic ma'le ca ỹayin quena qomyipi.

Mateo 7:14

Qam ñi lasom chaqai so nayic taira'a yi nca'laxa, sqa loguilo, ca' mesqai 'xoic cá'maq ỹanata.

Lucas 12:15

Qai'neeta 'naaco': —'Ajnaxañii chaqai rovichiỹa'a ná'ogue na nqo'itaxanqachic, ma' da nachaalataxac ca qom se ishit quiyim chicqaugui ná'maq 'xoic lesallaxa hueeto'ot.

Lucas 6:26

Chaqai 'xoraiquipiolec qamiri, ma' no'uen cá'ogue ca na'qaataxaguii, ma' chaqaida dá'maq 'neeta só'maq 'auaxaic leta'allipi na qomyipi, só'maq chaqai 'naac letaxaỹaxanqajnec ñi qota'a.

Juan 10:12

Qam cá'maq chi ro'ueenataxanteguelec aca nishiuete, ca'maxare quiyim idaana'guit cá'maq toxonaxai, ca 'eet, no'ueenaqchichiguiñi ca qagretaipi, ma' ca'maxare mesqai ỹaatqajam qagreta lo'o, ma' mesqai lalamaxarete ana'maxare. Ca cá'maq toxonaxai retoxoñigui ana qagretaipi, ca neuagaxatac nqai'en.

Hechos 13:40

Vichiguiño' qamiri rovichiỹari', qaiyi sqa taalec qamiri dá'maq qoỹeretañi na'qaatec queso 'auaxaic letaxaỹaxaquiripi ñi qota'a, co'na' 'nerac:

Hechos 13:6

Ca co'na' nomachishiguim queesagui yi Chipre, ca chi ỹoviresa'a yi na'a' Pafos. Ca hua'ño'yi, ca natendalec so judío le'ec, leenaxat Barjesús. Ca so'maxare pi'xonaq 'maatqaic, 'naaco' quen quiyim letaxaỹaxaqui ñi qota'a.

Gálatas 2:4

'Nesa ma' llic ma' 'vii naua sqai ỹaatqajam 'chichiriñi qarqaỹa' nalecqajansauguilo qomi', nañoxotesañi, ca ỹahosaque quiyim qaỹa'ue ca netanec na loshicmaxa. Na'maxare nalecqajno, qam chi na'ajnaxanaripi quiyim ỹa'ajan dá'maq shinqatari' quiyim qaica canchaqaica ma' ña'daqatau'a so Cristo Jesús, ca' ỹahotaque quiyim liỹa ñcoñiraxaguit na nelaataxanaxaquipi.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

Efesios 5:6

Qaica ca ỹayine' qamiri quenaua na'qaatqa qaica ca 'netegue, ma' chaqainaua nauá'maq se no'viiñi nauá'maq chicqochigui dá'maq chalego lichic lonogoxonaxac ñi qota'a quiyim ỹa'ue ca nouaxanaxaset ná'maq se na'xaỹaxana ñi'maxare.

Filipenses 3:2

Rovichii'o' ná'maq 'neetari' ca pioq, ná'maq ỹo'ueetetac na se no'uen, chaqai ỹo'uet na nichaxauec quena noshicmaxa.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

2 Timoteo 3:13

Qam na hualoxonyipi chaqai na 'maatqaiquipi taata'nquira, noquiiqueta'guit ná'ogue na se ỹa'maxañi. Na'maxare rayinaxantac, qam na'maxare qai'neeta qaỹayintac.

2 Timoteo 4:3

Ma' 'uo' ma'le ca na'xa'a quiyim na qomyipi tot ishit na'ñaxachiguit cá'maq no'uen napaxaguinataxanaxac. Ta'ta'a quiyim quelec da chi lqo'itaxanqachic, ca' ỹahotaque quiyim 'xoic ca napaxaguinatqo' quiyim qaỹapaxaguinegue qaicaata cá'maq nqo'ta 'xaỹa.

2 Pedro 3:17

Vichiguiño' qamiri ỹaqaỹa', nagui mashic shi'gue ỹaatqajam 'yiiñita dajo, ca 'maxaraic quiyim richilliỹalta', qaiyi sqai quiita'pegue' da layinaxanaxac na qomyipi hualoxonyipi, qaiyi sqai 'xañiñi dá'maq mashic viilec.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.

Judas 1:4

Ma' mashic 'uo' na qomyipi queetou'gue da lachoxonataxanaxac caqamiri. Quená'maq shi'co' qaỹa'xateta'guit quenaua naneresañi la'qaatqa ñi qota'a quiyim tai'a dá'maq ỹaatqajam 'chichiguiñi nouaxanaxaset. Najo qomyipi ỹaatqajam hualoxonyipi, ma' icoñiguit da lqouagaxa ñi qota'olec, ca' iualaxain, queugui nqai'en da se no'uen lamaanaxanqachic na loshicmaxa, chaqai sqai huelec ñi qota'a ñí'maq qaiñiita qomi' lalamaxarete', chaqai so qara'gaxala' Jesucristo.

Apocalipsis 16:13

Ca na'le, ca seuane'ta quena lap so isecỹac 'ec naanoc, chaqai quena lap so isecỹac lodegaxat, chaqai quena lap só'maq 'neetapega letaxaỹaxanqajnec ñi qota'a chicqauguilo saua tres nase' lecmaxaqa 'nejme' ana piyiloxoloxo.

Apocalipsis 17:6

Ca na'le, ca' yitan dá'maq 'neetari' aso 'aalo: quiñiuguetaxai, quiñiuguetqachit ná'maq leuoripi na lalamaxareteripi ñi qota'a chaqai ná'maq qaỹalauat, sauaxat quiyim ỹa'xatetac so Jesús. Ca na' seuanchigui dajo, ca' ỹaatqajam 'ue da i'laxa.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.