Mateo 7:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qam ñi lasom chaqai so nayic taira'a yi nca'laxa, sqa loguilo, ca' mesqai 'xoic cá'maq ỹanata.

Mateo 7:14 Iomraidhean Croise

Salmos 16:11

Ca' chaxañitem aỹim ca nayic da nca'laxa. Ỹaatqajam chalego da na'maxa quiyim sqoỹoqaque qami'; qaica ca lqodoc da toonaxac quiyim qarauaqate'e' qami'.

Isaías 35:8

Chaqai yí hua'ñi ma'le ca ñicta, ca' qoỹanegue nayic 'xoic lichic. Ná'maq saqa' nco'chiñi da nachaalataxac, ca se ishit quegue ma'le; chaqai ná'maq qaica ca ỹa'den, se ishit quegue ma'le ca'maxare.

Mateo 20:16

Ca' chaqaida 'neeta ma'le, quená'maq co'uaataxanta nagui, ca' 'aueta ma'le, chaqai ná'maq 'auaxaic nagui, ca' co'uaataxanta ma'le. Ma' 'xoic ná'maq noỹaxanaxat, qam sqo vito'olqai' cauá'maq nca'acse'.

Mateo 22:14

Ma' 'xoic ná'maq noỹaxanaxat, qam sqo vito'olqai' nauá'maq nca'acse'.

Mateo 7:13

Noxoñiỹougui ñi lasom cocho'qui'. Ma' 'xoic lecagui ñi lasom chaqai so nayic tai'a ca nelauqa'. 'Xoic leca'gue chaqai sqaica ca lqalaic, ca' ỹaatqajam 'xoic ná'maq queeta'gue so'maxare.

Mateo 7:15

Rovichii'a na 'maatqaiquipi ná'maq 'naac quiyim letaxaỹaxanqajnec ñi qota'a. Najo naata'alo qamiri ỹantañi na qagreta loshicmaxa, qam da pa'aataho no'ueenataxac 'ec na isecỹac toxonaxai.

Marcos 8:34

Ca' so Jesús roỹaxanouguilo saua lapaxaguinatqa chaqai so qomyipi, ca 'naaco': —No'm 'ue ca ỹahotaque quegue aỹim, ca coua'e dá'maq chi no'ueenataxac. Ca' quelec aỹim, 'eno'm ỹovira'a quiyim na'laxatañi da nachaalataxac.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

Juan 16:2

Qamiri qaro'yiỹauec ma'le cañi lapoxoqui na judioipi, chi ỹovireta'a quiyim canchaqaica 'ue ca ỹalauat caqamiri, ca 'neetapigui lauel quiyim 'maxaraic da ỹo'uet quiñi qota'olec.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Romanos 9:32

¿Chi'negue? Sai'c, ma' se nquipita'pegue' quiyim qaicoñi'chiguit quiñi qota'a ỹachigoxochichigui da lpi'ỹaxac, ta'ta'a quiyim ỹachigoxochichigui ná'maq chi lo'ueenataxanaxaquipi. Vichiguiño' na'maxare repoxolaxanlec so Cristo, ma' 'nejem ca qa' nepoxolaxanaxala',