Mateo 6:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam noma' nqouagaxaiñi' qami', ca' noxoñirougui ca qauochi'. Ca' po'irigui ca lasom, ca' nqouagaxaiñitot ñi qota'olec roda'ichichiguit. Ca ñí'maq qota'olec, ma' iuana ná'maq qaỹo'ueetetac se re'xogui, ỹaanem qami' ma'le ca nishivichi'.

Mateo 6:6 Iomraidhean Croise

2 Reyes 4:33

Ca co'na' inoxono, ca ỹapogui so lasom, ca' nqouagaxainot ñi qara'gaxala'. Qaisootam nodajlec so noctoqui' ileu pa'aataho.

Proverbios 25:22

ca' queda, ca' ỹoqa'a nqai'ñi' na lashic quena layiloxo, ca' ñi qara'gaxala' rishivichiñi' ma'le.

Isaías 65:24

Ma' saqa' roỹaxanot aỹim quiyim yashiila, qa' shi'gue sasaachiguit ma'le; chaqai saqa' ime ca la'qaatec, qa' mashic ña'xaỹaxana.

Mateo 14:23

Ca na' ime npoyiguinta'pegue' so qomyipi, ca' so Jesús taashi'megue aso 'laua quemaralec, ma' ỹahotaque nqouagaxain qaisoota. Ca co'na' mashic pe so Jesús qaisootam.

Mateo 6:18

qaiyi na qomyipi se retan quiyim nqopaaqachichi'sac. Qaiñiita ñi qota'a ñí'maq vi'relec roda'ichichiguit maq ỹa'den, ca ñi'maxare ỹo'uet ma'le ca nishivichi'.

Mateo 6:4

Ta'ta'a quiyim sqaica ỹa'den nqai'ñi'. Ca' ñi qota'a ñí'maq vi'relec ma' iuana ná'maq se re'xogui, ca ñi'maxare rishivichiñi' ma'le.

Juan 1:48

Ca' so Natanael inato': —¿Negue' ca 'neeto' quiyim ya'yiiñi'? Ca' so Jesús 'naaco': —Ỹim shi'gue seuana qami' na' saqa' roỹaxana qami' so Felipe, na' ñiiso'ot ada higo lashi.

Juan 20:17

Ca' so Jesús 'naaco' caso'maxare: —Yayaxañirec, ma' ỹim saqa' shicpegue' yi neetashi'me ñi ita'a. Qam mo'e', 'qaataxañitalo caua ỹapaxaguinatqa ỹaqaỹa' quiyim saigue da neeta'gue ñi ita'a, ñí'maq qataa'i qai'neeta, ñí'maq qota'olec caỹim chaqai caqamiri.

Hechos 10:30

Ca' so Cornelio 'naaco': —Mashic cuatro na'xata' nagui, 'nejem nagui chaqaiyi yi ñiichi'ñi añi ra'aasa quiyim aỹim senta'ñi na ỹa'a', ñqopaaqachitetac, so'ueetetac yi qouagaxainaxac quiyi vit. Ca' queca na'le, ca seuana so ỹale ỹaatqajam qashilgue' saua loho.

Hechos 10:9

Ca' queso liỹa na'xa'a co'na' ñaqai queesa'gue so nayic co'na' mashic ipalasau'a yi Jope, ca' so Pedro taashi'ma ca pa'aashiguim queca 'imec, ca' nqouagaxain, mashic na'xa'a lavinñi.

Hechos 9:40

Ime, ca' so Pedro inoxonaqtec sá'ogue so qomyipi. Ca ỹa'yi'iñi naua le'cootal, ca nqouagaxain. Ime, ca ra'iitalec aso 'aalo shi'gue ileu. Ca 'naapego': —Tabita, ne'laxachirishiguim. Ca so'maxare chi naviqueterec naua nqote', ca co'na' ra'i'tot so Pedro, ca' nqa'xanñi.

Romanos 8:5

Ma' ná'maq ñaqai queeta'pegue' da lamaanaxanqachic na loshicmaxa, ca ỹa'deentapega dá'maq chi lo'ueenataxanaxac na loshicmaxa. Qam ná'maq queeta'pegue' da lo'ueenataxanaxac so Espíritu Santo, ca ỹa'deentapega da no'ueenataxac so'maxare.

Efesios 3:14

Ca' vichiguiño', ca' ỹim sa'yiichiriñi naua i'cootal ñqouagaxaintacot ñi leta'a so qara'gaxala' Jesucristo,