Mateo 6:5 - La'qaatqa ñi qota'olec Qota'olec & Qota'olec Novita Na Qomyipi

⁵ Chaqai ma' qamiri nqouagaxaiñii, 'neeto' lotqai 'ñiita ná'maq 'neetapigui lauel huagaxaraic, nachaxanta quena' nqouagaxain cana lapoxoqui na judioipi chaqai quenaua lasoguel na nayiquipi, qaiyi qaỹa'ajantac quena qom. Ca' ỹaatqajam llic da shinac caqamiri, ca' quedá'maq dajo quiyim 'ne'tegue, ca chaqa'ma' 'ue ca nishiue'.

Mateo 6:5 Iomraidhean Croise

Isaías 1:15

Quena' nanochishiguim naua rqai'laqachiri, ca nqouagaxaiñii, ca' ỹim se ya'ỹiỹalo qamiri; 'eno'm shi'gom nqouagaxaiñitac, ỹim se ña'xaỹaxan. Ma' naua rqai'laqachiri 'ue na ralauachiguii leuoripi.

Jeremías 29:12

Ca ma'le, ca' qamiri ỹaxañiỹot aỹim, ca nqouagaxaiñiỹot aỹim ma'le, ca' ỹim ña'xaỹaxanalo qamiri.

Daniel 6:10

Ca co'na' ỹa'den so Daniel quiyim qai'taxajñi so 'deenaxac queso nashi, ca' queuo quiyi la'a', ca' ỹauachigui añi nqote ñi lelaxasoxoqui, añí'maq pa'aata'gue yi Jerusalén, ca' ỹa'chi'iñi naua le'cootal, ca' nqouagaxainot chaqai imaqachin ñi qota'olec. Ca' chaqaida 'neeta'gue ỹovi' tres nqai'en quiyi na'xa'a.

Mateo 21:22

Chaqai cá'ogue cá'maq shiilaxañiỹaque quiyim nqouagaxaiñii, no'm viilec, ca' coñiguit.

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Mateo 23:5

Ca' quená'ogue ná'maq ỹo'uet, ỹahotaque qaỹa'ajantac quena qomyipi. Ma' ỹaatqajam nqo'ta quiyim 'ue ca hueetalec na latap chaqai quenaua lqai'laqate' quiyaua naneresañi la'qaatqa ñi qota'a, leca'gue nqohin ca nerec, chaqai quiyim ỹañiñi naua noho paguec ladocqa' naua lauollaxa' quena liỹa qom.

Mateo 23:6

Chaqai nqo'ta ná'maq paguec loyac qa'xanqa' quena' 'ue na nqui'ỹaxac, chaqai na paguec lemaqachic qa'xanqa' cana lapoxoqui na judioipi,

Mateo 6:1

Mesqai nachaxañita quena qom quiyim 'viichii cá'maq viilec, ca' ỹa'yiinchigui nqai'ñii na qom. No'm 'ñii'tegue dajo, ca' ñi qota'a ñí'maq viilec neeta'gue da piguim qaica ma' ỹo'uet quet ca nishivichii.

Mateo 6:16

Ca ma' ỹovita quiyim nqopaaqachichii, qam se re'oq nqai'ñii quiyim ỹaviguiñi na qashiigui, 'nejem dá'maq 'ne'tegue quen ná'maq chi nachaxanta qomyipi. Ma' na'maxare 'ne'tegue dajo, ma' ỹahotaque qaỹa'den quiyim nqopaaqachitetac. Ca' ỹim shinac caqamiri quiyim na'maxare shi'gue 'ue da nishiuetenaxac.

Mateo 6:2

Ca' vichiguiño' quiyim tauañii cá'maq 'ue ca louenaxanaxa, qam sqai 'deenaxanaxañiigue ná'ogue na qomyipi, 'nejem dá'maq 'ne'tegue quen ná'maq 'neetapigui lauel quiyim huagaxaraiquipi, nachaxanta quiyim hueetaugui ana lapoxoqui na judioipi chaqai quena nayiquipi. Dajo 'ne'tegue, ma' ỹahotaque quiyim qaimaqachin quena qomyipi. Qam ỹim shinac quedajo 'ne'tegue, chaqa'ma' shi'gue 'ue da nishiuetenaxac.

Mateo 9:38

Ca' vichiguiño' shiilahi ñi qota'olec ñí'maq lanaxanqa' na'maxare quiyim nela' ca naqataxanaripi, qaiyi naqat ná'maq lanecsec ala.

Marcos 11:25

Chaqai ma' ñaq nqouagaxaiñitac, ca no'm 'ue ca 'ue ca ỹasauaxat caqamiri, ca' sqo quiỹapeguem. Ta'ta'a quiyim 'xoriñii, qaiyi ñi qota'a ñí'maq viilec neeto'ot na piguim sqai caapeguem ca rasauaxashichii.

Marcos 12:38

Ca co'na' rapaxaguinataxantac, ca 'naaco' na'le so Jesús: —Rovichii'o' ná'maq rapaxaguinataxanta'pegue na naqataxaquipi, ma' na'maxare ỹaatqajam nqo'ta ỹansañi naua loho ladocaqa, chaqai qaỹa'maxate'tegue quiyim qaiquin queca nayic.

Lucas 11:43

¡Ỹaatqajam 'xoraiqolqa qamiri fariseo! Ma' qamiri rqo'itaxachii quiyim nqa'xañitañigui ná'maq ỹaatqajam 'ue da lichoxoric cañi lapoxoqui na judioipi, chaqai ỹaatqajam qaỹa'maxate'teguelo qamiri quena' 'ue ca qaiquin queca nayic.

Lucas 18:1

So Jesús ỹa'uo' ca raloqojnaxana co'na' ỹahotaque quiyim rapaxaguinataxanegue quiyim se neme ca qouagaxainaxac ỹaatqajam se qoỹaxanñi.

Lucas 18:13

Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Lucas 20:47

Chaqai qai'neeta na'maxare nouora'que naua la'aate' na pa'ỹellipi, ca na'maxare chi nqañoqotaxac, ca ỹo'uet quiyim ladocaic nqai'en ca nqouagaxainaxac. Qam na'maxare paguec lecaic ma'le ca nouaxanaxaset.

Lucas 6:24

Qam 'xoraiquipiolec qamiri ma' qamiri nesallaxanqaipi, ma' mashic 'uo' da ra'maxahi.

Juan 16:24

Vire'ta nagui saqa'leca ca shiilaxañiỹaque quiyim quiichigui nqai'ñii da ỹeenaxat; shiilaxañii, ca' coñiguit, qaiyi 'xoic ma'le ca netoonaxaguii.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

1 Tesalonicenses 5:17

Quiilco' quiyim se neme nqouagaxaiñitac.

Santiago 4:6

Qam ñi qota'a quedá'maq chi lqouagaxa, ca' qarotauan. Ma' naua naneresañi na'qaatqa 'nerac: “Ñi qota'a reloxoiguit ca nemaqajnaxai, qam nqouaguegue ỹotauan ná'maq neneequesenaxai.”