Mateo 6:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca' mesqai 'yiiñitaque cá'maq 'neeta ca liỹa na'xa'a. Ma' cajo liỹa na'xa'a ỹaatqa'chiguit cá'maq lqalaic huaugui. Ca' quiyi 'oonoqui' na'xa'a llicsa ỹaatqajam hueetougui yí'maq chi lqalaic.

Mateo 6:34 Iomraidhean Croise

Mateo 6:11

Nagui quena na'xa'a vite cá'maq qarepetaxanaxat souenqataque.

Mateo 6:25

Ca vichiguiño' nagui shinapegalo qamiri quiyim sqa chigoita 'yiiñitaque ca qanoxohi, chaqai quecá'maq ni'chiigui quiyim viñitaque, chaqai cá'maq qatooỹaguii quiyim ñiiñi. ¿Mese ỹapacauec da chaalataxac quecá'maq na'ic, chaqai na noshicmaxa quecá'maq nooỹac?

Mateo 6:27

Chaqai ¿negue' quet ca 'óna caqamiri quiyim paguec ca leuogoxo, ca' noquiicshiguim quecá'maq chi ladoqueta?

Lucas 10:41

Qam so Jesús 'naaco': —Marta, Marta, ỹaatqajam remi'relec, chaqai ỹachicoqochit qami' ná'maq 'xoic redaxashichi'.

Lucas 11:3

Nañaañiroxorom ca qonoq nala'guit na na'xa'a.

Lucas 12:11

Ca ma' ỹovita quiyim qaraviguiu'a aca lapoxoqui na judioipi, loqo'm na nashillipi chaqai na na'gaxalateripi, qam sqai hueetapigui qavillii cá'maq 'xachii chaqai cá'maq 'ñiỹac.

Lucas 12:22

Co'na' ime, ca' so Jesús 'naapegalo saua lapaxaguinatqa, 'naaco': —Nagui shinapegalo qamiri: Se ishit quiyim chigohita 'yiiñitaque ca qanoxohi chaqai ca qatooỹaguii quiyim ñiiñi.

Juan 14:27

Qaidaata da neuagaxa 'ue quiyim shique'elo qamiri. Saañiỹaxarom da iuagaxa, qam sqai shine'tegue dá'maq 'ne'tegue na qom hueetalec na 'laua quena' ỹaan da leuagaxa. Sqaica huapigui qavillii, chaqai se ro'chii.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Filipenses 4:6

Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.

1 Pedro 5:7

Chaqai ná'ogue ná'maq 'yiiñitapega 'ỹaañiỹot ñi qota'a, ma' ñi'maxare ỹaatqajam 'ue da 'neeta caqamiri.