Mateo 6:32 - La'qaatqa ñi qota'olec Qota'olec & Qota'olec Novita Na Qomyipi

³² Ma' na qomyipi hueetalec ana 'laua ná'ogue ỹa'deentapiguii nauajo. Qam qamiri 'ue ñi qota'a ñí'maq viilec neeta'gue da piguim, ñi'maxare shi'gue ỹa'den quiyim viñitaque ná'ogue najo.

Mateo 6:32 Iomraidhean Croise

1 Reyes 19:6

Ca' so Elías quenoxontaco', ca iuane'to' quiyi na'xanqa' aso naqaulata ratooxoi chaqai aso 'taxaqui no'qaachigui queso huaxaỹaq. Co'na'le, ca' ne'laxashiguim, ca' que'e chaqai ne'et queso huaxaỹaq. Ca co'na' ỹa'at, ca lotqai liỹa nenanñi, laq.

Salmos 103:13

Ñi qara'gaxala' ineequesenta ná'maq imaqachin ñi'maxare, 'ec ca neta'a quiyim ineequesen ca llaalec;

Jeremías 45:5

¿'Ue cá'maq vi'saque shiilaxañiraque cá'maq no'uen? Qam sqai shiilaxañiraque, ma' ỹim sahotaque ñila' ca ne'xoric quená'ogue na qomyipi. Qam qaidaata quiyim qami' ñaq rca'lli'sauec quecá'maq 'itegue. Ỹim na'gaxala', se'taxajñi da ỹa'qaatec. (46.1—52.34 Da la'qaatec ñi qara'gaxala' 'naac quiyim ỹa'ue ca nouaxanaxaset yi Egipto chaqai yi Babilonia. Noxonec yi Jerusalén. Qanopoxoỹaxajñi so no'ueenaxanaxaqui lodegaxat. Ca' so judioipi qainaxague da Babilonia.)

Mateo 6:8

'Neeto' lotqai 'ñiita na'maxare, ma' ñi qota'olec shi'gue ỹa'den cá'maq viñitaque, ma' saqa' shiilaxañiỹaque.

Lucas 12:30

Ma' na qomyipi hueetalec ana 'laua chaqainaua nauá'maq coỹaretecto naua'que nauataxare'. Qam qamiri 'ue ñi qata'ahi quiyim shi'gue ỹa'den quiyim qamiri viñitapigui naua'que nauajo.

Efesios 4:17

Ma' ỹim ña'deetau'a so qara'gaxala', ca' 'ue da shinac chaqai saqatalo qamiri quiyim totqai 'ñiita dá'maq 'neetari' ná'maq saqa' ỹauanapega ñi qota'a, ma' na'maxare queeta'pegue' ná'maq qaica ca 'negue chi la'deenataxanaxac,

Filipenses 4:19

Ca' ñi qota'olec ỹaanema qamiri ma'le ná'ogue ná'maq liỹa viñitaque, ỹachigoxochichigui dá'maq qaica 'nejem lauaq lesallaxa hueeto'ot nqai'en so Cristo Jesús.

1 Tesalonicenses 4:5

Se ỹa'maxañi quiyim ỹahotaque chi i'en aca 'aalo, se no'uen da lqo'iichi, 'nejem na qomyipi saqa' iuanapega ñi qota'a.