Mateo 6:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Ñaqa 'ajñii na ỹoripi ỹootegueri' quena pa'aashiguim; na'maxare sqai danaxan, chaqai sqai raqataxan, chaqai sqaica ca lo'xac la'maqataxanaxaqui queca lanecsec ala. Qam qaiyiita ñi qota'a ñí'maq viilec neeta'gue da piguim qaiyiita qui'ỹaxan. Ca ¡huose'quet caqamiri ma' paguiỹauec caca qo'oole!

Mateo 6:26 Iomraidhean Croise

Génesis 6:21

Chaqai lapooñi' ná'ogue nanchaqaina na'ic, ca 'maxachi', qaiyi 'ue ca qanoqe' chaqai na iseripi.

Job 38:41

¿Negue' ca ỹa'ue ca loq ca rateguesan, quena' idaantaque ca loq na llaalqaipi chaqai quena' ỹaualqatagui na llaalqaipi yashiilatac?

Salmos 50:11

chaqai ỹalamaxaret na ỹoipi hueetalec ana quemaralec qa' ladocai, chaqai ná'ogue na ỹaỹaaquioxontac na no'ueenaxa.

Mateo 6:32

Ma' na qomyipi hueetalec ana 'laua ná'ogue ỹa'deentapiguii nauajo. Qam qamiri 'ue ñi qota'a ñí'maq viilec neeta'gue da piguim, ñi'maxare shi'gue ỹa'den quiyim viñitaque ná'ogue najo.

Mateo 7:9

¿Loqo'm 'ue cá caqamiri ishit ỹaanem ca qa' ca llaalec quiyim rashiilaxantaque ca pan?

Lucas 12:18

Ca' ra'deenataxantac, ca 'naaco': “Ca' nagui sa'den dá'maq shine'tegue. Ỹim nagui samaxañi ñí'maq 'auaxaic ỹapoonaxanaxaqui cana la na ỹanecsec, qaiyi so'uet ca liỹa paguec lecaic nqaishin. Ca ma' ime, ca sellaugui ná'ogue ana la na ỹanecsec ma' ñaqat, qai'neeta ná'ogue ná'maq liỹa hueetaỹot.