Mateo 6:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca vichiguiño' nagui shinapegalo qamiri quiyim sqa chigoita 'yiiñitaque ca qanoxohi, chaqai quecá'maq ni'chiigui quiyim viñitaque, chaqai cá'maq qatooỹaguii quiyim ñiiñi. ¿Mese ỹapacauec da chaalataxac quecá'maq na'ic, chaqai na noshicmaxa quecá'maq nooỹac?

Mateo 6:25 Iomraidhean Croise

Jeremías 45:5

¿'Ue cá'maq vi'saque shiilaxañiraque cá'maq no'uen? Qam sqai shiilaxañiraque, ma' ỹim sahotaque ñila' ca ne'xoric quená'ogue na qomyipi. Qam qaidaata quiyim qami' ñaq rca'lli'sauec quecá'maq 'itegue. Ỹim na'gaxala', se'taxajñi da ỹa'qaatec. (46.1—52.34 Da la'qaatec ñi qara'gaxala' 'naac quiyim ỹa'ue ca nouaxanaxaset yi Egipto chaqai yi Babilonia. Noxonec yi Jerusalén. Qanopoxoỹaxajñi so no'ueenaxanaxaqui lodegaxat. Ca' so judioipi qainaxague da Babilonia.)

Mateo 10:19

Qam ma' qoỹaanero qamiri quena nashillipi, sqai 'yiiñitaque cá'maq 'ñiỹac, loqo'm quecá'maq reloqo'tegue ca ra'qaachiguii. Ma' quiyim ỹovita ca laloqo' quiyim taxahi, ca' ñi qota'olec ỹo'ueete' ma'le caua ra'qaataxahi.

Mateo 13:22

Chaqai asó'maq nanecse tajlec ca hua'ñi ca leesat, ca 'nejem ca qom quiyim 'xaỹa da na'qaatec. Qam imelec ná'ogue nanchaqaina hueetalec na 'laua, ca' da nesallaxa ỹayin, ca dá'ogue dajo ỹapolec da na'qaatec, ca' se ỹa'ue ca laỹaxac cajo qom.

Mateo 6:31

Vichiguiño' sqai hueetapigui qavillii quiyim 'ñiỹac: “¿Nega'ỹo' ca sa'guinaq nagui, loqo'm nega'ỹo' ca ñi'taxagui, loqo'm nega'ỹo' ca qotooỹac sanaxañi?”

Mateo 6:34

Ca' mesqai 'yiiñitaque cá'maq 'neeta ca liỹa na'xa'a. Ma' cajo liỹa na'xa'a ỹaatqa'chiguit cá'maq lqalaic huaugui. Ca' quiyi 'oonoqui' na'xa'a llicsa ỹaatqajam hueetougui yí'maq chi lqalaic.

Marcos 13:11

Chaqai ma' qaỹauegueu'alo qamiri na nashillipi, mesqai 'xoic riỹalaxahi quecá'maq 'xachii chaqai mesqa 'yiiñitaque. Ta'ta'a quiyim 'xachii cá'maq ỹaanema qamiri ma'le ñi qota'olec quiyim 'xachii; ma' mesqai qamiri nauá'maq taxahi ma'le, ta'ta'a so Espíritu Santo só'maq retaqa ma'le.

Marcos 4:19

Qam ỹapacqajnauec quiyim imelec ná'ogue nanchaqaina huelec na 'laua. Ca' na nesallaxa ỹayin, vire'ta quiyim nqo'ta ná'ogue nanchaqaina nouenec, ca ná'ogue najo ỹapolec da na'qaatec. Ca' se ỹa'ue ca laỹaxac nqai'en ca qom.

Lucas 12:11

Ca ma' ỹovita quiyim qaraviguiu'a aca lapoxoqui na judioipi, loqo'm na nashillipi chaqai na na'gaxalateripi, qam sqai hueetapigui qavillii cá'maq 'xachii chaqai cá'maq 'ñiỹac.

Lucas 8:14

Ca' asó'maq nanecse tajlec yi 'laua 'xoic ana le, ca' 'nejem ca qom na'xaỹaxantapega da na'qaatec. Ime, ca' queetalec, qam shi'gom, ca qaỹapolec da na'qaatec sauaxat quiyim ỹapacqajnauec na hueetalec na 'laua, chaqai da nesallaxa, chaqai dá'maq lqo'itaxanqachic quená'ogue nanchaqaina se no'uen. Ca sqaica ca laỹaxac nqai'en da na'qaatec.

Romanos 8:32

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?

1 Corintios 7:32

Ma' dá'maq sahotaque caqamiri quiyim ỹaatqajam nosohichiguiñi, qaica ca huapigui qavillii. Ma' no'm ca ỹale saqa'laca loua, ỹaatqajam quejlec so qara'gaxala', ma' ỹahotaque qaỹa'maxarenta.

Filipenses 4:6

Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.

2 Timoteo 2:4

Ma' qaica ca nouaataxanaq le'ec queetalec cá'maq chi lo'ueenataxanaxac, ma' mashic hueeta'ñot da lelaataxanaxac ca nouaataxanaq lashi.

1 Pedro 5:7

Chaqai ná'ogue ná'maq 'yiiñitapega 'ỹaañiỹot ñi qota'a, ma' ñi'maxare ỹaatqajam 'ue da 'neeta caqamiri.