Mateo 6:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ 'Neeto' lapooñitañi ca resallaxahi quenajo 'laua, ná'maq hua'ñi na pit richigaxan, chaqai ná'maq hua'ñi quiyim ichirichiguiñi canchaqaica nouenec, chaqai ná'maq hua'ñi quiyim ca cuataxai ishit inoxono, ca' rocachi.

Mateo 6:19 Iomraidhean Croise

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!

Mateo 19:21

Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Mateo 6:20

Chaqaidaato' quiyim lapooñitañi ca resallaxahi queda piguim dá'maq hua'gue quiyim ca pit se ishit richigaxan, chaqai dá'maq hua'gue quiyim mesqai ichirichiguiñi canchaqaica nouenec, chaqai dá'maq hua'gue quiyim se ishit inoxono ca cuataxai quiyim rocachi.

Lucas 12:21

Ca' chaqaida da 'neeta ca qom quiyim chi lapoonñi ca lesallaxa, qam 'xoratam quiñi qota'olec.

Lucas 12:33

Miiñii naua rouenaxahi. Ime, ca' 'ỹaañim na 'ue ca ỹouentaque. Ime, ca' 'viichii aca qachoxoguii se ishit quiyim qo'oq, chaqai da nesallaxa hueeta'gue da piguim ma' se imeho, chaqai se inoxono ca cuataxai, chaqai se rechigaxan ca pit.

Lucas 12:39

Ca' 'yiiñita dajo shinac quiyim 'ue ca lalamaxat ca 'imec quiyim ỹa'deenta ca loviraqa' ca cuataxai chaqa'ma' yi nelootauec, ca se ỹasen quiyim qai'guentau'a quiyim qarocachot.

Lucas 18:22

Ca co'na' 'qaachigui dajo so Jesús, ca 'naaco': —'Uo' da 'oonoqui' saqa'leca caqami': miiñi' ma'le ná'ogue na rovinqui'. Ime, ca' 'ỹaañirougui na 'xoraiquipi, qaiyi 'ue ca resallaxa'e' hueeta'gue da piguim. Ca' ma' ime, ca anaqui', co'uaachitegue aỹim.

Lucas 18:24

Ca' so Jesús co'na' iuana so'maxare quiyim ỹaatqajam rachicota, ca' 'naaco': —¡Ỹaatqajam 'xoic lqalaic quena nesallaxanqaipi quiyim inoxoneu'a da lo'ueenataxanaxac ñi qota'a ma' ỹoiquentac ná'ogue najo!

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”