Mateo 6:13 - La'qaatqa ñi qota'olec Qota'olec & Qota'olec Novita Na Qomyipi

¹³ Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Mateo 6:13 Iomraidhean Croise

Génesis 22:1

Ca co'na' 'vii saua ñaxari, ca' ñi qota'olec i'gueno' da lpi'ỹaxac so Abraham. Ca roỹaxano' da leenaxat, ca' so'maxare 'naaco': —Aỹim.

1 Reyes 1:36

Ca' so Benaía só'maq llaalec so Joiada 'naaco' queso nashi: —¡Ajá'a, chaqaida 'neeta, ca' chaqaida dá'maq 'naac ma'le ñi qara'gaxala' ñí'maq qota'olec caqami'!

Salmos 22:28

Ma' ñi qara'gaxala' chaqaiñi ñí'maq nashi, ñi'maxare ỹoiquentac ná'ogue na ỹoreta'oguit qomyipi.

Éxodo 15:18

¡Ñi qara'gaxala' ñí'maq sqaica lqodoc quiyim ỹoiquentac ná'ogue najo!

Jeremías 15:21

So'ootaxanlec qami' queda lquesaxanaxa na hualoxonyipi, ñca'laxachirec ma'le queda lquesaxanaxa ná'maq se ra'maqataxan. (16.1—17.13 Mashic nepalata da nouaxanaxaset yi Israel. Dá'maq chi nqouagaxainaxac so Jeremías.)

Jeremías 28:6

—¡Ajá'a, saxanchi' ñi qara'gaxala' ỹo'uet dajo! ¡Saxanchi' ñi qara'gaxala' ipacqajanchiguilo daua ra'qaataxahi' chaqai quiyim qarapilaxate' caua louenqa na no'ueenaxanaxaqui chaqai quiyim pil ná'ogue ná'maq qomyipi qane'xategue na Babilonia!

Daniel 7:18

Qam ma' ime, ca' dajo no'ueenataxanaxac qoỹaanougui na lalamaxareteripi ñi qota'olec qaica ca 'nejem, ca' qaica lqodoc quiyim ỹoiquentac na'maxare.

Mateo 26:41

Nelohitauec qamiri, chaqai nqouagaxaiñii, qaiyi se novitalo qamiri ca ne'guenaxaguii. 'Nesa ma' llic rasapchita qamiri, qam na roshicmaxahi se nasapet.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Mateo 5:37

Ta'ta'a quiyim 'ñiỹac: “ajá'a” loqo'm “'e'”. Ma' cá'maq qaỹoqoto na'qaatec quedajo, ca' chicqo'ot so na'ỹaapec.

Mateo 6:10

Naiquena nqai'ñi' ca ro'ueenataxanaxaqui' quiyim 'viiquiñi'sac ná'ogue najo, qaiyi qaỹo'uet cá'maq vi'saque quená'maq hueetalec na 'laua, 'nejem dá'maq qohine'tegue queda piguim.

Juan 17:15

Se sashiilaxanta'que quiyim naqachi' quena 'laua, ta'ta'a quiyim quepaqataxañirelgoto queso na'ỹaapec.

1 Corintios 10:13

Da ne'guenaxaguii novitalo qamiri, da'maxare ỹaatqajam 'nejem da ne'guenaxac ná'ogue na liỹaripi. Qam qamiri lama'xa pi'iỹa'a ñi qota'a ma' ñi'maxare se ỹasene'tema qamiri quiyim paguec ca ne'guenaxaguii quecá'maq tot ralohiguit. Chaqaidaata quiyim novi' ca ne'guenaxaguii, ca ñi'maxare ỹa'ue ca la'maqa' quiyim qarayichii, qaiyi ralohita'piguit.

1 Corintios 14:16

Ma' no'm qami' maqachiñi'sac ñi qota'a, qam nodaatec ñi ra'alli', ca no'm na'xaỹaxantac ca saqa'leca ca ỹa'den, ca se ỹalecau'a ca nqouagaxainaxaqui' quiyim 'ỹaañisacot da na'aachicyaxaqui' ñi qota'a, ma' se ỹa'den dá'maq 'xachisac.

2 Corintios 1:20

Ma' chaqaiso só'maq ipaquichiguilo nqai'ne' naua'que nauá'maq ỹachaxanta'pe ñi qota'a. Ca vichiguiño' quena' semaqachinaq ñi qota'a, chaqai chicqochigui so Cristo Jesús quiyim dá'ogue da qarasaataxac quiyim shinqac: “Ajá'a, chaqaida 'neeta dajo.”

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

1 Tesalonicenses 1:10

Chaqai na'maxare qai'neeta ỹa'xatetac dá'maq 'neeta quiyim huaanaxañitac quiyim rapil chicqashiguim so Jesús, só'maq llaalec ñi qota'a, só'maq mashic ileu, qam ñi qota'a liỹa nca'laxatec. Ca' chaqaiso só'maq nca'laxaterec qomi' ma'le quecá'maq chalego lecaic nouaxanaxaset na qomyipi naỹalecna.

2 Tesalonicenses 3:3

Qam so qara'gaxala', ma' se napacalec da la'qaatec, ỹaatqajam nolliichiriñi qamiri, chaqai ro'ootaxanlgoto qamiri quena se no'uen.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

Hebreos 11:36

Chaqai na liỹa ỹovirau'a da ne'naxac, chaqai da nouaxanaxac, chaqai vire'ta qaỹahote'e na lequet quena ncoñiitaxanaxaqui.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

1 Juan 3:8

Qam cá'maq ñaqai queetalec na lasauaxaset, cá ca'maxare lalamaxaret so na'ỹaapec. Ma' só'maq na'ỹaapec sauaqhuaic shi'gue na' ñaqai chita'gue qaỹo'uet na 'laua. Ca' chaqaido' dá'maq 'neeta quiyim novi' so llaalec ñi qota'a, ma' ỹahotaque ỹosogui dá'maq ỹo'ueeto' na'le so na'ỹaapec.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

Apocalipsis 19:1

Na' ime dajo, ca sa'xaỹaque so netenegue lavillaxac so 'xoic qomyipi, 'maxashiguim quena piguim, 'naac: ¡Semaqachinaq ñi qota'olec! Ma' da nca'laxa, da lauaq, chaqai da nquesaxanaxa lalamaxarete' ñi'maxare.

Apocalipsis 19:4

Ca na'le, ca' saua veinticuatro qo'xoiquipi chaqai saua cuatro ise' nca'leesauec, saua'maxare nqa'paxanchiguit na 'laua. Ca imaqachine' ñi qota'a nqa'xantalec yi nqa'xanqa' quiyim relaataxan. Ca 'neraco' quen: —¡Ajá'a, chaqaida 'neeta dajo! ¡Semaqachinaq ñi qota'olec!

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 21:4

Ñi'maxare nquiỹoorec naua'que naua lachi' ma'le yi'maxare. Ca' tot qaica ca nelauaxa, chaqai ca ỹenaxac, chaqai ca naualqategueñi, chaqai ca nqui'ic, ma' ná'ogue ná'maq shi'co' quen 'ue, qaica ime'uegue.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.

Apocalipsis 3:14

Qai'neeta lachita ana lere ñi nelaatec reloqota'a yí'maq mashic icoñiguit da na'qaatec neeta'ñi yi Laodicea. 'Ñiraco': “'Neetasa' da la'qaatec ná'maq ỹaatqajam lliqueta, ná'maq ỹaatqajam ipacqajanchigui ca la'qaatec, ñí'maq chicqochigui ná'ogue ná'maq lo'ueenatec ñi qota'a:

Apocalipsis 5:13

Chaqai qai'neeta sa'xaỹa ná'ogue ná'maq lo'ueenatec ñi qota'a quená'maq hueeto'ot na piguim chaqai quena 'laua chaqai quená'maq pa'aatañi quena 'laua chaqai cana huaaxai chaqai quená'ogue ná'maq hueetaugui na'maxare, 'neracsa': Da nemaqajnataxanaxa, chaqai da necaic, chaqai da nauaq, chaqai da nquesaxanaxa, qaica lqodoc nqohin qoỹaanema ñí'maq nqa'xantañigui añi qa'xanaxaqui chaqai ñi qagreta llaalec.