Mateo 6:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Naiquena nqai'ñi' ca ro'ueenataxanaxaqui' quiyim 'viiquiñi'sac ná'ogue najo, qaiyi qaỹo'uet cá'maq vi'saque quená'maq hueetalec na 'laua, 'nejem dá'maq qohine'tegue queda piguim.

Mateo 6:10 Iomraidhean Croise

Salmos 2:6

Mashic shi'gue sano quiyim nashi quiyi Sión añí'maq ñaqa' co'teeta.

Salmos 40:8

Ỹim yqo'ta quiyim so'uet cá'maq vi'saque, qami' qota'olec caỹim; ¡da rapaxaguinataxanaxaqui' selliitagui añi i'taxanata!

Daniel 7:13

Ca' ỹim ñaqai shiquetalec da ỹa'ajnaxanaxac queso pe. Ca na' ncopa: Ca' 'ue so seuañi'chiguit naquetaugui so naueguelec ỹaatqajam 'nejem so ỹale llaalec, ca so'maxare quepegue' yí'maq neeta'ñi só'maq qo'xoic ỹale; ca qaỹo'uet quiyim nqo'neu'a so'maxare.

Daniel 7:27

Chaqai da no'ueenataxanaxac quiyim qoỹoiquentac nanchaqaina, da nquesaxanaxa chaqai da lauaq ná'ogue na nashillipi quena 'laua, qoỹaanem ma'le na lalamaxaret lauo' ñi qota'olec qaica ca 'nejemalam. Da lo'ueenataxanaxac chaqaidaata 'neetari', sqaica lqodoc, chaqai ná'ogue na ỹoreta'oguit qomyipi quena 'laua ro'ueenataxanot, chaqai cá'maq 'naac, ca' na'xaỹaxane'ta.

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Mateo 12:50

Ma' canchaqaica quiyim ỹo'uet dá'maq ỹahotaque ñi ita'a qota'olec neeta'gue da piguim, ca chaqaica cá'maq ỹaqaỹa ỹale, ỹaqaỹa 'aalo, chaqai ỹate'e.

Mateo 16:28

Ỹaatqajam llic da shinac caqamiri, 'vii ma'le caua caqamiri lliguitaho nagui quiyim saqa' ileue', chi ỹovireta'a quiyim iuanta najo ỹale llaalec naquetaugui da lo'ueenataxanaxac quiyim nashi.

Mateo 26:42

Ca lotqai liỹa eec, ca 'neetayi da nqouagaxainaxac: —Qami' ita'a, no'm 'ue ca la'maqa' quiyim se sovira'a dajo ñi'guenaxac, qam no'uen quiyim chaqaida nqai'ñi' cá'maq vi'saque.

Mateo 3:2

Ca' da la'qaatec 'neetasa': —Netogochiguilo nqai'ñii' naua qavilyii, ma' mashic tot qoỹoqaque da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 4:17

Co'na'le, ca' taañi da la'qaataxanaxac so Jesús, 'naaco' quen: —Netogochiguilo nqai'ñii' naua qavilyii, ma' nepalata da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 7:21

Mesqai ná'ogue na qomyipi quená'maq 'naac: “Qami' qara'gaxala'”, sqai ná'ogue inoxono ma'le queca ñaqai naata lo'ueenataxanaxac ñi qota'a queda piguim. Chaqaicaata cá'maq ỹo'uet dá'maq ỹahotaque ñi ita'a neeta'gue da piguim.

Marcos 11:10

¡Ỹaatqajam no'uen da naata no'ueenataxanaxac, ma' 'nejem da lo'ueenataxanaxac na' nashi so qareta'a David! ¡Quiyim ỹaatqajam qaimaqachin ñi qota'olec!

Marcos 3:35

Ma' cá'maq ỹo'uet cá'maq ỹahotaque ñi qota'olec quiyim qaỹo'uet, ca' chaqaica cá'maq ỹaqaỹa ỹale, chaqai ỹaqaỹa 'aalo, chaqai ỹate'e.

Lucas 19:11

Ca co'na' so qomyipi ñaq na'xaỹaxantapega so Jesús queda ỹa'xatetac, ca so'maxare ỹa'uo' ca raloqojnaxana, ma' mashic tot qoỹoqaque yi Jerusalén. Ma' so qomyipi pe'taxantaque quiyim mashic ỹovita ca laloqo' quiyim ñi qota'a ỹoiquentac ná'ogue najo.

Lucas 19:38

Ca' qohinac: —¡Ỹaatqajam no'uen da llicyaxac na qarashi, ma' naquetaugui da leenaxat ñi qara'gaxala'! ¡'Uo' ma'le ca na'maxa quena piguim chaqai quedá'maq lecaic ñi qota'olec!

Lucas 22:42

Ca 'naac: —Qami' ita'a, sqo viraqchira'a ỹim dajo ñi'guenaxac 'ec aca naqana chim. Qam mesqai chaqaica cá'maq sahotaque, qaicaata cá'maq vi'saque.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Hechos 13:22

Ca co'na' ime, ca naqat quiyi loma' so Saúl, ca ỹaanem quiyim nashi so David. Ca' queso'maxare, ca' 'naaco': “Ỹanataxat ñi David, llaalec so Isaí, ñi ỹale maq sa'maxarenta, ma' ỹo'uet ma'le cá'maq sahotaque.”

Hechos 21:14

Qam na' se na'xaỹaxanalo qomi', ca saxanqac, ca shinqac: —Ipaquichigui nqohin cá'maq 'ne'tegue ñi qara'gaxala'.

Hechos 22:14

Ca' 'naapiguiỹa': “Ñi qota'olec quesaua 'auaxaqa sachigoxosqauguilo qareta'allipi qami' lca'acsec, ma' shi'gue ỹahotaque quiyim 'yiiñi' da 'neeta'pegue, chaqai quiyim nauañire'e' só'maq lelaatec qamaxaraic, chaqai 'qa'ita cá'maq 'naac.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Efesios 6:6

Quiyim 'ueenataxañii, mese repaguitaque quiyim ỹa'ajanta'pe qamiri ca na'coori, qaiyi nqo'talo qamiri. Ta'ta'a quiyim 'ec qamiri lelaatqa so Cristo machiỹauec añi re'taxanatahi quiyim 'viichitac dá'maq ỹahotaque ñi qota'a.

Colosenses 1:13

Ñi qota'a naqata'alo qomi' na'le queso napalaxa qaratoiquentac, ca inoxonaqta'alo qomi' da lo'ueenataxanaxac so lqo'itaxat llaalec,

Colosenses 1:9

Vichiguiño' qomi' quecá'maq na'xa'a na' novi' da qara'xaỹaxac, chaqa'ma' se neme ñqouagaxainqatalgoto qamiri, sashiilqatac ñi qota'a quiyim ỹa'deenaxanaxanque qamiri cá'maq ỹahotaque ñi'maxare, chaqai quiyim ỹaanema qamiri ná'ogue nanchaqaina na'deenaxanaxa quiyim 'yiiñichigui na se re'xogui chicqo'ot so Espíritu.

1 Tesalonicenses 4:3

Ma' dá'maq ỹahotaque ñi qota'a quiyim ỹaatqajam nañaañi'tot ñi'maxare, chaqai qaica ca lapaatapi'ñi' aca se loua caqamiri.

1 Tesalonicenses 5:18

Quená'ogue ná'maq taalgoto qamiri 'ỹaañitacot ca na'aachiguii ñi qota'a, ma' chaqaida dá'maq ỹahotaque ñi'maxare caqamiri, ma' mashic viilec so Cristo Jesús.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Hebreos 10:36

Qamiri viñitac quiyim 'ue ca la'ñaxac qavillii, qaiyi shichii 'viichii cá'maq ỹahotaque ñi qota'a, chaqai quiyim coñiguit cá'maq ỹachaxantac ñi'maxare.

Hebreos 10:7

Ca na'le, ca shinac: “Nagui ñanac, sahotaque so'uet cá'maq vi'saque, qami' qota'olec, ma' chaqaida dá'maq ra'qaachiqui' naneretañi caỹim.”

Hebreos 13:21

ca ñi'maxare ỹaatqajam naloqojonchiriñi qamiri, chaqai no'ueenaxat da no'ueenataxaguii quená'ogue, qaiyi 'viichii cá'maq ỹahotaque, chaqai quiyim ỹo'uet ñi'maxare coqomi' cá'ogue cá'maq ỹahotaque, chicqochigui nqai'en so Jesucristo. ¡Ca' se neme qaimaqachintac so Cristo! Ajá'a, ca' chaqaida 'neeta dajo.

1 Pedro 2:15

Ma' ñi qota'a ỹahotaque quiyim qamiri 'viichii ca ỹa'maqachiguiñi, qaiyi qaica ca lligo ca la'qaatec ná'maq qaica ca ỹa'den chaqai na hualoxonyipi.

1 Pedro 4:2

qaiyi naua'que naua na'xata' hueetapigui lauel dá'maq ỹahotaque ñi qota'a, ca' totqai queeta'pegue' da lamaanaxanqachic na loshicmaxa.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 12:10

Ca na'le, ca' sa'xaỹaque so chalego lelamaxa na'qaatec 'maqot na piguim, 'naacsa': —Mashic novi' da nca'laxa, chaqai da nquesaxanaxa quiyim ỹoiquentac ná'ogue najo ñi qota'olec, chaqai da lelaataxanaxac só'maq nela' nashi nca'laxaqui. Ma' mashic qaỹo'da'oguiyi só'maq inaqateguelec na lasauaxaset na qarqaỹaripi, só'maq naua'que naua na'xata' chaqai naua piri reloqoto'ot ñi qota'olec.

Apocalipsis 19:6

Sa'xaỹaque qai'neeta so 'ec lavillaxac so 'xoic qomyipi, 'ec na lelamaxa na 'xoic lachiuguellipi, 'ec soxonaxa da lelamaxa, 'naacsa': ¡Semaqachinaq ñi qota'olec ñí'maq qara'gaxala' qaica ca qalanac, ma' mashic ỹovita yi laloqo' quiyim ỹoiquentac ná'ogue najo!

Apocalipsis 20:4

Ca na' ime, ca seuane'talo saua nashi nqa'xanaxaqui'. Ca' quesaua'maxare nqa'xantañiguilo sauá'maq qoỹaanema quiyim ishite' imite' na nasauaxaset. Qai'neeta seuana na lqui'illipi ná'maq qaichaxaic na lqahic sauaxat ỹa'xatetac da la'qaatec ñi qota'a, dá'maq shi'co' ỹa'xat so Jesús. Saua'maxare chaqaisaua sauá'maq se imaqachine' so isecỹac lodegaxat chaqai so nadenqatec lqui'i, chaqai se ỹa'maxarene' quiyim qaỹa'ue ca netanec quena latap loqo'm quena lqai'laxat. Seuane'ta quiyim liỹa qanca'laxaterec, ca lotaua' so Cristo quiyim nashillipi quecaua mil ñaxari.