Mateo 5:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ỹaatqajam chalego la'maxa quecá'maq nquipiteta'pegue' quiyim 'ue ca neuagaxa, ma' ñi qota'olec ỹamata'gue ma'le ỹaatqajam lalamaxaret llaalec.

Mateo 5:9 Iomraidhean Croise

Mateo 5:45

Qaiyi ỹaatqajam qamiri llaalqa ñi qota'a ñí'maq viilec neeta'gue da piguim. Ma' ñi'maxare coỹarelec nqai'en añi lo'ueenata ra'aasa ná'maq hualoxonyipi chaqai ná'maq huagaxaraiquipi, chaqai nela' na ỹaxat taalec nqai'en ná'maq no'uen chaqai ná'maq se no'uen da no'ueenataxac.

Mateo 5:48

Ca' ỹaatqajam 'maxaraic nqai'ñii ca no'ueenataxaguii, qaiyi 'ñiitari' ñi qota'a ñí'maq viilec neeta'gue da piguim ỹaatqajam 'maxaraic naloochiguiñi da no'ueenataxac.

Lucas 20:36

Ma' quiyi, ca' tot qaica ileu. Ma' 'nejem na piguim laseripi lelaatqaipi ñi qota'olec. Chaqai mashic llaalqaipi ñi qota'olec, ma' mashic liỹa nca'leuec.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Hechos 7:26

Ca' queca liỹa nete'e, so Moisés iuanejlgoto saua dos Israel lase' nco'uaatecta', ca ma' so'maxare ỹahotaque quiyim nemanata', ca 'naapegalo: “Qamiri, chaqaiqamiri nqaỹa', qam ¿chi'negue ma' nqa'viiñitecta'?”

Romanos 12:18

Ca' ỹaatqajam na'ñaxachii quiyim 'viichii ná'ogue ná'maq 'neeta'pegue na qomyipi, qaiyi qaica canchaqaica caqamiá'ogue.

Romanos 8:14

Ma' ná'ogue ná'maq queeta'pegue' so Espíritu chicqo'ot ñi qota'a, na'maxare ỹaatqajam llaalqaipi ñi'maxare.

Romanos 8:16

Ca' chaqaiso só'maq Espíritu só'maq necoñiguit ñi qara'al, quiyim 'nerac quiyim mashic qomi' llaalqa ñi qota'a.

Romanos 8:19

Ca' 'xoic da nishoxo chaqai da quitaxac quiyim ma' ná'ogue na lo'ueenatqaipi ñi qota'a nauaanta'a cajo laloqo' quiyim ma' na llaalqaipi ñi'maxare qaỹachaxanec da no'ueenataxac.

1 Corintios 6:6

¿Peeta'a ỹouen ca mashic icoñiguit da na'qaatec quiyim 'ue ca qaỹasauaxat queca lqaỹa lpi'ỹaxaua quiyim quepegue' ca nashi saqa' icoñiguit da na'qaatec quiyim ỹa'maxajñi?

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Efesios 4:1

Ca' vichiguiño' saqatalo qamiri quiyim na'maxachita ma' mashic qaroỹaxanalo qamiri quiñi qota'a, ma' qaycoñiretari', sasouetapigui so qara'gaxala'.

Filipenses 4:2

'Ue da ỹaqataxac, ñi'xoresentouguilo caua Evodia chaqai aca Síntique quiyim neuojonta', 'neetasa'lo caua nqaỹa' quiyim nañaantetot so qara'gaxala'.

Colosenses 3:13

Chaqai ỹaatqajam 'ue da reualaxaviguii queca riỹahi, chaqai sqai caapeguem no'm 'ue ca se no'uen qohine'tegue queca liỹa. Ca dá'maq 'ne'tegue so Cristo quiyim i'xorene' qamiri, ca' chaqaida 'ñii'tegue qamiri qai'neeta.

Hebreos 12:14

Nquipichiỹa'pegue' daañiỹaque quiyim huaguii'chiguit ná'ogue na qomyipi, ỹaatqajam co'teeta nqai'ñii da nachaalataxaguii. Ma' no'm sqaica da lco'taxa da chaalataxac, ca' qaica ca iuana ñi qara'gaxala'.